കേക്ക് തീറ്റ മത്സരത്തില് പങ്കെടുത്ത 60-കാരിയ്ക്ക് ദാരുണാന്ത്യം
ഓസ്ട്രേലിയന് ദിനമായി ആചരിക്കുന്ന ജനുവരി 26-ന് ക്വീന്സ്ലാന്ഡിലെ ഹാര്വീ ബേ ബീച്ചിലെ, ദ ബീച്ച് ഹൗസ് ഹോട്ടല് സംഘടിപ്പിച്ച കേക്ക് തീറ്റ മത്സരത്തില് പങ്കെടുത്ത വൃദ്ധയ്ക്ക് ദാരുണാന്ത്യം. ലാമിംഗ്ടണ്സ് ഇനത്തില്പെട്ട കേക്ക് തീറ്റ മത്സരത്തിലാണ് വൃദ്ധപങ്കെടുത്ത്. ചോക്ലേറ്റും തേങ്ങയും കൊണ്ട് അലങ്കരിച്ച പരമ്പരാഗത സ്പോഞ്ച് കേക്കാണ് ലാമിംഗ്ടണ്സ്.
മത്സരത്തിന്റെ ഭാഗമായി വായിലേക്ക് ആദ്യ കഷ്ണം കേക്ക് വച്ചപ്പോള് തന്നെ വൃദ്ധയ്ക്ക് ബുദ്ധിമുട്ടുകള് അനുഭവപ്പെട്ടിരുന്നു. ശ്വാസം എടുക്കാന് ഇവര് ബുദ്ധിമുട്ടുന്നത് കണ്ട് സംഘാടകര് വെള്ളം നല്കിയിരുന്നു. അതുകൊണ്ടും രക്ഷയില്ലെന്ന് കണ്ടതോടെ അവര്ക്ക് കൃത്രിമ ശ്വാസവും നല്കി, തുടര്ന്ന് ആശുപത്രിയില് എത്തിച്ചു. എന്നാല് പിന്നീട് ഇവര് മരണമടയുകയായിരുന്നു.
വൃദ്ധയുടെ പേര് അധികൃതര് പുറത്തുവിട്ടിട്ടില്ല. മത്സരത്തിനിടെയുണ്ടായ ദുരന്തത്തില് ബീച്ച് ഹൗസ് ഹോട്ടല് ഫെയ്സ്ബുക്കിലൂടെ അനുശോചനം രേഖപ്പെടുത്തി.
ഓസ്ട്രേലിയന് ദിനാചരണത്തില് തീറ്റ മത്സരം പ്രമുഖ ഇനം തന്നെയാണ്. നിശ്ചിത സമയത്തിനുള്ളില് ഏറ്റവും കൂടുതല് കേക്കുകളും പൈകളും ഹോട്ട് ഡോഗുകളും മറ്റും കഴിക്കുന്നവര്ക്ക് വമ്പന് സമ്മാനങ്ങളാണ് ലഭിക്കാറുള്ളത്.
https://www.facebook.com/Malayalivartha