പര​സ്യ​ക്ക​മ്പ​നി​യി​ല്‍ ജോ​ലി വാ​ഗ്ദാ​നം ചെ​യ്ത് ദ​മ്പ​തി​ക​ളെ യു.​എ.​ഇ​യി​ലെ​ത്തി​ച്ച് പെ​രു​വ​ഴി​യി​ലാ​ക്കി​യ കൊ​ല്ലം, കു​മ്പ​നാ​ട് സ്വ​ദേ​ശി​ക​ൾ നാ​ട്ടി​ലേ​ക്ക് ക​ട​ന്നു. ഇ​മി​ഗ്രേ​ഷ​നി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ്​ ഇ​തു വെ​ളി​പ്പെ​ട്ട​തെ​ന്ന്​ സാ​മൂ​ഹി​ക പ്ര​വ​ര്‍ത്ത​ക ലൈ​ല അ​ബൂ​ബ​ക്ക​ര്‍ പ​റ​ഞ്ഞു. കൊ​ല്ലം സ്വ​ദേ​ശി മൂ​ന്നു​മാ​സം മു​മ്പും കു​മ്പ​നാ​ട് സ്വ​ദേ​ശി ശ​നി​യാ​ഴ്ച​യു​മാ​ണ് നാ​ട്ടി​ലേ​ക്ക് ക​ട​ന്ന​തെ​ന്നാ​ണ് രേ​ഖ. എ​ട്ടു​മാ​സം ഗ​ര്‍ഭി​ണി​യാ​യ യു​വ​തി​യോ​ടും ഭ​ര്‍ത്താ​വി​നോ​ടും ദു​ബൈ അ​ല്‍ ഗു​ബൈ​ബ​യി​ല്‍ താ​മ​സം ശ​രി​യാ​ക്കി​യി​ട്ടു​ണ്ടെ​ന്ന് പ​റ​ഞ്ഞ് പ​റ്റി​ച്ചാ​യി​രു​ന്നു മു​ങ്ങ​ൽ. പെ​രു​വ​ഴി​യി​ലാ​യ ഇ​വ​ര്‍ പൊ​ലീ​സ് സ്​​റ്റേ​ഷ​നി​ല്‍ അ​ഭ​യം തേ​ടു​ക​യാ​യി​രു​ന്നു. ദ​മ്പ​തി​ക​ളി​പ്പോ​ള്‍ ലൈ​ല​യു​ടെ വീ​ട്ടി​ലാ​ണ് ക​ഴി​യു​ന്ന​ത്.

ദു​ബൈ ശൈ​ഖ് സാ​യി​ദ് റോ​ഡി​ലെ പ​ര​സ്യ​ക്ക​മ്പ​നി​യി​ല്‍ ഭ​ര്‍ത്താ​വി​ന് ഒാ​പ​റേ​ഷ​ന്‍സ് വ​കു​പ്പി​ലും ഭാ​ര്യ​ക്ക് റി​സ​പ്ഷ​നി​ലു​മാ​യി​രു​ന്നു ജോ​ലി വാ​ഗ്ദാ​നം ചെ​യ്തി​രു​ന്ന​ത്. ഏ​ഴു​മാ​സം ജോ​ലി ചെ​യ്തി​ട്ടും ഇ​വ​ര്‍ക്ക് ശ​മ്പ​ള​മൊ​ന്നും ന​ല്‍കി​യി​രു​ന്നി​ല്ല. ഇ​തി​നി​ടെ​യാ​ണ് ക​മ്പ​നി​യി​ലെ ഉ​ട​മ​ക​ളി​ലൊ​രാ​ളാ​യ കൊ​ല്ലം സ്വ​ദേ​ശി​യെ കാ​ണാ​താ​യ​ത്. ക​ഴി​ഞ്ഞ ദി​വ​സം ഇ​വ​ര്‍ താ​മ​സി​ച്ചി​രു​ന്ന ക​റാ​മ​യി​ലെ ഫ്ലാ​റ്റി​​െൻറ ക​രാ​ര്‍ അ​വ​സാ​നി​ച്ചി​രു​ന്നു. ഗു​ബൈ​ബ​യി​ല്‍ വേ​റെ സൗ​ക​ര്യം ഒ​രു​ക്കി​യി​ട്ടു​ണ്ടെ​ന്നു പ​റ​ഞ്ഞ് പ​റ്റി​ച്ചാ​യി​രു​ന്നു കു​മ്പ​നാ​ട് സ്വ​ദേ​ശി​യു​ടെ മു​ങ്ങ​ൽ.

