കഴിഞ്ഞ ദിവസം ഒമാനിലെ സലാലയില്‍ തിരമാലയില്‍പ്പെട്ട് അഞ്ച് ഇന്ത്യക്കാര്‍ ഉള്‍പ്പെടെ എട്ടുപേര്‍ ഒലിച്ചുപോകുന്ന ദാരുണമായ അപകടത്തിന്റെ ദൃശ്യം പുറത്ത് വന്നിരിക്കുകയാണ്. അപ്രതീക്ഷിതമായി ഉയര്‍ന്നുപൊങ്ങിയ തിരമാലയില്‍പ്പെട്ടവര്‍ കടലിലേക്ക് വീഴുന്ന ദൃശ്യങ്ങളാണ് സാമൂഹിക മാധ്യമങ്ങളില്‍ പ്രചരിച്ചുകൊണ്ടിരിക്കുന്നത്. ദാഫാര്‍ ഗവര്‍ണറേറ്റിലെ അല്‍ മുഗ്‌സെയില്‍ ബീച്ചില്‍ ഞായറാഴ്ച ഉച്ചയോടെയായിരുന്നു അപകടം ഉണ്ടായത്.

പെരുന്നാൾ അവധി ആഘോഷിക്കാൻ ഒമാനിൽ എത്തിയ ദുബായില്‍നിന്നുള്ള പ്രവാസി കുടുംബത്തിലെ മൂന്ന് കുട്ടികളടക്കം അഞ്ച് ഇന്ത്യക്കാരെയാണ് തിരമാലയില്‍പ്പെട്ട് കാണാതായത്. അതേസമയം, ഇ​ന്ത്യ​ക്കാ​രാ​യ അ​ച്ഛ​നും മ​ക​നും മ​രി​ച്ചു. മ​ക​ളെ കാ​ണാ​താ​യി. മ​ഹാ​രാ​ഷ്ട്ര സ്വ​ദേ​ശി ശ​ശി​കാ​ന്ത് മ​ഹാ​മ​നെ(42), മ​ക​ന്‍ ശ്രേ​യ​സ്(ആറ്), എ​ന്നി​വ​രു​ടെ മൃ​ത​ദേ​ഹം ക​ണ്ടെ​ടു​ക്കുകയുണ്ടായി. കാ​ണാ​താ​യ മ​ക​ള്‍ ശ്രൂ​തി​യ്ക്കാ​യി(ഒൻപത്) തെ​ര​ച്ചി​ല്‍ തു​ട​രു​ക​യാ​ണ്.

അതോടൊപ്പം തന്നെ ദു​ബാ​യി​ല്‍ സ്ഥി​ര​താ​മ​സ​മാ​ക്കി​യ ഇ​വ​ര്‍ അ​വ​ധി​ ആഘോ​ഷി​ക്കാ​ന്‍ കു​ടും​ബ​ത്തോ​ടെ ബീ​ച്ചി​ലെ​ത്തി​യ​താ​ണ്. ബീ​ച്ചി​ല്‍ അ​പ​ക​ട​ക​ര​മാ​യ തി​ര​ക​ളു​ള്ള​തി​നാ​ല്‍ വ​ള​രെ അ​ടു​ത്തേ​യ്ക്ക് പോ​ക​രു​തെ​ന്ന് അ​ധി​കൃ​ത​ര്‍ പ്രത്യേക നി​ര്‍​ദേ​ശം ന​ല്‍​കി​യി​രു​ന്നു. മു​ന്ന​റി​യി​പ്പ് അ​വ​ഗ​ണി​ച്ച് മു​ന്നോ​ട്ട് പോ​യ​താ​ണ് ദു​ര​ന്ത​ത്തി​ന് കാ​ര​ണ​മാ​യ​തെ​ന്നാ​ണ് ലഭ്യമാകുന്ന വി​വ​രം. സം​ഭ​വ​ത്തി​ന്‍റെ ന​ടു​ക്കു​ന്ന ദൃ​ശ്യ​ങ്ങ​ളും പു​റ​ത്തു​വ​ന്നി​രിക്കുകയാണ്. എട്ട് പേരായിരുന്നു അപകടത്തില്‍പ്പെട്ടത്. ഇതില്‍ മൂന്നുപേരെ സിവില്‍ ഡിഫന്‍സ് ആന്‍ഡ് ആംബുലന്‍സ് അധികൃതര്‍ രക്ഷപ്പെടുത്തുകയുണ്ടായി.