യുഎഇയില് ആരംഭിച്ച പോതുമാപ്പിനായി ആദ്യ ദിവസം തന്നെ എത്തിയത് നൂറുകണക്കിനു പേര്; സന്ദര്ശക വീസയിലെത്തി താമസ രേഖകളില്ലാതെ കഴിയുന്നവരാണ് പൊതുമാപ്പ് അപേക്ഷകരില് കൂടുതലും
02 AUGUST 2018 12:42 AM IST
മലയാളി വാര്ത്ത
ദുബായ് എമിഗ്രേഷന്റെ അല് അവീറിലെ സേവന കേന്ദ്രത്തില് ആരംഭിച്ച പൊതുമാപ്പില് നിന്ന് നൂറുകണക്കിന് പേരാണ് ഔട് പാസ് സ്വന്തമാക്കി മടങ്ങിയത്. ഫിലിപ്പീനി യുവാവാണ് ആദ്യമായി അധികൃതരുടെ മേശയ്ക്ക് മുന്നിലെത്തിയത്. 10 മിനിറ്റിനുള്ളില് നടപടികള് പൂര്ത്തിയാക്കി ഇയാള്ക്ക് ഔട് പാസ് നല്കി. രാവിലെ ഏഴരയ്ക്കാണ് പൊതുമാപ്പ് നടപടികള് ആരംഭിച്ചത്. കുടുംബങ്ങളടക്കമുള്ള അപേക്ഷകര് അതിന് മുന്പേ സ്ഥലത്തെത്തിയിരുന്നു.
സന്ദര്ശക വീസയിലെത്തി താമസ രേഖകളില്ലാതെ കഴിയുന്നവരാണ് പൊതുമാപ്പ് അപേക്ഷകരില് കൂടുതലും എത്തിയത്. അതേസമയം, വീസ മാറ്റാന് ഉദ്ദേശിക്കുന്നവര് അമര് അല്ലെങ്കില് തസ്ഹീല് കേന്ദ്രങ്ങളെ സമീപിക്കണമെന്ന് അമ്മാര്സ് ഡിപാര്ട്മെന്റ് ഓഫ് ദുബായ് റസിഡന്റ്സ് വിഭാഗം ഡയറക്ടര് മേജര് സാലിം ബിന് അലി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
