ബഹ്റൈനില്‍ ഇനി ഒരു വിട്ടുവീഴ്ചയുമില്ല. കോവിഡ് പ്രതിരോധത്തിന്റെ ഭാഗമായി കൂടുതല്‍ നിയന്ത്രണങ്ങള്‍ ഏര്‍പ്പെടുത്തുവാൻ ഒരുങ്ങുകയാണ് ബഹറിൻ സർക്കാർ. ബഹ്റൈനിൽ കോവിഡ് പ്രതിരോധനത്തിന്റെ ഭാഗമായി വീണ്ടും നിയന്ത്രണങ്ങൾ കൊണ്ടുവരാനുള്ള ശക്തമായ നീക്കമാണ് നടത്തുവാൻ ഒരുങ്ങുന്നത്. രാജ്യത്തു രോഗികളുടെ എണ്ണത്തിൽ കഴിഞ്ഞ ദിവസങ്ങളിൽ നേരിയ വർദ്ധനവ് രേഖപ്പെടുത്തിയതിനെത്തുടർന്നാണ് സുപ്രീം കൗൺസിൽ ഓഫ് ഹെൽത്ത് ചെയർമാൻ ലെഫ്റ്റനന്റ് ജനറൽ ഡോ. ഷെയ്ഖ് മുഹമ്മദ് ബിൻ അബ്ദുല്ല അൽ ഖലീഫ അധ്യക്ഷനായ കൊറോണ വൈറസിനെ നേരിടാനുള്ള ദേശീയ മെഡിക്കൽ ടാസ്ക്ഫോഴ്സ് നിയന്ത്രണങ്ങൾ ഏർപ്പെടുത്താൻ വെള്ളിയാഴ്ച തീരുമാനിച്ചത്.

ഇതനുസരിച്ചു ഫെബ്രുവരി ഏഴ് ഞായർ മുതൽ ഫെബ്രുവരി 21 ശനിയാഴ്ച വരെ നടപ്പിലാക്കാൻ നിരവധി തീരുമാനങ്ങൾ എടുത്തു. സർക്കാർ സ്ഥാപനങ്ങളിൽ 70% ജീവനക്കാരെ വീട്ടിൽ നിന്ന് ജോലി ചെയ്യാൻ അനുവദിക്കും. ഇൻഡോർ ജിമ്മുകളും സ്പോർട്സ് ഹാളുകളും നീന്തൽക്കുളങ്ങളും താൽക്കാലികമായി അടയ്ക്കണം, ജിമ്മുകൾക്കും സ്പോർട്സ് ഹാളുകൾക്കുമായി ഔട്ട്ഡോർ വ്യായാമം പരമാവധി 30 വ്യക്തികളുമായി തുടരാം. ഇൻഡോർ വ്യായാമ ക്ലാസുകൾ താൽക്കാലികമായി നിർത്തിവെക്കണം. മുപ്പതിലധികം വ്യക്തികളുള്ള എല്ലാ സാമൂഹിക ഒത്തുചേരലുകളും വീടുകളിലടക്കം എല്ലായിടത്തും നിരോധിച്ചിരിക്കുന്നു. ഇവയാണ് തീരുമാനങ്ങൾ. വൈറസിന്റെ വ്യാപനം ലഘൂകരിക്കാനുള്ള ശ്രമങ്ങൾ കർശനമായി തുടരുമെന്നും അധികൃതർ അറിയിച്ചു.

ഈ നടപടികൾ കോവിഡ് 19 ന്റെ വ്യാപനം ലഘൂകരിക്കുന്നതിനും സമൂഹത്തിന്റെ ആരോഗ്യം സംരക്ഷിക്കുന്നതിനുമുള്ള ദേശീയ ശ്രമങ്ങളെ കൂടുതൽ ശക്തിപ്പെടുത്തുമെന്ന് ടാസ്ക് ഫോഴ്സ് എടുത്തുകാട്ടി. ഇക്കാര്യത്തിൽ, എല്ലാ പൗരന്മാരുടെയും വിദേശികളുടെയും ആരോഗ്യം രാജ്യത്തിന്റെ മുൻഗണനയായി തുടരുമെന്ന് ടാസ്ക്ഫോഴ്സ് ആവർത്തിച്ചു, വൈറസിന്റെ അപകടസാധ്യതകൾ മനസിലാക്കുന്നതിനും രാജ്യത്ത് രോഗവ്യാപനം തടയുന്നതിനും സമൂഹത്തിലെ ഓരോ അംഗത്തിനും ഉത്തരവാദിത്തമുണ്ട്. സാമൂഹിക അകലം പാലിക്കൽ നടപടികളെല്ലാം ജാഗ്രതയോടെ പാലിക്കേണ്ടതിന്റെ പ്രാധാന്യം ടാസ്ക്ഫോഴ്സ് ഉയർത്തിക്കാട്ടി. ടാസ്ക്ഫോഴ്സും അധികാരികളും പുറപ്പെടുവിച്ച തീരുമാനങ്ങളും നടപടികളും ലംഘിക്കുന്ന വ്യക്തികൾക്കെതിരേയും സ്ഥാപനങ്ങൾക്കെതിരേയും നിയമനടപടി സ്വീകരിക്കും. എല്ലാവരുടെയും ആരോഗ്യവും സുരക്ഷയും ഉറപ്പുവരുത്തുന്നതിനായി പ്രസക്തമായ തീരുമാനങ്ങൾ ഏറ്റവും പുതിയ കോവിഡ് സംഭവവികാസങ്ങളും സ്ഥിതിവിവരക്കണക്കുകളും അനുസരിച്ച് അവലോകനം ചെയ്യുമെന്ന് ടാസ്ക്ഫോഴ്സ് അധികൃതർ അറിയിച്ചു.