ഭക്ഷ്യസുരക്ഷ പ്രോത്സാഹിപ്പിക്കാനുള്ള 66 ദശലക്ഷം റിയാലിന്റെ പദ്ധതികള്‍ക്ക് സര്‍ക്കാര്‍ അനുമതി നല്‍കി. വിവിധ വിലായത്തുകളിലായി മൂന്നു മത്സ്യകൃഷി പദ്ധതികള്‍ക്കാണ് അംഗീകാരമായത്. സൗത് ശര്‍ഖിയ ഗവര്‍ണറേറ്റിലെ ജഅലാന്‍ ബനീ ബൂഹസന്‍ വിലായത്തിലെ ഖാറൂന്‍ ഗ്രാമത്തില്‍ അറേബ്യ മറൈന്‍ ഡെവലപ്‌മെന്റ് കമ്പനി ചെമ്മീന്‍ വളര്‍ത്തുകേന്ദ്രമാണ് ആരംഭിക്കുന്നത്. 29 ദശലക്ഷം റിയാലിന് 500 ഹെക്ടര്‍ ഭൂമിയാണ് ഇതിനായി കൈമാറുന്നത്. ദോഫാര്‍ ഗവര്‍ണറേറ്റിലെ ഷലീം വിലായത്തിലെ ശര്‍ബത്താത്തിലും അല്‍ ഹാലാനിയത്ത് ദ്വീപിലും ഹമൂര്‍ വളര്‍ത്തല്‍ കേന്ദ്രമാണ് ആരംഭിക്കുക. 34.5 ദശലക്ഷം റിയാലിന് 30 ഹെക്ടര്‍ ഭൂമിയാണ് പദ്ധതിക്കായി നടത്തിപ്പുകാരായ അല്‍ ജസീറ ഇന്‍വെസ്റ്റ്‌മെന്റ് കമ്പനിക്ക് കൈമാറുക. കൈവശപ്പണയ വ്യവസ്ഥയില്‍ രണ്ട് പദ്ധതികള്‍ക്കും ഭൂമി കൈമാറി ക്കൊണ്ടുള്ള കരാറില്‍ ഹൗസിങ് മന്ത്രി ശൈഖ് സെയ്ഫ് ബിന്‍ മുഹമ്മദ് അല്‍ ശബീബി ഒപ്പിട്ടു.

സൂര്‍ വ്യവസായ മേഖലയില്‍ 2.5 ദശലക്ഷം മുതല്‍മുടക്കില്‍ ഹമൂര്‍ കൃഷി ആരംഭിക്കാന്‍ നോളജ് മോഡേണ്‍ ടെക്‌നോളജീസ് എന്ന സ്ഥാപനത്തിന് സാങ്കേതിക പ്രവര്‍ത്തനാനുമതി നല്‍കുകയും ചെയ്തു. ഭക്ഷ്യസുരക്ഷക്ക് സര്‍ക്കാര്‍ ഏറെ പ്രാധാന്യം നല്‍കുന്നതിന്റെ ഭാഗമായാണ് പുതിയ പദ്ധതികള്‍ ആരംഭിച്ചതെന്ന് മന്ത്രി അറിയിച്ചു. വരുമാനത്തിന്റെ വൈവിധ്യവത്കരണത്തിനൊപ്പം രാജ്യത്ത് ലഭ്യമായ പ്രകൃതി സ്രോതസ്സുകള്‍ പൂര്‍ണമായി വിനിയോഗിക്കുകയും സര്‍ക്കാര്‍ ലക്ഷ്യമാണ്. ഹൗസിങ് മന്ത്രാലയവും കാര്‍ഷിക ഫിഷറീസ് മന്ത്രാലയവും സംയുക്തമായാണ് പദ്ധതിക്ക് ഭൂമി കണ്ടത്തെിയത്. മത്സ്യകൃഷി പദ്ധതികള്‍ ആരംഭിക്കാന്‍ കൂടുതല്‍ സ്ഥലങ്ങള്‍ കണ്ടത്തെുന്നതിനുള്ള ശ്രമത്തിലാണ് മന്ത്രാലയമെന്നും അല്‍ ശബീബി പറഞ്ഞു. വിനോദസഞ്ചാര പദ്ധതികള്‍ക്ക് അനുയോജ്യമായ സ്ഥലങ്ങളും കണ്ടത്തെിയിട്ടുണ്ട്. ഇവിടെ കൈവശപ്പണയ വ്യവസ്ഥയില്‍ പുതിയ സംരംഭങ്ങള്‍ ആരംഭിക്കാന്‍ നടപടികള്‍ പൂര്‍ത്തിയായിവരുന്നതായും മന്ത്രി കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha