ഇന്ത്യയിൽ നിന്നുള്ള യാത്രക്കാർക്ക് ഇളവ്; 48 മണിക്കൂറിനിടെയുള്ള പിസിആര് നെഗറ്റിവ് ഫലം ഉണ്ടെങ്കില് ദുബായിയിലേക്ക് യാത്ര ചെയ്യാവുന്നതാണ്, വിമാനത്താവളത്തില് നിന്നുള്ള റാപിഡ് ടെസ്റ്റ് ഇല്ലാതെ തന്നെ ഇനി മുതല് ദുബായിയിലേക്ക് പറക്കാം...
നീണ്ട നാളത്തെ കാത്തിരിപ്പിനും അപേക്ഷകൾക്കും അഭ്യര്ഥനകൾക്കും ഒടുവിൽ ദുബായ് അത് സമ്മതിച്ചു. ഇനിമുതൽ ദുബായിലേക്കുള്ള വിമാന യാത്രയ്ക്ക് ഏര്പ്പെടുത്തിയിരുന്ന റാപിഡ് ടെസ്റ്റ് ഒഴിവാക്കിയതായി റിപ്പോർട്ട്. 48 മണിക്കൂറിനിടെയുള്ള പിസിആര് നെഗറ്റിവ് ഫലം ഉണ്ടെങ്കില് ദുബായിയിലേക്ക് യാത്ര ചെയ്യാവുന്നതാണ്. വിമാനത്താവളത്തില് നിന്നുള്ള റാപിഡ് ടെസ്റ്റ് ഇല്ലാതെ തന്നെ ഇനി മുതല് ദുബായിയിലേക്ക് യാത്ര ചെയ്യാവുന്നതാണ്. ഇളവ് ഇന്ന് മുതല് പ്രാബല്യത്തില് വന്നിരിക്കുകയാണ്.
അതോടൊപ്പം തന്നെ അംഗീകൃത ലാബില് നിന്ന് 48 മണിക്കൂറിനിടെയുള്ള ആര് ടി പി സി ആര് നെഗറ്റിവ് ഫലം കയ്യില് കരുതണം എന്ന നിബന്ധനയില് ഇളവില്ല. നിലവില് ദുബായ് വിമാനത്താവളത്തിലേക്ക് മാത്രമാണ് റാപിഡ് ടെസ്റ്റ് ഒഴിവാക്കിയിട്ടുള്ളത്. യുഎഇയിലെ മറ്റ് എമിറേറ്റുകളിലേക്ക് യാത്ര ചെയ്യുന്നവര് കേരളത്തിലെ വിമാനത്താവളത്തില് നിന്ന് റാപിഡ് ടെസ്റ്റ് എടുക്കണം എന്നും അധികൃതർ അറിയിച്ചു.
കൂടത്തെ ദുബായ് വിമാനത്താവളത്തില് വന്നിറങ്ങിയാല് പിസിആര് ടെസ്റ്റ് ഉണ്ടാകും. അതിന്റെ ഫലം വരുന്നത് വരെ ക്വാറന്റീനില് പ്രവേശിക്കണം. ആറു മുതല് പന്ത്രണ്ട് മണിക്കൂറിനുള്ളില് ഫലം പുറത്ത് വരും. നാല്പത്തിയെട്ട് മണിക്കൂറിനിടെയുള്ള പരിശോധനയയ്ക്ക് ശേഷം വിമാനത്താവളത്തിലെ റാപിഡ് ടെസ്റ്റില് പരാജയപ്പെട്ട് ഒട്ടനവധി പ്രവാസികള്ക്ക് യാത്ര മുടങ്ങുന്നുണ്ട്. ഈ അവസ്ഥ ഇനി ഉണ്ടാവുന്നതല്ല. എന്നാൽ റാപിഡ് ടെസ്റ്റിന്റെ അധിക ചിലവ് ഒഴിവായി കിട്ടുന്നു എന്നതും ആശ്വാസകരമാണ്.
അതേസമയം അബുദാബി വിമാനത്താവളത്തില് നിന്ന് ഇന്ത്യയിലേക്ക് യാത്ര ചെയ്യുന്നവര്ക്ക് പിസിആര് പരിശോധനാഫലം നിര്ബന്ധമെന്ന് എയര് ഇന്ത്യ എക്സ്പ്രസ് അറിയിച്ചു. യാത്രയ്ക്ക് 72 മണിക്കൂറിനുള്ളിലെടുത്ത പിസിആര് പരിശോധനയുടെ ഫലം ഇവര് ഹാജരാക്കണമെന്ന് എയര് ഇന്ത്യ എക്സ്പ്രസ് വ്യക്തമാക്കുകയുണ്ടായി.
