കൊവിഡ് 19 ഭേദമായാലും മാസങ്ങളോളം അതിന്റെ തുടര് പ്രശ്നങ്ങള് ശാരീരികമായും മാനസികമായും കാണപ്പെടുമെന്ന് പഠനം..ലോങ്കോവിഡ് , അറിയേണ്ടതെല്ലാം
കൊവിഡ് 19 എന്ന മഹാമാരിക്കെതിരായ പോരാട്ടത്തിലാണ് നാമെല്ലാവരും.. വാക്സിന് എന്ന പ്രതീക്ഷ മുന്നിലുണ്ടെങ്കിലും നിലവില് രോഗത്തെ പ്രതിരോധിച്ചുനിര്ത്തുക എന്ന വഴി മാത്രമേ നമുക്ക് മുമ്പിലുള്ളൂ.
കൊവിഡ് 19 പല തരത്തിലാണ് ഓരോ രോഗിയിലും പ്രവര്ത്തിക്കുന്നതെന്ന് നാം കണ്ടു. ചിലരില് പനി , തലവേദന, ചുമ തുടങ്ങിയ ലക്ഷണങ്ങളോടെ കൊവിഡ് പ്രത്യക്ഷപ്പെടുമ്പോള് മറ്റ് ചിലരില് യാതൊരു ലക്ഷണവുമില്ലാതെയാണ് രോഗം കണ്ടുവരുന്നത്. പലർക്കും മറ്റ് ആവശ്യങ്ങൾക്കായി ടെസ്റ്റ് ചെയ്യുമ്പോഴാണ് കോവിഡ് പോസിറ്റീവ് ആണെന്ന് തിരിച്ചറിയുന്നത്. എന്നാൽ മറ്റു ചിലരാകട്ടെ രൂക്ഷമായ ശാരീരിക അവശതകൾ അനുഭവിക്കുന്നുമുണ്ട്.
ഇനി കൊവിഡ് 19ല് നിന്ന് മുക്തി നേടിയാലും നമ്മള് പൂര്ണ്ണമായി രോഗത്തിൽ നിന്ന് രക്ഷ നേടിയെന്ന് പറയാനാകാത്ത അവസ്ഥയാണ് ഇപ്പോഴുള്ളത്
യുകെയില് നടന്നൊരു പഠനത്തിന്റെ നിഗമനങ്ങളാണ് ഈ വിഷയവുമായി ബന്ധപ്പെട്ട് ഏറ്റവും ആധികാരികമായിട്ടുള്ളത് . ഓക്സ്ഫര്ഡ് യൂണിവേഴ്സിറ്റിയില് നിന്നുള്ള ഗവേഷകരാണ് ഈ പഠനത്തിന് നേതൃത്വം നല്കിയത് .
കൊവിഡ് 19 ഭേദമായാലും മാസങ്ങളോളം അതിന്റെ തുടര് പ്രശ്നങ്ങള് ശാരീരികമായും മാനസികമായും കാണപ്പെടുമെന്നാണ് പഠനം വിശദമാക്കുന്നത്. ടെസ്റ്റ് ഫലം നെഗറ്റീവായവരില് പലരിലും മാസങ്ങളോളം ശ്വാസതടസം, ക്ഷീണം, ഉത്കണ്ഠ, വിഷാദം എന്നിവയെല്ലാം കണ്ടെത്തിയതായാണ് ഗവേഷകര് അവകാശപ്പെടുന്നത്. എന്നാൽ രോഗ ലക്ഷണജോലി കുറിച്ച് പറഞ്ഞത് പോലെത്തന്നെ ഇത്തരത്തിലുള്ള പ്രശ്നങ്ങള് എല്ലാം എല്ലാവരിലും കാണപ്പെടുന്നില്ല . ചിലത്- ചിലരില് എന്ന തരത്തിലാണ് ഇവ കാണപ്പെടുന്നതത്രേ. എന്നാൽ യാതൊരു ബുദ്ധിമുട്ടും ഇല്ലാത്തവരും ഉണ്ട്
കൊവിഡ് ശരീരത്തിലെ പല അവയവങ്ങളുടേയും പ്രവര്ത്തനങ്ങളെ പ്രതികൂലമായി ബാധിക്കുന്നുണ്ടെന്നും പഠനം വിലയിരുത്തി . നേരത്തെ ബ്രിട്ടനിലെ 'നാഷണല് ഇന്സ്റ്റിറ്റ്യൂട്ട് ഫോര് ഹെല്ത്ത് റിസര്ച്ച്' (എന്ഐഎച്ച്ആര്) പുറത്തിറക്കിയ റിപ്പോര്ട്ടും സമാനമായ വിവരങ്ങള് തന്നെയാണ് പങ്കുവച്ചിരുന്നത്.
'ലോംഗ് കൊവിഡ്' എന്നാണ് ഇങ്ങനെയുള്ള കൊവിഡിന്റെ തുടര് പ്രശ്നങ്ങളെ എന്ഐഎച്ച്ആര് റിപ്പോര്ട്ട് വിശേഷിപ്പിക്കുന്നത്. ശരീരത്തേയും മനസിനേയും ബാധിക്കുന്ന വ്യത്യസ്തമായ വിഷമതകളാണ് 'ലോംഗ് കൊവിഡി'ല് ഉള്പ്പെടുന്നതെന്ന് റിപ്പോര്ട്ട് വ്യക്തമാക്കുന്നു.
കൊവിഡ് ഭേദമായവരില് 64 ശതമാനം പേര്ക്ക് അടുത്ത മൂന്ന് മാസത്തില് ശ്വാസതടസം അനുഭവപ്പെട്ടതായും 55 ശതമാനം പേര്ക്ക് ക്ഷീണം അനുഭവപ്പെട്ടതായും റിപ്പോര്ട്ടില് രേഖപ്പെടുത്തിയിരിക്കുന്നു. എന്തായാലും കായികമായും, സാമൂഹികമായും, പാരിസ്ഥിതികമായും വരുന്ന വ്യത്യാസങ്ങള് തീര്ച്ചയായും ഈ വിഷയത്തിലും വരാന് സാധ്യതയുണ്ട്. അതിനാല് തന്നെ ഓരോ രാജ്യങ്ങളിലും ഇതിന്റെ തോത് വ്യത്യാസപ്പെട്ടിരിക്കുമെന്നും പഠനത്തിൽ പറയുന്നു.. .
https://www.facebook.com/Malayalivartha