മദ്യലഹരിയിൽ സുഹൃത്തിനെ തലയ്ക്കടിച്ച് കൊലപ്പെടുത്തി. ഇടുക്കി മേരികുളത്താണ് സംഭവം നടന്നത്. നാൽപ്പതുകാരനായ പുളിക്കമണ്ഡപത്തിൽ റോബിനാണ് മരിച്ചത്. പ്രതി ഡോർലാൻഡ് സ്വദേശി ഇടത്തിപ്പറമ്പിൽ സോജനെ (45) പൊലീസ് അറസ്റ്റ് ചെയ്യുകയും ചെയ്തു.

സോജൻ കല്ലുകൊണ്ട് റോബിന്റെ തലയ്ക്ക് അടിച്ച് കൊലപ്പെടുത്തുകയായിരുന്നെന്നാണ് പൊലീസ് നിഗമനത്തിലുള്ളത്. ക്രിസ്തുമസ് ദിവസം മദ്യപിച്ച ശേഷം ഇരുവരും തമ്മിലുണ്ടായ വാക്കേറ്റം അക്രമത്തിൽ കലാശിക്കുകയായിരുന്നു. സംഭവത്തിൽ പൊലീസ് അന്വേഷണം തുടങ്ങി.