ഇത് മന്ത്രിയുടെ പിടലി ഉളുക്കല്ല, സർക്കാരിന്റെ പിടലി ഉളുക്കാണ്"; മെഡിക്കൽ ബുള്ളറ്റിനെ ...

ഇത് മന്ത്രിയുടെ പിടലി ഉളുക്കല്ല, സർക്കാരിന്റെ പിടലി ഉളുക്കാണ്"; മെഡിക്കൽ ബുള്ളറ്റിനെ പരിഹസിച്ച് രാഹുൽ മാങ്കൂട്ടത്തിൽ

26 FEBRUARY 2026 04:45 PM IST

മലയാളി വാര്‍ത്ത

മന്ത്രി വീണാ ജോര്‍ജ് ഐസിയുവില്‍ തുടരും; ശസ്ത്രക്രിയ വേണ്ടെന്നു മെഡിക്കല്‍ ബോര്‍ഡ്

കേന്ദ്രമന്ത്രി ഡോ. ജിതേന്ദ്ര സിംഗ് ഫെബ്രുവരി 28 ന് ബ്രിക്-ആര്‍ജിസിബി ആക്കുളം കാമ്പസ് സന്ദര്‍ശിക്കും: വിവിധ പരിപാടികളില്‍ പങ്കെടുക്കും...

സൗജന്യ ഹൃദയ ശസ്ത്രക്രിയ തുടർചി‌കിത്സാ ക്യാമ്പ്...

ആരോഗ്യ മന്ത്രി വീണാ ജോർജിന്റെ മെഡിക്കൽ ബുള്ളറ്റിനെ പരിഹസിച്ച് പാലക്കാട് എംഎൽഎ രാഹുൽ മാങ്കൂട്ടത്തിൽ. മന്ത്രിയുടെ പരിക്ക് സംബന്ധിച്ച് പുറത്തിറക്കിയ മെഡിക്കൽ ബുള്ളറ്റിൻ അങ്ങേയറ്റം 'അൺപ്രഫഷണൽ' ആണെന്നാണ് രാഹുലിന്റെ വിമർശനം. സംസ്ഥാനത്തിന്റെ ആരോഗ്യ വകുപ്പ് മന്ത്രിക്ക് പരിക്കേൽക്കുകയും, മുഖ്യമന്ത്രി നേരിട്ടെത്തി സ്ഥിതിഗതികൾ വിലയിരുത്തുകയും ചെയ്തിട്ടും സർക്കാർ ആശുപത്രി നൽകുന്ന മെഡിക്കൽ ബുള്ളറ്റിൻ ഇത്ര നിലവാരമില്ലാത്തതാണെങ്കിൽ സാധാരണക്കാരുടെ അവസ്ഥ എന്താകുമെന്ന് രാഹുൽ ചോദിക്കുന്നു. "ഇത് നിങ്ങളുടെ ആരോഗ്യ മന്ത്രിയുടെ മാത്രം പിടലി ഉളുക്കല്ല, സർക്കാരിന്റെ പിടലി ഉളുക്കാണ്. ആ മര്യാദ കാണിക്കണം ഹേ!" എന്ന് അദ്ദേഹം ഫേസ്ബുക്ക് പോസ്റ്റിലൂടെ കുറിച്ചു.

ഫേസ്ബുക്ക് പോസ്റ്റ് ഇങ്ങനെ...

സംസ്ഥാനത്തിന്റെ ആരോഗ്യ വകുപ്പ് മന്ത്രിക്ക്, അതും സംസ്ഥാന മുഖ്യമന്ത്രി നേരിട്ട് എത്തി വിലയിരുത്തിയിട്ട് പോലും നമ്മുടെ സർക്കാർ ആശുപത്രി കൊടുക്കുന്ന മെഡിക്കൽ ബുള്ളറ്റിൻ ഇത്ര അൺപ്രഫഷണൽ ആണെങ്കിൽ നമ്മളെ പോലെ ഉള്ള സാധാരണക്കാരുടെ അവസ്ഥ എന്താകും? ആരോഗ്യ വകുപ്പ് മനസിലാക്കണ്ടത് ഇത് നിങ്ങടെ ആരോഗ്യ മന്ത്രിയുടെ മാത്രം പിടലി ഉളുക്ക് അല്ല, സർക്കാരിന്റെ പിടലി ഉളുക്കാണ്. ആ മര്യാദ കാണിക്കണം ഹേ! മെഡിക്കൽ കോളേജ് കൊടുക്കാൻ പോകുന്ന MRI എങ്കിലും മെന ആയാൽ മതിയാരുന്നു...