കാത്തിരിപ്പുകൾക്കൊടുവിൽ സൗ​ദി ച​ല​ച്ചി​ത്രോ​ത്സ​വ​ത്തി​ന്‍റെ എ​ട്ടാം പ​തി​പ്പി​ന്​ ദ​മ്മാം ദ​ഹ്റാ​നി​ലെ കി​ങ് അ​ബ്ദു​ല്‍ അ​സീ​സ് സെ​ന്റ​ര്‍ ഫോര്‍ വേ​ള്‍​ഡ് ക​ള്‍​ച്ച​ര്‍ (ഇ​ത്റ) യി​ല്‍ തു​ട​ക്ക​മാ​യിരിക്കുകയാണ്. 'കാവ്യാത്മക സിനിമ' എ​ന്ന പ്ര​മേ​യ​ത്തി​ല്‍ അ​ര​ങ്ങേ​റു​ന്ന ച​ല​ച്ചി​ത്രോ​ത്സ​വം ഈ ​മാ​സം ഒമ്പ​ത് വ​രെയാണ് നീ​ളുന്നത്. സൗ​ദി സം​സ്കാ​രി​ക മ​ന്ത്രാ​ല​യ​ത്തി​ന്​ കീ​ഴി​ലു​ള്ള ച​ല​ച്ചി​ത്ര ക​മീ​ഷ​ന്റെ പി​ന്തു​ണ​യോ​ടെ​യാ​ണ്​ ഇ​ത്ത​വ​ണ ച​ല​ച്ചി​ത്രോ​ത്സ​വം അ​ര​ങ്ങേ​റു​ന്ന​ത് എന്നാണ് റിപ്പോർട്ട് ചൂണ്ടിക്കാണിക്കുന്നത്.

അതോടൊപ്പം തന്നെ ക​ഴി​ഞ്ഞ വ്യാ​ഴാ​ഴ്ച വൈ​കീ​ട്ട് ഇ​ത്റ​യി​ല്‍ ന​ട​ന്ന പ്രൗ​ഢ ഗം​ഭീ​ര സ​ദ​സ്സി​ല്‍ പ്രാ​ദേ​ശി​ക സി​നി​മ മേ​ഖ​ല​യി​ലെ പ്ര​മു​ഖ​രാ​യി​രു​ന്ന മ​ണ്‍​മ​റ​ഞ്ഞ പ്ര​തി​ഭ​ക​ള്‍​ക്ക്​ ആ​ദ​രാ​ഞ്ജ​ലി​ക​ള്‍ അ​ര്‍​പ്പി​ച്ചു​കൊ​ണ്ടാ​ണ്​ മേ​ള​യു​ടെ ഔ​ദ്യോ​ഗി​ക പ​രി​പാ​ടി​ക​ള്‍​ക്ക്​ തു​ടക്കം കുറിച്ചത്. ചൈ​ന​യാ​ണ്​ ഇ​ത്ത​വ​ണ അ​റ​ബ്​ ച​ല​ച്ചി​ത്രോ​ത്സ​വ മേ​ള​യി​ലെ അ​തി​ഥി രാ​ജ്യമായി എത്തുന്നത്. ആ​ഗോ​ള സ​ഹ​ക​ര​ണം കൂ​ടു​ത​ല്‍ പ​രി​പോ​ഷി​പ്പി​ക്കു​ന്ന​തി​നും ച​ല​ച്ചി​ത്ര മേ​ഖ​ല​ക​ളി​ല്‍ അ​റ​ബ് ഉ​ള്ള​ട​ക്കം സ​മ്പ​ന്ന​മാ​ക്കു​ന്ന​തി​നു​മാ​ണ്​ ചൈ​നീ​സ്​ സി​നി​മ​ക​ളെ മേ​ള​യി​ലേ​ക്ക്​ കൊ​ണ്ടു​വ​രു​ന്ന​തെ​ന്ന്​ സം​ഘാ​ട​ക​ര്‍ വ്യക്തമാക്കുകയുണ്ടായി.

കൂടത്തെ വി​വി​ധ രാ​ജ്യ​ങ്ങ​ളി​ല്‍ നി​ന്നു​ള്ള സി​നി​മ മേ​ഖ​ല​യി​​ല്‍ സം​ഭാ​വ​ന​ക​ള്‍ അ​ര്‍​പ്പി​ച്ച 300 അ​തി​ഥി​ക​ള്‍ മേ​ള​യു​ടെ വി​വി​ധ ഘ​ട്ട​ങ്ങ​ളി​ല്‍ അ​തി​ഥി​ക​ളാ​യി പ​​​​ങ്കെ​ടു​ക്കുന്നതായിരിക്കും. ഹോ​ളി​വു​ഡ് ന​ട​നാ​യ ആ​ദ്യ​ത്തെ സൗ​ദി ച​ല​ച്ചി​ത്ര നി​ര്‍​മാ​താ​വ് ഖ​ലീ​ല്‍ ബി​ന്‍ ഇ​ബ്രാ​ഹിം അ​ല്‍-​റ​വാ​ഫി​നെ​യും കു​വൈ​ത്ത് നി​ര്‍​മാ​താ​വും തി​ര​ക്ക​ഥാ​കൃ​ത്തും ച​ല​ച്ചി​ത്ര സം​വി​ധാ​യ​ക​നു​മാ​യ ഖാ​ലി​ദ് അ​ല്‍-​സി​ദ്ദീ​ഖി​നെ​യും ഫെ​സ്റ്റി​വ​ല്‍ ആ​ദ​രി​ക്കുന്നതാണ്.

