സിനിമ വിജയിച്ചാല് പ്രതിഫലം കൂട്ടുകയും പരാജയപ്പെട്ടാല് കുറയ്ക്കാതെയും വിലസുന്ന നടിമാരെ കൊണ്ട് നിര്മാതാക്കള് പൊറുതിമുട്ടി
ജി.എസ്.ടിയുടെ മറവില് നയന്താരയും അനുഷ്കാ ഷെട്ടിയും ഉള്പ്പെടെയുള്ള പല തെന്നിന്ത്യന് നടിമാരും പ്രതിഫലം കുത്തനെ കൂട്ടി. ടൈറ്റില് വേഷത്തില് അഭിനയിക്കുന്നവരാണ് ശമ്പളം കൂട്ടിയവരില് അധികവും. നയന്താര അഞ്ച് കോടിയായും അനുഷ്ക നാലുകോടിയുമാണ് ഇപ്പോള് പ്രതിഫലം കൈപ്പറ്റുന്നത്. താമസവും ഭക്ഷണവും സഹായികള്ക്കും ഡ്രൈവര്ക്കും മറ്റുമുള്ള സൗകര്യങ്ങള്ക്ക് പുറമേയാണിത്. സൂപ്പര്ടാക്സ് നല്കുന്ന നടിമാര്ക്ക് ജി.എസ്.ടി വലിയ തിരിച്ചടിയാണ് നല്കിയത്. ടാക്സ് നിര്മാതാക്കള് നല്കണമെന്ന് ചില നടിമാര് വാശിപിടിക്കാറുണ്ട്. ഗത്യന്തരമില്ലാതെ ചിലരതിന് വഴങ്ങുകയും ചെയ്യും.
നായികമാര്ക്ക് കേന്ദ്രകഥാപാത്രമായി അഭിനയിക്കാന് അവസരം ലഭിക്കുക എന്നത് വളരെ പ്രയാസമാണ്. പടം ഹിറ്റായാല് പ്രതിഫലം ഉയര്ത്തുന്നതാണ് പതിവ്. പരാജയപ്പെട്ടാല് കുറയ്ക്കാറുമില്ല. ഇപ്പോള് ജി.എ.ടിയെ പഴിചാരിയാണ് ശമ്പളം കൂട്ടിയത്. നയന്താരയുടെ മാര്ക്കറ്റിന് ഇതുവരെ ഇടിവ് വീണിട്ടില്ല. അതേസമയം അനുഷ്കയ്ക്ക് സിനിമകളുണ്ടെങ്കിലും പലപ്പോഴും ഒറ്റയ്ക്ക് ഹിറ്റുകള് ഉണ്ടാക്കാനാവുന്നില്ല. നയന്താരയ്ക്ക് തെന്നിന്ത്യന് ഭാഷകളിലെല്ലാം നല്ല മാര്ക്കറ്റാണ്. പുതുമുഖ നായകന്മാരോടൊത്ത് അഭിനയിക്കാനാണ് ഏറെ താല്പര്യം. ചെന്നൈയിലാണ് ചിത്രീകരണമെങ്കിലും വീട്ടില് പോകാതെ ഹോട്ടലുകളില് തങ്ങുന്നതാണ് നയന്താരയുടെ രീതി. പ്രമോഷനും മറ്റ് പരിപാടികള്ക്കും പങ്കെടുക്കാറുമില്ല. ചിത്രീകരണത്തിന് കൃത്യസമയത്ത് എത്തുന്ന അപൂര്വം നടിമാരില് ഒരാളാണ് നയന്താര.
മെര്സല് ഹിറ്റായതോടെ കാജല് അഗര്വാളും പ്രതിഫം കൂട്ടി. അതിന് ശേഷം വന്ന വിവേകം വലിയ പരാജയമായിരുന്നു. മുന്നിര നായികയായ തൃഷയ്ക്ക് നമ്പര് വണ് പദവിയിലേക്ക് ഉയരാന് ഇതുവരെ ആയിട്ടില്ല. അതുകൊണ്ട് ഒന്നരക്കോടിയാണ് പ്രതിഫലം വാങ്ങുന്നത്. നയന്താരയെ എങ്ങനെയും മറികടക്കണം എന്നാണ് താരത്തിന്റെ ആഗ്രഹം. അമ്മ ഉള്പ്പെടെയുള്ള കുടുംബാംഗങ്ങളുമായാണ് താരം ലൊക്കേഷനില് എത്തുക. പലപ്പോഴും നിര്മാതാക്കള്ക്ക് ഇത് വലിയ ബാധ്യതയാണ് ഉണ്ടാക്കുന്നത്. ബോളിവുഡില് ഉള്പ്പെടെ അഭിനയിക്കുന്ന ശ്രുതിഹാസന് ഒരു കോടിയാണ് വാങ്ങുന്നത്. ശ്രൂതിയുടെ പല പടങ്ങളും പരാജയമായിരുന്നു. അതൊന്നും പ്രതിഫലത്തെ ബാധിച്ചിട്ടില്ല. ഖുശ്ബു നിര്മിക്കുന്ന സിനിമയില് അഭിനയിക്കാന് കരാര് ഒപ്പിട്ട ശേഷം ശ്രുതി പിന്വാങ്ങുകയും ചെയ്തിരുന്നു. ജി. എസ്.ടി നിര്മാണച്ചെലവിനെ മൊത്തത്തില് ബാധിച്ചിട്ടുണ്ടെന്ന് നിര്മാതാക്കള് പറയുന്നു. സാറ്റലൈറ്റ് അവകാശത്തിന് ഉള്പ്പെടെ ജി.എസ്.ടി ഇനത്തില് നല്ലതുക നിര്മാതാക്കള് നല്കുകയും വേണം.
https://www.facebook.com/Malayalivartha