യു.​എ.​ഇ​യി​ലെ താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും കൊണ്ട് വരുന്ന എ​ല്ലാ മ​രു​ന്നു​ക​ൾ​ക്കും മു​ൻ​കൂ​ട്ടി​യു​ള്ള അ​നു​മ​തി ആ​വ​ശ്യ​മി​ല്ലെ​ന്ന് ആരോഗ്യ രോഗപ്രതിരോധ മന്ത്രാലയം. വ്യ​ക്​​തി​ഗ​ത ഉ​പ​യോ​ഗ​ത്തി​നു​ള്ള മ​രു​ന്നു​ക​ൾ രാജ്യത്തേയ്ക്ക് കൊ​ണ്ടു​വ​രു​ന്ന കാ​ര്യ​ത്തിലുള്ള കൂടുതൽ വിശദീകരണങ്ങൾ വെ​ബ്​​സൈ​റ്റിലൂടെയാണ് അധികൃതർ വ്യക്തമാക്കിയത്. നേ​ര​ത്തെ മ​ന്ത്രാ​ല​യ വ​ക്​​താ​വ്​ ന​ട​ത്തി​യ പ്ര​സ്​​താ​വ​ന​യെ തു​ട​ർ​ന്ന്​ നി​ര​വ​ധി അന്വേ​ഷ​ണ​ങ്ങ​ൾ വ​ന്ന സാഹചര്യത്തിലാണ് വി​ശ​ദീ​ക​ര​ണം.

അതേസമയം, നാ​ർ​കോ​ട്ടി​ക്​ ബേ​സ്​​ഡ്, സൈ​ക്കോ​ട്രോ​പി​ക്​ നി​യ​ന്ത്രി​ത മ​രു​ന്നു​ക​ൾ​ക്ക്​ മ​ന്ത്രാ​ല​യ​ത്തിന്റെ വെബ്സൈറ്റ്​ വ​ഴി മു​ൻ​കൂ​ർ അ​നു​മ​തി നേ​ട​ണം. നി​യ​ന്ത്രി​ത മ​രു​ന്നു​ക​ള്‍ കൊ​ണ്ടു​വ​രു​ന്ന​വ​ർ മു​ൻ​കൂ​ർ അ​നു​മ​തി നേ​ടി​യാ​ല്‍ വി​മാ​ന​ത്താ​വ​ള​ത്തി​ല്‍ പ​രി​ശോ​ധ​ന​ക്ക്​ സ​മ​യം ചെ​ല​വ​ഴി​ക്കു​ന്ന​ത് ഒ​ഴി​വാ​ക്കാ​മെ​ന്നാ​ണ് ആ​രോ​ഗ്യ മന്ത്രാ​ല​യം അ​റി​യി​ക്കു​ന്ന​ത്.

ഇ​ക്കാ​ര്യ​ത്തി​ല്‍ നേ​ര​ത്തെ​യു​ള്ള നി​യ​മ​ത്തി​ൽ മാ​റ്റ​മൊ​ന്നും വ​രു​ത്തി​യി​ട്ടി​ല്ല. വി​മാ​ന​ത്താ​വ​ള​ത്തി​ല്‍ എ​ത്തു​ന്ന​തി​ന് മു​മ്പ്​ ഓ​ണ്‍ലൈ​നാ​യി അ​പേ​ക്ഷ ന​ല്‍കാ​നു​ള്ള സം​വി​ധാ​നം കൂ​ടി ഏ​ര്‍പ്പെ​ടു​ത്തു​ക​യാ​ണ് ചെ​യ്​​ത​ത്. ന​ട​പ​ടി​ക​ള്‍ എ​ളു​പ്പ​മാ​ക്കു​ന്ന​തി​ന് വേ​ണ്ടി​യാ​ണ് ഇ​ത്.

നി​യ​ന്ത്രി​ത മ​രു​ന്നു​ക​ള്‍ കൊ​ണ്ടു​വ​രു​ന്ന​വ​ര്‍ ഓ​ണ്‍ലൈ​ന്‍ അ​നു​മ​തി നേ​ടി​യി​ട്ടി​ല്ലെ​ങ്കി​ല്‍ വി​മാ​ന​ത്താ​വ​ള​ത്തി​ല്‍ ആ​വ​ശ്യ​മാ​യ ന​ട​പ​ടി​ക്ര​മ​ങ്ങ​ള്‍ പൂ​ര്‍ത്തീ​ക​രി​ക്ക​ണം. ഡോ​ക്​​ട​റു​ടെ കു​റി​പ്പ്, എ​ന്തു​കൊ​ണ്ടാ​ണ്​ മ​രു​ന്ന്​ ആ​വ​ശ്യ​മെ​ന്ന​തും എ​ത്ര അ​ള​വ്​ വേ​ണ​മെ​ന്ന​തും സം​ബ​ന്ധി​ച്ച മെ​ഡി​ക്ക​ൽ റി​പ്പോ​ർ​ട്ട്​ തു​ട​ങ്ങി​യ​വ പ​രി​ശോ​ധ​ന സ​മ​യ​ത്ത്​ കാ​ണി​ക്ക​ണം.

ഓ​ണ്‍ലൈ​ന്‍ അ​പേ​ക്ഷ ന​ൽ​കു​േ​മ്പാ​ഴും ചി​കി​ത്സി​ക്കു​ന്ന ഡോ​ക്ട​റു​ടെ കു​റി​പ്പ​ടി, മെ​ഡി​ക്ക​ൽ റി​പ്പോ​ർ​ട്ട്​ ഉ​ള്‍പ്പെ​ടെ​യു​ള്ള രേ​ഖ​ക​ള്‍ അ​പ്‍ലോ​ഡ് ചെ​യ്യ​ണം. www.mohap.gov.ae എ​ന്ന വെ​ബ്സൈ​റ്റ് വ​ഴി​യാ​ണ് അ​പേ​ക്ഷ ന​ല്‍കേ​ണ്ട​ത്.
നി​യ​ന്ത്രി​ത​ മ​രു​ന്നു​ക​ളു​ടെ വി​ശ​ദ​മാ​യ പ​ട്ടി​ക യൂ.​എ.​ഇ നാ​ർ​ക്കോ​ട്ടി​ക്​ നി​യ​മം 14/1995ൽ ​വി​ശ​ദ​മാ​യി പ​റ​യു​ന്നു​ണ്ട്. ഇൗ ​പ​ട്ടി​ക മ​ന്ത്രാ​ല​യ​ത്തിന്റെ വെ​ബ്​​സൈ​റ്റി​ൽ ല​ഭി​ക്കും.