എന്നാൽ കു​വൈ​ത്തി​ലെ ആ​ദ്യ ച​ല​ച്ചി​ത്രം എ​ന്ന്​ ക​ണ​ക്കാ​ക്ക​പ്പെ​ടു​ന്ന 1972ല്‍ ​അ​ദ്ദേ​ഹം നി​ര്‍​മി​ക്കു​ക​യും സം​വി​ധാ​നം ചെ​യ്യു​ക​യും ചെ​യ്ത ബാ​സ് യാ ​ബ​ഹാ​ര്‍ (ക്രൂ​ര​മാ​യ ക​ട​ല്‍) മി​ക​ച്ച വി​ദേ​ശ ചി​ത്ര​ത്തി​നു​ള്ള ഓ​സ്ക​ര്‍ അ​ക്കാ​ദ​മി അ​വാ​ര്‍​ഡി​ന് നാ​മ​നി​ര്‍​ദേ​ശം ചെ​യ്യ​പ്പെ​ട്ട ആ​ദ്യ​ത്തെ ചി​ത്ര​മാ​യി​രു​ന്നു. ബ​ഹ്‌​റൈ​ന്‍, കു​വൈ​ത്ത്, ഒ​മാ​ന്‍, ഖ​ത്ത​ര്‍, യു.​എ.​ഇ എ​ന്നി​വി​ട​ങ്ങ​ളി​ല്‍ നി​ന്നു​ള്ള സി​നി​മ​ക​ള്‍, സൗ​ദി അ​റേ​ബ്യ​യി​ല്‍ നി​ന്നു​ള്ള ചി​ത്ര​ങ്ങ​ള്‍ ഉ​ള്‍​പ്പെ​ടെ 80 ചി​ത്ര​ങ്ങ​ള്‍ മേ​ള​യി​ല്‍ പ്ര​ദ​ര്‍​ശി​പ്പി​ക്കുന്നതാണ്.

മ​ത്സ​ര​വി​ഭാ​ഗ​ത്തി​ല്‍ ഉ​ള്‍​പ്പെ​ടു​ത്തു​ന്നത് അ​തി​ല്‍ 36 എ​ണ്ണം മാ​ത്ര​മാ​ണ്​. സെ​മി​നാ​റു​ക​ള്‍, നൂ​ത​ന പ​രി​ശീ​ല​ന ശി​ല്‍​പ​ശാ​ല​ക​ള്‍, കാ​ന്‍ ഫി​ലിം ഫെ​സ്റ്റി​വ​ലി​ലെ ഏ​റ്റ​വും മി​ക​ച്ച ചി​ത്ര​ത്തി​നു​ള്ള പാം ​ഡി ഓ​ര്‍ പു​ര​സ്കാ​രം നേ​ടി​യ ചി​ത്ര​ങ്ങ​ളു​ടെ പ്ര​ദ​ര്‍​ശ​നം എ​ന്നി​വ​കൊ​ണ്ട്​ സ​മ്പ​ന്ന​മാ​യി​രി​ക്കും ഇ​ത്ത​വ​ണ​ത്തെ മേ​ള എന്നത്. ച​ല​ച്ചി​ത്ര വി​ജ്ഞാ​ന​ത്തെ​ക്കു​റി​ച്ചു​ള്ള 14 വി​വ​ര്‍​ത്ത​ന പു​സ്ത​ക​ങ്ങ​ളു​ടെ പ്ര​കാ​ശ​ന​വും മേ​ള​യി​ല്‍ ന​ട​ക്കുന്നതായിരിക്കും. 2008ല്‍ ​സൗ​ദി ച​ല​ച്ചി​​ത്രോ​ത്സ​വം ആ​രം​ഭി​ച്ച​തി​ന്​ ശേ​ഷ​മു​ള്ള അ​തി​പ്ര​ധാ​ന​മേ​ള​യാ​യാ​ണ്​ എ​ട്ടാം പ​തി​പ്പി​നെ ക​ണ​ക്കാ​ക്കു​ന്ന​ത്. സൗ​ദി സി​നി​മ​ക​ള്‍ അ​തി​ന്റെ ​ശൈ​ശ​വ​ദ​ശ വി​ട്ട്​ സ​ഞ്ച​രി​ച്ചു തു​ട​ങ്ങി​യ​തി​ന്‍റെ കാ​ഴ്ച കൂ​ടി​യാ​യി​രി​ക്കും എ​ട്ടാ​മ​ത്​ ച​ല​ച്ചി​ത്രോ​ത്സ​വ​മെ​ന്ന്​ മേ​ള​യു​ടെ ഡ​യ​റ​ക​ട്​​ര്‍ അ​ഹ​മ്മ​ദ്​ അ​ല്‍ മു​ല്ല ചൂണ്ടിക്കാണിക്കുകയുണ്ടായി.