സഹായികളെയും മേക്കപ്പ്മാനെയും അംഗരക്ഷകരെയും കൂടാതെ പട്ടിക്കുട്ടികളുമായും തമിഴ് നടിമാര് ലൊക്കേഷനിലെത്തുന്നു; ഇവരുടെയെല്ലാം താമസവും ചെലവും നിര്മാതാവിന്റെ കീശയില് നിന്ന്
സിനിമകളുടെ പ്രമോഷനും ഓഡിയോ ലോഞ്ചിനും എത്താന് പ്രത്യേകം പ്രതിഫലം ആവശ്യപ്പെടുന്ന നടിമാര് പല നിര്മാതാക്കള്ക്കും ഭാരമാകുന്നു. അഭിനയിക്കാന് മാത്രമാണ് ശമ്പളം വാങ്ങുന്നതെന്നാണ് ഈ നടിമാര് പറയുന്നത്. പ്രമോഷനും മറ്റ് പരിപാടികളും ജോലിയുടെ ഭാഗമല്ല, അതിനാല് കൂടുതല് പണം വേണമെന്ന ഉറച്ചനിലപാടിലാണിവര്. എന്നാലിതിന് നിര്മാതാക്കള് വഴങ്ങുന്നില്ല. പലിശയ്ക്ക് പണം വാങ്ങിയും വായ്പയെടുത്തുമാണ് പലരും സിനിമ എടുക്കുന്നത്. നയന്താര, കാജല് അഗര്വാള്, ഹന്സിക എന്നിവര് ഒരു സിനിമയുടെ കരാര് ഒപ്പിടുമ്പോഴേ ഉള്ള കാര്യം തുറന്ന് സമ്മതിക്കും. ഞങ്ങള് പ്രമോഷന് പരിപാടികളില് പങ്കെടുക്കില്ലെന്ന്. അഥവാ അത് നിര്ബന്ധമാണെങ്കില് തങ്ങളെ ഒഴിവാക്കാന് പറയും. അതായത് പറേന്ന വാക്കിന് വിലയുണ്ട്.
മാസങ്ങള്ക്ക് മുന്പ് ചരുരശ്ര അടി 3500 എന്ന സിനിമയുടെ പ്രമോഷന് നടി ഇനിയയും നായകന് റഹ്മാനും എത്താമെന്ന് പറഞ്ഞിരുന്നു. എന്നാല് സമയത്ത് ഇരുവരും മുങ്ങി. കാലിന് വേദനയായതിനാല് എത്താനാകില്ലെന്നാണ് ഇനിയ അറിയിച്ചത്. റഹ്മാന് പ്രതികരിച്ചത് പോലുമില്ലെന്ന് അണിയറപ്രവര്ത്തകര് പറയുന്നു. കഥാനായകന് എന്ന ചിത്രത്തിന്റെ നിര്മാതാവിനെ കാതറിന് തെരേസ ഇതേ പോലെയാണ് പറ്റിച്ചത്. വേറൊരു നടി പഞ്ചനക്ഷത്ര ഹോട്ടലിലെ സ്യൂട്ടില് കാമുകനുമൊത്ത് കഴിഞ്ഞിട്ട്, ആശുപത്രയില് അഡ്മിറ്റാണെന്ന് സംവിധായകനെ വിളിച്ച് പറഞ്ഞു. എന്നാല് പരിപാടികഴിഞ്ഞ് ഹോട്ടലിലെത്തിയ നിര്മാതാവ് നടിയെയും കാമുകനെയും കണ്ട് പൊട്ടിത്തെറിച്ചു. തമന്നയും പ്രമോഷന് പരിപാടികള്ക്ക് എത്താമെന്ന് പറഞ്ഞിട്ട് അവസാന നിമിഷം ഒഴിവ്കഴിവുകള് പറയുകയാണ് പതിവ്.
മുമ്പ് തമിഴില് നടിമാര്ക്ക് കാള്ഷീറ്റ് അനുസരിച്ചാണ് പ്രതിഫലം നല്കിയിരുന്നത്. ഇന്ന് നടിമാര്ക്കൊപ്പം അഞ്ച് സഹായിമാരുണ്ടാകും. മേക്കപ്പ്മാനും പാചകക്കാരനും വരെ പട്ടികയിലുണ്ട്. ചില നടിമാര് പട്ടികളെയും കൂട്ടി വരാറുണ്ട്. അതിന്റെ ചെലവും നിര്മാതാക്കള് വഹിക്കണം. സാദാ പട്ടികളല്ല, മട്ടണ് കലര്ന്ന ബിരിയാണി, സൂപ്പ് തുടങ്ങിയ ഫൈവ്സ്റ്റാര് ആഹാരമാണ് ഇവയ്ക്ക് നല്കുന്നത്. നക്ഷത്രഹോട്ടലുകളില് നടിമാര്ക്കും കൂടെയുള്ളവര്ക്കും പ്രത്യേകം റൂം നിര്ബന്ധമാണ്. നാട്ടിലേക്ക് മടങ്ങാന് ഫസ്റ്റ് ക്ലാസ് ടിക്കറ്റും. ബോളിവുഡില് നിന്ന് നായികയെ എത്തിച്ചാല് വട്ടംചുറ്റിപ്പോകും സഹായികള്ക്കും മറ്റും പുറമേ ആറേഴ് അംഗരക്ഷകരും ഉണ്ടാകും. അവര്ക്ക് പ്രത്യേകം താമസവും പ്രതിഫലവും നല്കും.
https://www.facebook.com/Malayalivartha