ഇമ്രാനെ തെരുവിലിട്ട് വലിച്ചുകീറി പാകിസ്താനിലെ ജനങ്ങള്; ലോകരാജ്യങ്ങള് ഇടപെടണമെന്നുമാവശ്യപ്പെട്ടാണ് ജനീവയില് സ്ത്രീകളും ,കുട്ടികളും തെരുവില്
ഭീകരവാദത്തിന് നേതൃത്വം നല്കുന്ന പാകിസ്താന് തിരിച്ചടികള് മാത്രമാണ് ഇപ്പോള് ഉണ്ടാകുന്നത്. കശ്മീരികളുടെ സ്വാതന്ത്ര്യത്തിന് വേണ്ടി എന്തും ചെയ്യുമെന്നുപറഞ്ഞ് ഗീര്വാണം മുഴക്കുന്ന പാകിസ്ഥാനു തിരിച്ചടിയായി പാക് ക്രിസ്ത്യാനികളുടെ പ്രതിഷേധം. തങ്ങളെ നിര്ബന്ധിത മതപരിവര്ത്തനത്തിനു വിധേയരാക്കാന് ശ്രമിക്കുന്നുവെന്നും ,ലോകരാജ്യങ്ങള് ഇടപെടണമെന്നുമാവശ്യപ്പെട്ടാണ് ജനീവയില് സ്ത്രീകളും ,കുട്ടികളും അടങ്ങുന്ന സംഘം സമരം നടത്തിയത്. ക്രിസ്ത്യാനികളുടെ മാത്രമല്ല ,ഹിന്ദുക്കളുടെ പ്രശ്നങ്ങളും ഇവര് പ്രതിഷേധത്തില് പരാമര്ശിച്ചു . ' മനുഷ്യാവകാശങ്ങള് ഹനിക്കുന്ന നടപടികളില് നിന്നും പാകിസ്ഥാന് പിന്മാറുക , നിര്ബന്ധിത മതപരിവര്ത്തനം അവസാനിപ്പിക്കുക ' എന്നീ ആവശ്യങ്ങള് ഉന്നയിക്കുന്ന ബോര്ഡുകളുമേന്തിയായിരുന്നു പ്രതിഷേധം .
യു എന്നിന്റെ മനുഷ്യാവകാശ ഹൈക്കമ്മീഷന് ഹെഡ്ക്വാര്ട്ടേഴ്സിനു മുന്നില് നിന്നായിരുന്നു പ്രതിഷേധം ആരംഭിച്ചത് . യൂറോപ്യന് പാര്ലമെന്റ് അംഗവും മറ്റ് മനുഷ്യാവകാശ സംരക്ഷകരും പ്രതിഷേധക്കാര്ക്കിടയില് ഉണ്ടായിരുന്നു. പാകിസ്ഥാനില് മതനിന്ദ നിയമങ്ങള് ന്യൂനപക്ഷത്തെ വേട്ടയാടാന് വേണ്ടി ഉപയോഗിക്കുകയാണ് .പാകിസ്ഥാനിലെ ക്രിസ്ത്യന് പെണ്കുട്ടികളെ ചൈനക്കാര് പീഡനത്തിനിരയാക്കുന്നു . പാക് ഭരണകൂടത്തിന്റെ ഒത്താശയോടെയാണിത് . പണം നല്കി പെണ്കുട്ടികളെ മതം മാറ്റത്തിനു നിര്ബന്ധിക്കുന്നു , പാക് ക്രിസ്ത്യന് നേതാവായ റോബിന്സണ് അസ്ഗര് പറഞ്ഞു. ആയിരക്കണക്കിനു പെണ്കുട്ടികളെയാണ് ഇത്തരത്തില് പാകിസ്ഥാനില് മതപരിവര്ത്തനത്തിനിരയാക്കിയിരിക്കുന്നത് . ലോകരാജ്യങ്ങള് വിഷയത്തില് ഇടപെടണമെന്നും തങ്ങള്ക്ക് നീതി ഉറപ്പാക്കണമെന്നും അവര് ആവശ്യപ്പെട്ടു.
https://www.facebook.com/Malayalivartha