മസ്​കത്ത്​: മസ്​കത്തിൽ നിന്ന്​ 250 കിലോമീറ്റർ അകലെയുള്ള അൽ കാമിലിൽ ഉണ്ടായ വാഹനാപകടത്തിൽ കണ്ണൂർ സ്വദേശി മരിച്ചതായി റിപ്പോർട്ടുകൾ. മട്ടന്നൂർ സ്വദേശി നാസർ ആണ്​ മരിച്ചത്​. ചൊവ്വാഴ്​ച ഉച്ചക്ക്​ രണ്ട്​ മണിയോടെയായിരുന്നു അപകടം.

ലാക്​നോർ കമ്പനിയിലെ ജീവനക്കാരനായ നാസറും സഹപ്രവർത്തകനും സഞ്ചരിച്ച കാർ ഡിവൈഡറിൽ ഇടിച്ച്​ മറിയുകയായിരുന്നെന്നാണ്​ വിവരം. സെയിൽസിന്​ ശേഷം അൽ വാഫിയിലുള്ള താമസ സ്​ഥലത്തേക്ക്​ മടങ്ങവേയായിരുന്നു അപകടം. കൂടെയുണ്ടായിരുന്നയാളെ പരിക്കുകളോടെ ആശുപത്രിയിൽ പ്രവേശിപ്പിച്ചു.