16 ദിവസം പ്രായമായ നവജാത ശിശുവിനെ ഉപേക്ഷിച്ച് അമ്മ കടന്നു
16 ദിവസം പ്രായമായ പെണ്കുഞ്ഞിനെ ഉപേക്ഷിച്ച് കടന്ന് കളഞ്ഞ് അമ്മ. കുഞ്ഞിനെ ആശുപത്രിയിലെ വാര്ഡില് ഒരു സ്ത്രീയെ ഏല്പ്പിച്ച ശേഷം പോയത്. കോഴിക്കോട് മെഡിക്കല് കോളജ് ആശുപത്രിയിലെ മാതൃശിശുസംരക്ഷണ കേന്ദ്രത്തിലാണ് പത്തനംതിട്ട സ്വദേശിയായ ഷാഹിന കുഞ്ഞിനു ജന്മം നല്കിയത്. ആശുപത്രിയില് വയനാട് മേപ്പാടി സ്വദേശിയായ ഒരു സ്ത്രീയുടെ കയ്യില് കുഞ്ഞിനെ എല്പ്പിച്ച ശേഷമാണ് ഇവര് പോയത്.
സമയം ഏറെക്കഴിഞ്ഞിട്ടും ആരും കുഞ്ഞിനെ വാങ്ങാന് എത്താത്തതിനെ തുടര്ന്ന് സ്ത്രീ മെഡിക്കല് കോളജ് പൊലീസ് സ്റ്റേഷനില് എത്തി പരാതി നല്കി. മെഡിക്കല് കോളജ് പൊലീസ് സംഭവത്തില് കേസ് റജിസ്റ്റര് ചെയ്ത് അന്വേഷണം തുടങ്ങി. കുഞ്ഞിനെ വനിത പൊലീസിന്റെ സംരക്ഷണത്തില് കോഴിക്കോട് മെഡിക്കല് കോളജിലെ മാതൃശിശു സംരക്ഷണ കേന്ദ്രത്തില് മെഡിക്കല് പരിശോധന പൂര്ത്തിയാക്കിയ ശേഷം മെഡിക്കല് കോളജ് പൊലീസ് സ്റ്റേഷനില് എത്തിച്ചു.
മെഡിക്കല് കോളജില് ഷാഹിന നല്കിയ മൊബൈല് ഫോണ് നമ്പരില് ബന്ധപ്പെടാന് പൊലീസ് ശ്രമിച്ചെങ്കിലും അത് സ്വിച്ച് ഓഫ് ചെയ്ത നിലയിലാണ്. കുഞ്ഞിന്റെ മാതാവിന്റെ ബന്ധുക്കളുമായി പൊലീസ് ബന്ധപ്പെട്ടിട്ടുണ്ട്. മാതാവിനെ കണ്ടെത്താന് വൈകിയാല് കുഞ്ഞിനെ ശിശുക്ഷേമസമിതിക്ക് മുന്പാകെ ഹാജരാക്കാനാണ് പൊലീസ് നീക്കം.
https://www.facebook.com/Malayalivartha
