കാട്ടുതീയില് നിന്നുള്ള ദുരിതം അവസാനിക്കും മുമ്പേ ആസ്ട്രേലിയയില് പേമാരിയും വെള്ളപ്പൊക്കവും.... മാസങ്ങളായി തുടര്ന്ന കാട്ടുതീ കെടുത്തിയപ്പോഴേക്കും ദുരിതമായി പെരുമഴ
കാട്ടുതീയില് നിന്നുള്ള ദുരിതം അവസാനിക്കും മുമ്പേ ആസ്ട്രേലിയയില് പേമാരിയും വെള്ളപ്പൊക്കവും. മാസങ്ങളായി തുടര്ന്ന കാട്ടുതീ കെടുത്തി ഈയാഴ്ചയാണ് ആസ്ട്രേലിയയില് മഴ പെയ്തത്. കാട്ടുതീ ആളിപ്പടര്ന്ന സ്ഥലങ്ങളില് ആശ്വാസമായി പെയ്ത മഴ ചിലയിടങ്ങളില് കനത്തതോടെയാണ് ദുരിതമായത്. പേമാരിയ്ിലും കൊടുങ്കാറ്റിലും പലയിടത്തും നാശം സംഭവിച്ചു. റോഡുകള് മുങ്ങിയതോടെ ഗതാഗതവും തടസ്സപ്പെട്ടു. ചിലയിടങ്ങളില് പ്രളയസമാനമായ സാഹചര്യമാണ്.
അതേസമയം, നൂറോളം ഇടങ്ങളില് കാട്ടുതീ അണയ്ക്കാന് അഗ്നിരക്ഷ പ്രവര്ത്തകര് ശ്രമം തുടരുകയാണ്.ക്വീന്സ്ലന്ഡ്, ന്യൂ സൗത്ത് വെയ്ല്സ്, വിക്ടോറിയ എന്നിവിടങ്ങളിലാണ് ഏതാനും ദിവസമായി മഴ തുടരുന്നത്. ചില പ്രദേശങ്ങളില് 330 മില്ലിമീറ്റര് മഴ പെയ്തതായാണ് ആസ്ട്രേലിയന് കാലാവസ്ഥ ഏജന്സിയുടെ കണക്കുകള്. വരും ദിവസങ്ങളില് 100 മില്ലിമീറ്റര് മഴ പെയ്തേക്കുമെന്നാണ് കരുതുന്നത്.
വെള്ളപ്പൊക്കം രൂക്ഷമായതോടെ ക്വീന്സ്ലന്ഡിലെ പ്രധാന ഹൈവേകളെല്ലാം ശനിയാഴ്ച അടച്ചു. ചിലയിടങ്ങളില് വീടുകളും വെള്ളത്തിനടിയിലാണ്. ശക്തമായ കാറ്റില് ന്യൂ സൗത്ത് വെയ്ല്സില് പലയിടത്തും വൈദ്യുതി ബന്ധം തകരാറിലായി. വിക്ടോറിയയിലും സ്ഥിതി വിഭിന്നമല്ല. ഈ സാഹചര്യത്തില് വീണുകിടക്കുന്ന മരങ്ങളും വൈദ്യുതി ലൈനുകളും ശ്രദ്ധിക്കണമെന്നും വെള്ളപ്പൊക്കത്തിലൂടെ വാഹനമോടിക്കാനോ നടക്കാനോ ശ്രമിക്കരുതെന്നും ഫയര് ആന്ഡ് എമര്ജന്സി സര്വീസസ് പൊതുജനങ്ങള്ക്ക് മുന്നറിയിപ്പ് നല്കി.
ഒരു ഭാഗത്തു കനത്ത മഴ പെയ്യുമ്പോഴും വിക്ടോറിയയിലെയും ന്യൂ സൗത്ത് വെയ്ല്സിലെയും ചിലയിടങ്ങളില് കാട്ടുതീ ഇനിയും അണയാനുണ്ട്. പര്വത മേഖലകളില് തീ അണയ്ക്കാനുള്ള ശ്രമങ്ങളിലാണ് ഫയര് സര്വീസ്. മഴ പെയ്യുന്നത് തീയണയ്ക്കുന്ന ജോലി എളുപ്പമാക്കുമെന്നാണ് കണക്കുക്കൂട്ടല്. സെപ്റ്റംബറില് തുടങ്ങിയ കാട്ടുതീയില് 29 പേരാണ് കൊല്ലപ്പെട്ടത്. നിരവധി മൃഗങ്ങളും 2500ലധികം വീടുകള് കത്തിനശിച്ചു
ഓസ്ട്രേലിയന് ഉള്ക്കാടുകളില് തീ പടര്ന്നുപിടിക്കുന്നത് ആദ്യം കണ്ടെത്തിയത് നാസയുടെ ഉപഗ്രഹ ഉപകരണങ്ങളായിരുന്നു. പിന്നീട്, പടര്ന്നു പിടിക്കുന്ന തീയെ കുറിച്ചും അതിന്റെ യഥാര്ത്ഥ സ്ഥാന വിവരങ്ങള് കൈമാറിയിരുന്നതും നാസ ആയിരുന്നു. ഇപ്പോള് ഈ തീപിടുത്തങ്ങള് സൃഷ്ടിച്ച പുകയുടെ ചലനത്തെ കുറിച്ചുള്ള വിവരങ്ങളാണ് നാസയുടെ ഉപഗ്രഹമായ ചഛഅഅ/ ചഅടഅ ൗെീാശ ചജജ തരുന്നത്. ഭീമാകാരമായ കാട്ടുതീ പടര്ത്തിയ പുക ഭൂമിയുടെ അന്തരീക്ഷത്തെ വലയം ചെയ്തുകൊണ്ടിരിക്കുകയാണെന്നാണ് ഈ വിവരങ്ങള് സൂചിപ്പിക്കുന്നത്. ഈ പുകപടലങ്ങള് തെക്കന് പെസഫിക്കിലൂടെ കിഴക്കോട്ട് സഞ്ചരിച്ചു ന്യൂസിലാന്റിലേക്ക് നീങ്ങി, അവിടെ കടുത്ത രീതിയിലുള്ള വായു മലിനീകരണത്തിനും ഏകദേശം രണ്ടാഴ്ച മുമ്പ് ഇരുണ്ട നിറത്തിലുള്ള മഞ്ഞുവീഴ്ചയ്ക്കും കാരണമായിരുന്നു.
https://www.facebook.com/Malayalivartha