ഒമാനില് ഒരുമാസത്തിനിടെ എത്തിയത് 7,071 വിദേശ തൊഴിലാളികള്
ഒമാനില് ഒരുമാസത്തിനിടെ വിദേശ തൊഴിലാളികളുടെ എണ്ണത്തില് 7,071 പേരുടെ വര്ധന. ഒക്ടോബര് അവസാനം 15,58,452 തൊഴിലാളികള് ഉണ്ടായിരുന്ന സ്ഥാനത്തു നവംബര് അവസാനത്തില് 15,65,523 പേരായതായി നാഷനല് സെന്റര് ഫോര് സ്റ്റാറ്റിസ്റ്റിക്സ് ആന്ഡ് ഇന്ഫര്മേഷന് റിപ്പോര്ട്ട് വ്യക്തമാക്കുന്നു. 0.5% ആണു വര്ധന. ഇക്കാലയളവില് സര്ക്കാര് മേഖലയില് 233 പേരും സ്വകാര്യമേഖലയില് 4631 പേരുമാണു പുതുതായി ജോലിയില് പ്രവേശിച്ചത്. രാജ്യത്തു മൊത്തം 13,53,929 വിദേശതൊഴിലാളികളാണുള്ളത്.
ഇതില് 86.5 ശതമാനവും ഇന്ത്യ, ബംഗ്ലദേശ്, പാക്കിസ്ഥാന് എന്നിവിടങ്ങളില്നിന്നുള്ളവരാണ്. മസ്കറ്റിലാണ് ഏറ്റവും കൂടുതല് വിദേശ തൊഴിലാളികള് - 6,92,550 പേര്. ഏറ്റവും കുറവ് മുസണ്ടം ഗവര്ണറേറ്റില് - 13,807. ഒമാനിലെ വിദേശ തൊഴിലാളികളില് 2,773 പേര് പിഎച്ച്ഡി യോഗ്യതയുള്ളവരാണെന്നും റിപ്പോര്ട്ടില് പറയുന്നു. അതേസമയം, ജനുവരി മൂന്നിന് അവസാനിച്ച ഒരാഴ്ചയ്ക്കിടെ 509 പേര് തൊഴില് നിയമലംഘനം നടത്തിയതായി പരിശോധകസംഘം കണ്ടെത്തി. 385 തൊഴിലാളികളെ പിടികൂടിയെന്നും തൊഴില് നിയമം ലംഘിച്ചതിന്റെ പേരില് 315 വിദേശികളെ നാടുകടത്തിയതായും അധികൃതര് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha