പ്രതിഛായയുടെ ക്യാരക്ടര് പോസ്റ്ററില് കട്ട വില്ലനിസത്തില് ഷറഫുദ്ദീന്
ബി ഉണ്ണികൃഷ്ണന് സംവിധാനം ചെയ്യുന്ന നിവിന് പോളി നായകനാകുന്ന ഏറ്റവും പുതിയ ചിത്രം പ്രതിഛായയുടെ ക്യാരക്ടര് പോസ്റ്റര് പുറത്ത്. ഷറഫുദ്ദീന്റെ പോസ്റ്റാണ് പുറത്തുവിട്ടത് . കണ്ണടയും ഖദറും ധരിച്ച് വില്ലനിസം ലുക്കിലാണ് താരത്തെ പോസ്റ്ററില് കാണാനാവുക. 'എല്ലാ ചിത്രങ്ങളും സത്യം പറയുന്നില്ല. ചിലത് അപകടകരമായ ഒരു വിധി മറച്ചുവെക്കുന്നു', എന്ന ക്യാപ്ഷനും പോസ്റ്റിന് നല്കിയിട്ടുണ്ട്. നിവിന് പോളിക്കൊപ്പം ബാലചന്ദ്രമേനോനും കേന്ദ്രകഥാപാത്രമായി എത്തുന്നുണ്ട്.
ചിത്രത്തിന്റേതായി നേരത്തെ പുറത്തുവന്ന ട്രെയിലര് ഏറെ ശ്രദ്ധിക്കപ്പെട്ടിരുന്നു. സമകാലിക രാഷ്ട്രീയത്തിലെ ഉള്ളുകളികളിലേക്ക് വെളിച്ചം വീശുന്ന പ്രമേയമാണ് സിനിമയുടേതെന്ന് ട്രെയിലര് സൂചിപ്പിക്കുന്നു. കേരള രാഷ്ട്രീയത്തെ പിടിച്ചുലച്ച പല സംഭവവികാസങ്ങളും സിനിമയിലുണ്ടെന്നാണ് സൂചന. ഉമ്മന്ചാണ്ടിക്കാലത്ത് കേരളത്തെ പിടിച്ചുലച്ച സെക്രട്ടേറിയേറ്റ് വളയല് സമരത്തിന്റെ റഫറന്സുള്ള ദൃശ്യങ്ങളും ട്രെയിലറില് കാണാം. തെരഞ്ഞെടുപ്പ് അടുത്ത സമയത്ത് അടിമുടി രാഷ്ട്രീയം ചര്ച്ചചെയ്യുന്ന സിനിമ റിലീസ് ആവുന്നത് രാഷ്ട്രീയ വൃത്തങ്ങളിലും ശ്രദ്ധ നേടിയിട്ടുണ്ട്.
ശ്രീ ഗോകുലം മൂവീസിന്റെ ബാനറില് ഗോകുലം ഗോപാലനും ആര്.ഡി ഇലുമിനേഷന്സ് എല്എല്പിയുമാണ് ചിത്രം നിര്മ്മിക്കുന്നത്. രണ്ട് ചിത്രങ്ങളുടെ ഇടവേളക്ക് ശേഷം വീണ്ടും ഉണ്ണികൃഷ്ണന് തിരക്കഥാ രചനയിലേക്ക് തിരിച്ചുവരികയാണ്. നേരിട്ടു രാഷ്ട്രീയം പറയുന്ന സംഭാഷണങ്ങളാണ് ട്രെയിലറില് കാണുന്നത്. കേരളം ഏറെ ചര്ച്ചചെയ്ത പല വിവാദങ്ങളും ട്രെയിലറില് കാണാം. കേരളത്തിലും ഇന്ത്യയിലെ വിവിധ സംസ്ഥാനങ്ങളിലും വിദേശത്തുമായി നൂറോളം ദിവസങ്ങളെടുത്താണ് ചിത്രം പൂര്ത്തിയായത്. ഏറെ നാളുകളായി മലയാള സിനിമയില് കാണാത്ത ഴോണറായ പൊളിറ്റിക്കല് ഡ്രാമ ഗണത്തിലാണ് ഈ ചിത്രം. പെരുന്നാള് റിലീസായി ചിത്രം തീയ്യേറ്ററുകളിലെത്തും എന്നാണ് സൂചന. സിനിമ ജീവിതത്തിന്റെ അമ്പതാം വര്ഷത്തില് ബാലചന്ദ്രമേനോന് അതിശക്തമായ കഥാപാത്രവുമായി തിരിച്ചെത്തുന്നു എന്നതും ഈ ചിത്രത്തിന്റെ പ്രത്യേകതയാണ്.