അതേസമയം വ്യാജ വിസ തടയാനായി ഇന്ത്യക്കാര്‍ക്ക് തൊഴില്‍ വിസയും ഓഫര്‍ ലെറ്ററും പരിശോധിക്കാന്‍ എംബസി സംവിധാനമൊരുക്കിയിരുന്നു. കമ്മ്യൂണിറ്റി വെല്‍ഫെയര്‍ വിങിന്റെ കീഴില്‍ അബുദാബിയിലെ ഇന്ത്യന്‍ എംബസിയിലും ദുബായിലെ ഇന്ത്യന്‍ കോണ്‍സുലേറ്റിലും പ്രവര്‍ത്തിക്കുന്ന പ്രവാസി ഭാരതീയ സഹായതാ കേന്ദ്രത്തിലാണ് (പിബിഎസ്‍കെ) വ്യാജ വിസ തടയാനുള്ള സൗകര്യമുള്ളത്.

എല്ലാ പ്രവാസികള്‍ക്കും ജോലി ലഭിച്ച് യുഎഇയില്‍ എത്തുന്നതിന് മുന്‍പ് തന്നെ തൊഴില്‍ വിസയും തൊഴില്‍ കരാറും പരിശോധിച്ച് ഉറപ്പുവരുത്താന്‍ പ്രവാസി ഭാരതീയ സഹായതാ കേന്ദ്രം സഹായിക്കും. രേഖകള്‍ helpline@pbskuae.com എന്ന ഇ-മെയില്‍ വിലാസത്തില്‍ അയച്ചുകൊടുക്കുകയാണ് വേണ്ടത്. അധികൃതര്‍ അവ പരിശോധിച്ച് നിങ്ങളെ വിവരമറിയിക്കും.

കേന്ദ്ര വിദേശകാര്യ മന്ത്രാലയത്തിന് കീഴിലാണ് പ്രവാസി ഭാരതീയ സഹായതാ കേന്ദ്രങ്ങള്‍ പ്രവര്‍ത്തിക്കുന്നത്. കുറച്ചുനാളുകൾക്ക് മുൻപേ യുഎഇയിലേക്ക് വ്യാജ തൊഴില്‍ വിസകള്‍ നല്‍കിയ സംഭവത്തില്‍ രണ്ട് പേരെ പൊലീസ് അറസ്റ്റ് ചെയ്തിരുന്നു. 17 പേരെയാണ് ഇവര്‍ വ്യാജ വിസകള്‍ നല്‍കി യുഎഇയിലെത്തിച്ചത്. യുഎഇയില്‍ എത്തിയ ശേഷം പരിശോധിച്ചപ്പോഴാണ് വിസ വ്യാജമാണെന്ന് കണ്ടെത്തിയത്. തുടര്‍ന്ന് ഇവരെ തിരിച്ചയച്ചു. യുഎഇ സര്‍ക്കാറിന്റെ വെബ്സൈറ് വഴിയും വിസയുടെ വിശദാംശങ്ങള്‍ പരിശോധിക്കാന്‍ കഴിയും. വിസയുടെ കാര്യത്തില്‍ സംശയമുള്ളവര്‍ പ്രവാസി ഭാരതീയ സഹായതാ കേന്ദ്രവുമായി ബന്ധപ്പെടണമെന്ന് അധികൃതര്‍ അറിയിച്ചിട്ടുണ്ട്.