ഇന്ത്യയില് നിന്ന് കൊവിഡ് വാക്സിന്റെ രണ്ട് ഡോസും സ്വീകരിച്ചവര്ക്ക് യാത്രയ്ക്ക് മുമ്പ് പിസിആര് പരിശോധന ആവശ്യമില്ലെന്ന് എയര് ഇന്ത്യ അടക്കമുള്ള വിമാന കമ്പനികള് അറിയിച്ചിരുന്നു. ഇതില് നിന്നാണ് അബുദാബിയെ ഒഴിവാക്കിയിരിക്കുന്നത്. എന്നാല് ദുബൈ ഉള്പ്പെടെ മറ്റ് എമിറേറ്റുകളില് നിന്ന് ഇന്ത്യയിലേക്ക് യാത്ര ചെയ്യുന്ന വാക്സിന് സ്വീകരിച്ചവര്ക്ക് പിസിആര് പരിശോധന ആവശ്യമില്ലെന്ന് എയര് അറേബ്യ അറിയിക്കുകയുണ്ടായി. ഇന്ത്യയില് നിന്ന് രണ്ട് ഡോസ് വാക്സിന് സ്വീകരിച്ചവര്ക്കാണ് ഇളവ് നല്കുന്നത്.
അതായത് ഇന്ത്യയില് നിന്ന് കൊവിഡ് വാക്സിന്റെ രണ്ടു ഡോസും സ്വീകരിച്ച, യുഎഇയില് നിന്നും ഇന്ത്യയിലേക്ക് യാത്ര ചെയ്യുന്നവര്ക്ക് യാത്രയ്ക്ക് മുമ്പുള്ള ആര്ടി പിസിആര് പരിശോധന ഒഴിവാക്കിയതായി എയര് ഇന്ത്യ എക്സ്പ്രസ്. ഇന്ത്യയില് നിന്നും വാക്സിന്റെ രണ്ടു ഡോസും സ്വീകരിച്ചവര്ക്കാണ് ഇളവ് നല്കിയിട്ടുള്ളത്. എയര് ഇന്ത്യ എക്സ്പ്രസ്, എയര് ഇന്ത്യ എന്നിവ ഇതുസംബന്ധിച്ച അറിയിപ്പ് പുറത്തുവിട്ടിട്ടുണ്ട്.
യുഎഇ-ഇന്ത്യ യാത്രക്കാര്ക്കുള്ള എയര് ഇന്ത്യ, എയര് ഇന്ത്യ എക്സ്പ്രസ്, ഗോ എയര്, സ്പൈസ് ജെറ്റ്, ഇന്ഡിഗോ എന്നീ വിമാന കമ്പനികളുടെ പുതിയ മാര്ഗനിര്ദ്ദേശത്തിലാണ് ഇക്കാര്യം വ്യക്തമാക്കിയിരിക്കുന്നത്. യത്രക്കാര് ഇന്ത്യയില് നിന്നുള്ള കൊവിഡ് വാക്സിനേഷന് സര്ട്ടിഫിക്കറ്റ് എയര് സുവിധ പോര്ട്ടലില് അപ്ലോഡ് ചെയ്യേണ്ടതാണ്.
കൂടത്തെ യുഎഇയില് നിന്ന് വാക്സിന് സ്വീകരിച്ചവര് ഇന്ത്യയിലേക്ക് യാത്ര ചെയ്യുന്നതിന് 72 മണിക്കൂറിനുള്ളിലെടുത്ത പിസിആര് പരിശോധനയുടെ നെഗറ്റീവ് ഫലം ഹാജരാക്കേണ്ടതുണ്ട്. എല്ലാ യാത്രക്കാരും യാത്രയ്ക്ക് മുമ്പ് 14 ദവസത്തെ യാത്രാ വിവരങ്ങള് ഉള്പ്പെടെയുള്ള കാര്യങ്ങള് അടങ്ങിയ ഫോം എയര് സുവിധ പോര്ട്ടലില് അപ്ലോഡ് ചെയ്യുകയും വേണം എന്നും അധികൃതർ അറിയിച്ചിട്ടുണ്ട്.
https://www.facebook.com/Malayalivartha
