ട്വന്റി-20 ലോകകപ്പിലെ ഹോട്ട് ഫേവറിറ്റുകളിൽ നിന്ന് ഒറ്റ തോൽവിയോടെ സെമി പ്രതീക്ഷ തുലാസിലായ ഇന്ത്യയ്‌ക്ക് ഇന്ന് നിർണായക ദിനം.

എതിരാളികൾ ഇന്ന് സിംബാബ്‍വെയാണ്. ഞായറാഴ്ച ദക്ഷിണാഫ്രിക്കയോട് 76 റണ്ണിന് വീണ ഞെട്ടൽ മാറ്റാനാണ് ടീം ഇന്ത്യ ചെന്നൈ മൈതാനത്ത് ഇന്ന് പാഡുകെട്ടുന്നത്. ജസ്പ്രീത് ബുംറ നയിക്കുന്ന മുർച്ചയേറിയ ബൗളിങ് ടീമിന് പ്രതീക്ഷ പകരുമ്പോഴും ബാറ്റിങ്ങിലെ വൻ വീഴ്ചകളെ ചൊല്ലിയാണ് ആധികളത്രയുമുള്ളത്.

 ചെന്നൈയിൽ സിംബാബ്‌വെയെ വലിയ മാർജിനിൽ വീഴ്ത്തിയേ മതിയാവൂ. വൈകിട്ട് 7നാണ് മത്സരം നടക്കുക.

ഇന്നത്തെ ദക്ഷിണാഫ്രിക്ക - വെസ്റ്റിൻഡീസ് മത്സര ഫലവും ഇന്ത്യയ്ക്ക് പ്രധാനമാണ്. അഭിഷക് ശർമ്മ തുടർച്ചയായി പരാജയപ്പെടുന്നതും തിലക് വർമ്മ മികച്ച ഫോമിലേക്ക് ഉയരാത്തതുമാണ് ആശങ്കയുയർത്തുന്നത്. പിതാവിന്റെ അസുഖം മൂർച്ഛിച്ചതിനെ തുടർന്ന് റിങ്കു സിംഗ് നാട്ടിലേക്ക് പോയി. സഞ്ജു സാംസൺ ഇന്ന് കളിക്കുമെന്നാണ് സൂചനകൾ.