വന്താരനിരയാണ് ചിത്രത്തില് ഉള്ളത്. ഷറഫുദ്ധീന്, ഹരിശ്രീ അശോകന്, മണിയന്പിള്ള രാജു, നീതു കൃഷ്ണ, ആന് അഗസ്റ്റിന്, സബിത ആനന്ദ്, വിഷ്ണു അഗസ്ത്യ, നിശാന്ത് സാഗര്, ആര്ജെ വിജിത, സായ് കുമാര്, വൈശാഖ് ശങ്കര്, മേഖ തോമസ് , ചിരാഗ് ജാനി, അനീന, നന്ദിനി ഗോപാലകൃഷ്ണന്, ചിലമ്പന് ജോസ് തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. നാലായിരത്തോളം ജൂനിയര് ആര്ട്ടിസ്റ്റുകളേയും ആയിരത്തിലേറെ പോലീസുകാരേയും അണിനിരത്തി ഒക്ടോബറില് തിരുവനന്തപുരത്ത് നടത്തിയ സെക്രട്ടേറിയേറ്റ് വളയല് സമരത്തിന്റെ ചിത്രീകരണം വലിയ വാര്ത്തയായിരുന്നു. ഇത്രയും അധികം ആളുകളെ ഉള്പ്പെടുത്തി വലിയ സീക്വന്സ് മുമ്പ് മലയാളച്ചിത്രത്തില് അധികം ഉണ്ടായിട്ടില്ല. ആയിരത്തിലേറെ ജൂനിയര് ആര്ട്ടിസ്റ്റുകളെ അണിനിരത്തിക്കൊണ്ടുള്ള രംഗങ്ങള് കൊച്ചിയിലും ചിത്രീകരിച്ചിരുന്നു.
ചന്ദ്രു സെല്വരാജ് ആണ് ചിത്രത്തിന്റെ ഛായാഗ്രഹണം. സംഗീതം നിര്വഹിക്കുന്നത് ജസ്റ്റിന് വര്ഗീസ്. ബൈജു ഗോപാലന്, വി.സി പ്രവീണ് എന്നിവര് സഹനിര്മാതാക്കള് ആകുന്ന ചിത്രത്തിന്റെ എക്സിക്യൂട്ടീവ് പ്രൊഡ്യൂസര്മാര് കൃഷ്ണമൂര്ത്തി, ദുര്ഗ ഉണ്ണികൃഷ്ണന് എന്നിവരാണ്. എഡിറ്റര് മനോജ് സി.എസ്, പ്രൊഡക്ഷന് ഡിസൈനര് ഷാജി നടുവില്, പ്രൊഡക്ഷന് കണ്ട്രോളര് അരോമ മോഹന്, ആര്ട്ട് ഡയറക്ടര് അജി കുറ്റിയാനി, മേക്കപ്പ് റോണക്സ് സേവ്യര്, കോസ്റ്റ്യും സിജി തോമസ്, ചീഫ് അസ്സോ. ഡയറക്ടര് ഷാജി പാടൂര്, അസോസിയേറ്റ് ഡയറക്ടര് സുഗീഷ് എസ്ജി, പിആര്ഒ സതീഷ് എരിയാളത്ത്, സ്റ്റില്സ് അമല് ജെയിംസ്, പബ്ലിസിറ്റി ഡിസൈന് യെല്ലോ ടൂത്ത്. പിആര്&മാര്ക്കറ്റിംഗ് കണ്ടന്റ് ഫാക്ടറി.
https://www.facebook.com/Malayalivartha
