സൗദിയിലെ സര്‍ക്കാര്‍ ആശുപത്രികളുടെയും ഡിസ്‌പെന്‍സറുകളുടെയും പ്രവര്‍ത്തന സമയം മാറുന്നു. രോഗികള്‍ക്കു മുന്‍ഗണന നല്‍കുകയെന്ന ലക്ഷ്യവുമായി നിലവിലുള്ള ഒരു സമയത്തിനു പകരം പ്രവര്‍ത്തന സമയം രണ്ടു നേരമാക്കും. അനവധി സ്വദേശികളുടെയും വിവിധ മേഖലകളിലുള്ള ഉപദേശക സമിതിയുടെയും ആവശ്യം പരിഗണിച്ചാണ്‌ ഈ തീരുമാനമെന്ന്‌ സൗദി ആരോഗ്യമന്ത്രി വ്യക്തമാക്കി.
രാവിലെ 7.30 മുതല്‍ 12.30 വരെയും വൈകുന്നേരം 5 മണി മുതല്‍ രാത്രി 9.30 വരെയുമാണ്‌ പ്രവര്‍ത്തന സമയം. ഇപ്രകാരം ദിവസേന ഒന്‍പതര മണിക്കൂറാകും പ്രവര്‍ത്തന സമയം.