റിയാലിറ്റി ഷോകളിലൂടെയും ടെലിവിഷന്‍ സീരിയലുകളിലൂടെയും പ്രേക്ഷകര്‍ക്ക് സുപരിചിതയാണ് അനുമോള്‍. ഇപ്പോഴിതാ ഒരു യൂട്യൂബ് വ്‌ളോഗിലൂടെ താരം പങ്കുവച്ചകാര്യങ്ങളാണ് ആരാധകര്‍ക്കിടയില്‍ ചര്‍ച്ചയാകുന്നത്. വീഡിയോയില്‍ അനുമോളുടെ കൈയിലെ ഞരമ്പിന്റെ ഭാഗത്ത് ഒരു കെട്ടുണ്ട്. അതെങ്ങനെയുണ്ടായി എന്നാണ് താരം വ്യക്തമാക്കുന്നത്. തന്റെ കൈയില്‍ വളര്‍ന്ന മുഴ നീക്കം ചെയ്തതിനാലാണ് കൈ കെട്ടി വച്ചിരിക്കുന്നതെന്നും അല്ലാതെ ഞരമ്പുമുറിച്ചതല്ലെന്നും അനുമോള്‍ പറയുന്നു.

വളരെ സിംപിളായ സര്‍ജറിയായിരുന്നു. സൂചി ഉപയോഗിച്ച് ഉള്ളിലെ പള്‍പ്പ് വലിച്ചെടുക്കുന്ന സിംപിള്‍ പ്രോസസ് ആയിരുന്നു. ഇനിയും ചിലപ്പോള്‍ മുഴ തിരിച്ചുവരാന്‍ സാദ്ധ്യതയുണ്ട്. കൈയിലെ കെട്ടുമായി പുറത്തിറങ്ങുമ്പോള്‍ അനുമോള്‍ ഞരമ്പു മുറിച്ചു, സ്റ്റിച്ചിടാന്‍ വന്നുവെന്നൊക്കെ ചിലര്‍ വിചാരിക്കും. ഞരമ്പ് മുറിക്കാന്‍ വേറെ പണിയില്ലേ.' അനുമോള്‍ പറയുന്നു

'ഒരു കുഞ്ഞ് സര്‍ജറിയുണ്ട്. വലിയ സംഭവമൊന്നുമല്ല. കൈയില്‍ ഒരു സിസ്റ്റ് വളരുന്നുണ്ട്. ഒരു വര്‍ഷമായുണ്ട്. ബിഗ്‌ബോസിലേക്ക് പോകുന്നതിന് മൂന്നുമാസം മുന്‍പാണ് ശ്രദ്ധയില്‍പ്പെട്ടത്. ആ സമയത്ത് സര്‍ജറിക്കുള്ള സമയം കിട്ടിയിരുന്നില്ല. നല്ല തിരക്കായിരുന്നു. റെസ്റ്റ് എടുക്കാന്‍ സമയം വേണമായിരുന്നു. അതുകൊണ്ട് സാഹചര്യം ഒത്തുവന്നപ്പോള്‍ സര്‍ജറി ചെയ്‌തേക്കാമെന്ന് കരുതി. ഗാംഗ്ലിയന്‍ സിസ്റ്റ് എന്നാണ് കൈയിലെ മുഴയ്ക്ക് പറയുന്ന പേര്. യഥാര്‍ത്ഥത്തില്‍ ഒരു തരത്തിലുള്ള ഫാറ്റാണ് സിസ്റ്റായി മാറിയത്.

പെട്ടെന്ന് ഇതുപോലുള്ള മുഴകള്‍ ശരീരത്തില്‍ വരുമ്പോള്‍ ആളുകള്‍ ഭയക്കും. എന്താണ് വന്നിരിക്കുന്നതെന്ന് ആലോചിച്ചാകും ടെന്‍ഷന്‍. മുഴ കണ്ടപ്പോള്‍ ആദ്യം എനിക്കും പേടിയായിരുന്നു. അങ്ങനെയാണ് ആശുപത്രിയില്‍ കാണിച്ചത്. മാത്രമല്ല, എനിക്കറിയാവുന്ന ഡോക്ടര്‍മാരോടെല്ലാം ഇക്കാര്യം പറഞ്ഞപ്പോള്‍ അവര്‍ പേടിക്കണ്ടെന്ന് പറഞ്ഞു. ചിലര്‍ക്കൊക്കെ വരുന്നതാണത്രേ. സര്‍ജറി ചെയ്ത് കളയാവുന്ന കാര്യമേയുള്ളുവെന്നും പറഞ്ഞു. ശരീരത്തില്‍ ഇതുപോലെ മുഴകള്‍ ശ്രദ്ധയില്‍പ്പെട്ടാല്‍ ഉടന്‍ വേണ്ട ചികിത്സ തേടണമെന്നും താരം മുന്നറിയിപ്പ് നല്‍കുന്നുമുണ്ട്.