ഏഷ്യന് ചാമ്പ്യന്സ് ഹോക്കി ടൂര്ണമന്റെിന് വ്യാഴാഴ്ച മസ്കത്തിലെ സുല്ത്താന് ഖാബൂസ് സ്റ്റേഡിയത്തില് തുടക്കമാകും
ഏഷ്യന് ചാമ്പ്യന്സ് ഹോക്കി ടൂര്ണമന്റെിന് വ്യാഴാഴ്ച മസ്കത്തിലെ സുല്ത്താന് ഖാബൂസ് സ്റ്റേഡിയത്തില് തുടക്കമാകും. ഇന്ത്യന് ടീമിന് പുറമെ ബദ്ധവൈരികളായ പാകിസ്താന്, ഏഷ്യയിലെ മികച്ച ടീമുകളായ മലേഷ്യ, തെക്കന് കൊറിയ കൂടാതെ ജപ്പാനും ആതിഥേയരായ ഒമാനും പങ്കെടുക്കുന്നുണ്ട്.
ഒമാന് ഹോക്കി അസോസിയേഷനാണ് ടൂര്ണമന്റെിന്റെ ആതിഥേയര്. ടൂര്ണമന്റെില് പങ്കെടുക്കുന്നതിനുള്ള 18 അംഗ ഇന്ത്യന് ടീം തിങ്കളാഴ്ച രാത്രി മസ്കത്തിലെത്തി. മലയാളിതാരവും ഗോളിയുമായ ശ്രീജേഷും ടീമിലുണ്ട്. മസ്കത്ത് അന്താരാഷ്ട്ര വിമാനത്താവളത്തില് യു.ടി.എസ്.സി ഒമാന്റെ നേതൃത്വത്തില് ടീമംഗങ്ങള്ക്ക് സ്വീകരണം ഒരുക്കിയിരുന്നു.
വ്യാഴാഴ്ച വൈകീട്ട് 6.55ന് മലേഷ്യയും ജപ്പാനും തമ്മിലാണ് ആദ്യ മത്സരം. 9.10ന് നടക്കുന്ന രണ്ടാമത്തെ മത്സരത്തില് ഇന്ത്യ ആതിഥേയരായ ഒമാനെ നേരിടും. ടീമുകളെ ഒരൊറ്റ പൂളില് ഉള്പ്പെടുത്തിയുള്ള പ്രാഥമിക റൗണ്ട് മത്സരങ്ങള് ഒക്ടോബര് 25 വരെ നീളും. 27ന് സെമി മത്സരങ്ങളും 28ന് ഫൈനലും നടക്കും. നവംബര്ഡിസംബര് മാസങ്ങളില് ഒഡിഷയില് നടക്കുന്ന ലോകകപ്പ് ഹോക്കി മത്സരങ്ങളുടെ മുന്നൊരുക്കമായാണ് ഏഷ്യന് ഹോക്കി ടൂര്ണമന്റെിനെ കാണുന്നതെന്ന് ക്യാപ്റ്റന് മന്പ്രീത് സിങ് പറഞ്ഞു. ലോക റാങ്കിങ്ങില് 12ാം സ്ഥാനക്കാരായ മലേഷ്യയും 14ാം സ്ഥാനക്കാരായ തെക്കന് കൊറിയയും ഇക്കഴിഞ്ഞ ഏഷ്യന് ഗെയിംസിലെ സ്വര്ണ മെഡല് ജേതാക്കളായ ജപ്പാനുമായുള്ള മത്സരങ്ങള് ഇന്ത്യന് ടീമംഗങ്ങള്ക്ക് ഗുണം ചെയ്യും.
മികച്ച പ്രകടനം കാഴ്ചവെച്ച് ടൂര്ണമന്റെില് കിരീടം ചൂടുന്നതിനാണ് മുന്ഗണനയെന്നും മന്പ്രീത് സിങ് പറഞ്ഞു.ഒമാനിലെ ഹോക്കി പ്രേമികളും മത്സരത്തിന്റെ ആവേശത്തിലാണ്. 20ന് രാത്രി 9.10നാണ് ഇന്ത്യപാക്ക് മല്സരം. ഇതിന്റെ ടിക്കറ്റുകളെല്ലാം വിറ്റുപോയിട്ടുണ്ട്.
"
https://www.facebook.com/Malayalivartha