പിടികിട്ടാപ്പുള്ളി, സ്ത്രീകളുടെ പേടി സ്വപ്നമായിരുന്ന ബലാത്സംഗ വീരന് ഒടുവില് പിടിയില്: ഒറ്റുകൊടുത്തത് ഭാര്യ
പതിറ്റാണ്ടുകളായി പോലീസ് അന്വേഷിച്ചുകൊണ്ടിരുന്ന സെന്റര് വില്ല റേപ്പിസ്റ്റ് ഒടുവില് പോലീസ് പിടിയില്. 1990കളില് മുഖംമൂടിയണിഞ്ഞു വന്ന് 20ഓളം സ്ത്രീകളെ പീഡിപ്പിച്ച ജൂഡ് ലോവ്ചിക് എന്നയാളാണ് ഒടുവില് ഭാര്യ കാതറിന്റെ വെളിപ്പെടുത്തലോടെ പിടിയിലായത്. 90കളില് വിര്ജിനിയയിലെ സ്ത്രീകളുടെ പേടി സ്വപ്നമായിരുന്നു കറുത്ത മുഖംമൂടിയണിഞ്ഞു വരുന്ന ഫെയര്ഫാക്സ് റേപ്പിസ്റ്റ്. പോലീസിനു പോലും പിടിക്കാനാവാതിരുന്ന ഇയാളെ ഒടുവില് ഭാര്യ കാണിച്ചു കൊടുക്കുകയായിരുന്നു.
2009 വിവാഹിതരായപ്പോഴാണ് ജൂഡ് ഈ രഹസ്യം കാതറിനോട് പറഞ്ഞത്. വീടിനുള്ളില് സൂക്ഷിച്ചിരുന്ന കറുത്ത മുഖംമൂടി കാണിച്ചശേഷം ആ പിടികിട്ടാപ്പുള്ളി താനാണെന്ന് വെളിപ്പെടുത്തുകയായിരുന്നു. ഭാര്യ കാതറിനെ ബലാത്സംഗം ചെയ്ത ശേഷമാണ് ഇയാള് വിവാഹം ചെയ്തത്. വീടിനു പുറത്ത് നില്ക്കുകയായിരുന്ന കാതറിനെ തോക്കുചൂണ്ടി ഭീഷണിപ്പെടുത്തി കസേരയില് കെട്ടിയിട്ട് പീഡിപ്പിക്കുകയായിരുന്നു. പിന്നീട് വിവാഹം ചെയ്തു. ഇവര്ക്കൊരു മകളുമുണ്ട്.
ഇപ്പോള് വിവാഹമോചിതരാകാന് തീരുമാനിച്ചപ്പോള് മകളെ അച്ഛനൊപ്പം വിടാന് കോടതി ഉത്തരവിട്ടു. കുട്ടിയെ വിടുന്നത് അപകടമാണെന്ന് തോന്നിയതോടെയാണ് കാതറിന് ഭര്ത്താവിന്റെ യഥാര്ത്ഥ മുഖം വെളിപ്പെടുത്തിയത്. ഒടുവില് മകളെ അമ്മയ്ക്കൊപ്പം വിട്ടു. ജൂഡിനെതിരെ വിശദമായ അന്വേഷണം നടത്തി തെളിവുകള് ശേഖരിച്ചു.
ഇരകളുടെ ഓര്മ്മ കളയുന്നതിനായി ഗറ്റോറെയ്ഡ് കുടിപ്പിച്ച ശേഷമായിരുന്നു പീഡനം. കൊല്ലുമെന്ന് ഭീഷണിപ്പെടുത്തിയാണ് കീഴ്പ്പെടുത്തിയിരുന്നത്. പീഡനശേഷം തെളിവവശേഷിക്കാതിരിക്കാന് വാക്വം ക്ലീനറുപയോഗിച്ച് മുറി വൃത്തിയാക്കിയ ശേഷമാണ് രക്ഷപ്പെട്ടിരുന്നത്. മുഖംമൂടിയും അന്ന് മുറി വൃത്തിയാക്കാന് ഉപയോഗിച്ച വാക്വം ക്ലീനറും ജൂഡിന്റെ വീട്ടില് നിന്ന് കണ്ടെത്തി. ശാസ്ത്രീയ തെളിവുകളോടെ ഇയാള് തന്നെയാണ് കുറ്റക്കാരനെന്ന് കണ്ടെത്തി. കേസിന്റെ വാദത്തിന് ശേഷം ശിക്ഷ വിധിക്കും.
https://www.facebook.com/Malayalivartha