ബേസില് ജോസഫ് ടോളിവുഡിലേക്ക് : അല്ലു അര്ജുന് ബേസില് ചിത്രം അടുത്ത വര്ഷം
തെലുങ്ക് സൂപ്പര് താരം അല്ലു അര്ജുന് നായകനായി സൂപ്പര് ഹീറോ ഫാന്റസി ചിത്രത്തിലൂടെ ബേസില് ജോസഫ് ടോളിവുഡിലേക്ക് അരങ്ങേറ്റം നടത്തുകയാണ്. അടുത്ത വര്ഷം ചിത്രീകരണം ആരംഭിക്കുമെന്നാണ് സൂചന. അല്ലു അര്ജുന്റെ പിതാവ് അല്ലു അരവിന്ദിന്റെ ഉടമസ്ഥതയിലെ ഗീത ആര്ട്സിന്റെ ബാനറില് ആയിരിക്കും നിര്മ്മാണം. അറ്റ്ലി ചിത്രത്തിനുശേഷം ലോകേഷ് കനകരാജ്, സുകുമാര് എന്നിവരുടെ ചിത്രങ്ങള് അല്ലു അര്ജുനെ കാത്തിരിക്കുന്നുണ്ട്.മിക്കവാറും ലോകേഷ് ചിത്രത്തിനുശേഷം ആയിരിക്കും ബേസില് ചിത്രത്തില് അഭിനയിക്കുക എന്നാണ് സൂചന.
പുഷ്പയുടെ മൂന്നാം ഭാഗം ആണ് അല്ലുവും സുകുമാറും ചേര്ന്ന് ഒരുക്കുക. ലോകേഷ് കനകരാജിന്റേത് മാസ് ആക്ഷന് ചിത്രവും . മലയാളത്തില് ആദ്യമായി സൂപ്പര് ഹീറോയായി എത്തിയ 'മിന്നല് മുരളി' ബേസില് ജോസഫ് ആണ് സംവിധാനം ചെയ്തത്.അടുത്തിടെ അല്ലു അര്ജുന്റെ സഹോദരനും നടനുമായ അല്ലു സിരീഷിന്റെ പ്രീവെഡ്ഡിംഗിന് ബേസില് ജോസഫ് പങ്കെടുത്തിരുന്നു. അല്ലു അര്ജുനുമായി കൈകോര്ക്കുന്നതിന്റെ ഭാഗം കൂടിയാണ് ഇതെന്ന് കരുതിയിരുന്നു പ്രേക്ഷകര്.കുഞ്ഞിരാമായണം, ഗോദ, എന്നിവയാണ് ബേസില് ജോസഫിന്റെ സംവിധാനത്തില് പുറത്തിറങ്ങിയ മറ്റു ചിത്രങ്ങള്.
രണ്വീര് സിംഗ് നായകനായി ശക്തിമാന് എന്ന ബോളിവുഡ് ചിത്രം ഒരുക്കുന്നതിന് വിലപ്പെട്ട രണ്ടു വര്ഷം നീക്കിവച്ചെങ്കിലും ആ പ്രോജക്ട് യാഥാര്ത്ഥ്യമായില്ല. സോണി പിക് ചേഴ്സിന്റെ ബാനറില് നിര്മ്മിക്കാനായിരുന്നു ലക്ഷ്യം. അതേസമയം ബേസില് ജോസഫ്, ടൊവിനോ തോമസ്, വിനീത് ശ്രീനിവാസന് എന്നിവരെ പ്രധാന കഥാപാത്രമാക്കി നവാഗതനായ അരുണ് അനിരുദ്ധന് സംവിധാനം ചെയ്യുന്ന അതിരടി റിലീസിന് ഒരുങ്ങുന്നു.
കോളേജ് ക്യാമ്പസിന്റെ പശ്ചാത്തലത്തില് ഒരുങ്ങുന്ന ചിത്രം മേയ് 14ന് റിലീസ് ചെയ്യും. കിടിലന് മാസ് ട്രാന്സ് ഫോര്മേഷനിലാണ് ബേസിലിന്റെ സാം ബോയ് എന്ന കഥാപാത്രം എത്തുന്നത്. ബേസില് ജോസഫ് എന്റര്ടെയ്ന്മെന്റ്സിന്റെ ബാനറില് ബേസില് ജോസഫും ഡോ. അനന്തു എന്റര്ടെയ്ന്മെന്റ്സിന്റെ ബാനറില് ഡോ.അനന്തു എസും ചേര്ന്നാണ് നിര്മ്മാണം.
https://www.facebook.com/Malayalivartha
