അഞ്ഞൂറോളം കുട്ടികളെ നൈജീരിയയിലെ ഒരു മതപഠനകേന്ദ്രത്തില്‍ ക്രൂരമായി പീഡിപ്പിച്ചെന്ന് റിപ്പോര്‍ട്ട്. അഞ്ച് വയസ്സ് മുതല്‍ പ്രായമുള്ള നൂറിലധികം കുട്ടികള്‍ ചങ്ങലയില്‍ ബന്ധിച്ച നിലയിലായിരുന്നു. കുട്ടികളുള്‍പ്പെടെ പലരും ലൈംഗികാതിക്രമത്തിന് ഇരകളായി. പൊലീസ് നടത്തിയ റെയ്ഡില്‍ എട്ട് അധ്യാപകരെ അറസ്റ്റ് ചെയ്തു. തടവിലായിരുന്ന എല്ലാവരെയും മോചിപ്പിച്ചെന്ന് പൊലീസ് പറഞ്ഞു.

ദിവസങ്ങളോളം ഭക്ഷണവും വെള്ളവും നല്‍കിയിരുന്നില്ലെന്ന് കുട്ടികള്‍ പറഞ്ഞു. കുട്ടികള്‍ ലൈംഗികാതിക്രമത്തിന് ഇരകളായിട്ടുണ്ടെന്ന് പൊലീസ് പറഞ്ഞു. പലരുടെയും ശരീരത്തില്‍ ക്രൂര മര്‍ദനത്തിന്റെ പാടുകളുണ്ട്.

ദിവസങ്ങളോളം പട്ടിണിക്കിട്ടു പീഡിപ്പിച്ച ഇവരില്‍ ഭൂരിഭാഗം പേരെയും അടിമകളെപ്പോലെയാണ് കണ്ടിരുന്നത്. രക്ഷപെടാന്‍ ശ്രമിച്ചവരെ ക്രൂരമായി പീഡിപ്പിക്കും. വടക്കന്‍ നൈജീരിയയില്‍ നിന്നുള്ളവരാണ് ബന്ദികളില്‍ കൂടുതല്‍.

മതപഠനത്തിനെന്ന പേരിലാണ് ഇവരെ ഇവിടെ എത്തിച്ചത്. കുട്ടികളുടെ മാതാപിതാക്കള്‍ സ്ഥലത്തെത്തി. മതപഠനത്തിനാണ് കുട്ടികളെ അയച്ചതെന്നും കുട്ടികള്‍ക്ക് നേരെ അക്രമം നടക്കുന്നത് അറിയില്ലായിരുന്നുവെന്നും രക്ഷിതാക്കള്‍ പ്രതികരിച്ചു.