ദുബായില് യുവതിയെ മുന് ഭര്ത്താവ് അതിക്രൂരമായി കുത്തിക്കൊന്നു
യുവതിയെ ദുബായിലെ ഒരു ഹോട്ടലില് അതിക്രൂരമായി കൊലപ്പെടുത്തിയ കേസില് മുന് ഭര്ത്താവ് അറസ്റ്റിലായി. റഷ്യന് വിമാനക്കമ്പനിയായ പോബെഡയില് ജീവനക്കാരിയായിരുന്ന 25കാരിയായ അനസ്താസിയയാണ് കൊല്ലപ്പെട്ടത്. സംഭവവുമായി ബന്ധപ്പെട്ട് 41 വയസ്സുള്ള ആല്ബര്ട്ട് മോര്ഗനെയാണ് റഷ്യന് അധികൃതര് അറസ്റ്റ് ചെയ്തത്.
അനസ്താസിയയും നിയമോപദേശകനായി ജോലി ചെയ്യുന്ന മോര്ഗനും രണ്ട് വര്ഷത്തെ ദാമ്പത്യത്തിന് ശേഷമാണ് വേര്പിരിഞ്ഞത്. വിവാഹബന്ധം വേര്പെടുത്തിയെങ്കിലും മുന് ഭാര്യയുടെ സ്വകാര്യ സന്ദേശങ്ങള് മോര്ഗന് നിരന്തരം പരിശോധിച്ചിരുന്നു.
ഈ പരിശോധനയില്, പണത്തിനുവേണ്ടി അനസ്താസിയ ലൈംഗികവൃത്തിയില് ഏര്പ്പെട്ടിരുന്നു എന്ന സംശയം ഇയാള്ക്കുണ്ടായി. ഇതാണ് കൊലപാതകത്തിലേക്ക് നയിച്ച പ്രധാന കാരണം. സംശയം ബലപ്പെട്ടതോടെ റഷ്യയില് നിന്നും 4345 കിലോമീറ്റര് സഞ്ചരിച്ച് മോര്ഗന് ദുബായിലെത്തുകയായിരുന്നു.
കൊലപാതകം ആസൂത്രണം ചെയ്ത മോര്ഗന്, ഹോട്ടലിലെ അലക്കുശാലയില് നിന്നെടുത്ത വസ്ത്രം ധരിച്ച് ജീവനക്കാരിയാണെന്ന് തെറ്റിദ്ധരിപ്പിച്ചാണ് അനസ്താസിയയുടെ മുറിയില് പ്രവേശിച്ചത്. തുടക്കത്തില് ദേഹത്ത് പെയിന്റ് ഒഴിക്കാനും മുടി മുറിക്കാനുമായിരുന്നു പദ്ധതി.
എന്നാല്, മുറിയില് വെച്ച് ഇരുവരും തമ്മിലുണ്ടായ രൂക്ഷമായ തര്ക്കം ആക്രമണത്തില് കലാശിച്ചു. ന്യൂയോര്ക്ക് പോസ്റ്റിന്റെ റിപ്പോര്ട്ട് അനുസരിച്ച്, അനസ്താസിയയുടെ കഴുത്തിലും കൈകാലുകളിലുമായി 15 കുത്തേറ്റ മുറിവുകളുണ്ടായിരുന്നു. ക്രൂരമായ ആക്രമണത്തിനൊടുവില് രക്തത്തില് കുളിച്ച നിലയില് യുവതിയുടെ മൃതദേഹം മണിക്കൂറുകള്ക്ക് ശേഷമാണ് കണ്ടെത്തിയത്.
കൊലപാതകത്തിനു ശേഷം മോര്ഗന് റഷ്യയിലേക്ക് മടങ്ങി. ഹോട്ടല് ജീവനക്കാര് വിവരമറിയിച്ചതിനെത്തുടര്ന്ന് സ്ഥലത്തെത്തിയ ദുബായ് പോലീസ് സിസിടിവി ദൃശ്യങ്ങള് പരിശോധിച്ച് പ്രതിയെ തിരിച്ചറിഞ്ഞു. തുടര്ന്ന് റഷ്യന് അധികൃതരുമായി ബന്ധപ്പെട്ട് മോര്ഗനെ പിടികൂടുകയായിരുന്നു.
ക്രിമിനല് പശ്ചാത്തലമുള്ള ഇയാള് ലഹരിമരുന്ന് കേസുകളില് നേരത്തെ ഏഴ് വര്ഷം ജയില് ശിക്ഷ അനുഭവിച്ചിട്ടുണ്ട്. കൂടാതെ, ഇരുവരും തമ്മില് മുന്പും കുടുംബപരമായ തര്ക്കങ്ങളുണ്ടായിരുന്നതായും അനസ്താസിയ പരാതി നല്കിയിരുന്നെങ്കിലും പിന്നീട് പിന്വലിച്ചതായും റിപ്പോര്ട്ടുകളുണ്ട്.
ജയില് ശിക്ഷയില് നിന്ന് രക്ഷപ്പെടാനായി മോര്ഗന് ഒരു ഒടുവിലത്തെ ശ്രമം നടത്തി. യുക്രെയ്ന് യുദ്ധത്തില് പങ്കെടുക്കാന് താന് സന്നദ്ധനാണെന്ന് ഇയാള് അധികൃതരെ അറിയിച്ചെങ്കിലും ആ നീക്കം വിജയിച്ചില്ല. മോര്ഗനെ റഷ്യന് പോലീസ് റിമാന്ഡ് ചെയ്യുകയും കേസില് തുടര് നടപടികള് സ്വീകരിക്കുകയും ചെയ്തു.
https://www.facebook.com/Malayalivartha
