ലോകമെമ്പാടുമായി ഒരു ലക്ഷത്തോളം ആളുകളെ പുതിയ കൊറോണ വൈറസ് ഇതിനോടകം ബാധിച്ചിട്ടുണ്ടാകാമെന്ന് ആരോഗ്യ വിദഗ്ധര്‍ മുന്നറിയിപ്പ് നല്‍കുമ്പോള്‍ സംസ്ഥാനത്ത് 288 പേര്‍ നിരീക്ഷണത്തിലെന്ന് ആരോഗ്യമന്ത്രി കെ കെ ശൈലജ. കൊറോണ വൈറസിനെ പ്രതിരോധിക്കാന്‍ സംസ്ഥാനം പൂര്‍ണ്ണ സജ്ജമാണെന്നും ആരോഗ്യമന്ത്രി വ്യക്തമാക്കി. എന്നാല്‍ മുന്‍കരുതലും ജാഗ്രതയും തുടരും എന്നും അറിയിച്ചിട്ടുണ്ട്. എന്നാല്‍ ഇപ്പോള്‍ എങ്ങനെയെങ്കിലും നാട്ടിലെത്തിക്കണമെന്ന അപേക്ഷയുമായി ചൈനയിലെ കൊറോണ ബാധിത മേഖലകളില്‍ കുടുങ്ങിയ മലയാളി വിദ്യാര്‍ഥികള്‍. രംഗത്തെത്തിയതാണ് വലിയ വാര്‍ത്ത ആയിരിക്കുന്നത്.
യീച്ചാങ് സിടിജി യൂണിവേഴ്‌സിറ്റിയിലെ വിദ്യാര്‍ഥികള്‍ അന്ന് ഇത്തരത്തില്‍ കുടുങ്ങിയിരിക്കുന്നത്. രോഗബാധ പേടിച്ച് പുറത്തിറങ്ങാന്‍ പോലും പേടിയാണെന്നും ഭക്ഷണം, മാസ്‌ക് എന്നിവ ലഭിക്കാത്ത സാഹചര്യത്തിലേക്ക് നീങ്ങുകയാണെന്നും വിദ്യാര്‍ഥികള്‍ പറഞ്ഞു.

വിമാന ടിക്കറ്റ് ടുത്തെങ്കിലും എയര്‍പോര്‍ട്ട് തുറക്കാത്തതിനാല്‍ അതും കഴിയില്ല എന്നാണ് ഇവര്‍ പറയുന്നു. ഭക്ഷണത്തില്‍ കൂടെ രോഗ ബാധ്യത പടരുന്ന സാഹചര്യത്തില്‍ ഭക്ഷണം കഴിക്കാന്‍ പേടിയാന്നെന്നും ഈ വിദ്യാര്‍ഥികള്‍ പറയുന്നു. നൂറാളം വിദ്യാര്‍ഥികള്‍ ഇവിടെയുണ്ട്. വുഹാന്‍ യൂണിവേഴ്‌സിറ്റി കഴിഞ്ഞാല്‍ ഇന്ത്യക്കാര്‍ കൂടുതല്‍ പഠിക്കുന്ന സ്ഥലമാണ് ചൈന ടിജി യൂണിവേഴ്‌സിറ്റി.

ചൈനയെ ആശങ്കയിലാക്കിയിരിക്കുന്ന കൊറോണ വൈറസ് ബാധയെത്തുടര്‍ന്ന് കുടുങ്ങിക്കിടക്കുന്നവരെ ഇന്ത്യയിലേക്ക് എത്തിക്കാന്‍ ആവശ്യപ്പെട്ട് മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്ര മോദിക്ക് കത്തയച്ചു. പ്രധാനമന്ത്രിക്ക് അയച്ച കത്ത് മുഖ്യമന്ത്രി ഫെയ്‌സ്ബുക്കില്‍ പങ്കുവച്ചിട്ടുണ്ട്.
വൈറസ് ബാധ ഏറ്റവുമാദ്യം റിപ്പോര്‍ട്ട് ചെയ്ത വുഹാനിലെ വിവിധ സര്‍വകലാശാലകളില്‍ പഠിക്കുന്ന മലയാളി വിദ്യാര്‍ത്ഥികളില്‍ നിന്നും അവരുടെ ബന്ധുക്കളില്‍ നിന്നും ലഭിച്ച വിവരമനുസരിച്ച് പ്രദേശത്തെ സ്ഥിതി കൂടുതല്‍ മോശമായിരിക്കുകയാണ്. അതിന് പുറമെ യിച്ചാങ് നഗരത്തിലും രോഗബാധയുണ്ടായതായാണ് റിപ്പോര്‍ട്ടുകള്‍. വുഹാന് സമീപമുള്ള വിമാനത്താവളത്തിലേക്ക് പ്രത്യേക വിമാനം ഇന്ത്യ അയച്ച് കുടുങ്ങിക്കിടക്കുന്നവരെ നാട്ടിലേക്ക് എത്തിക്കാന്‍ നടപടി വേണമെന്നാണ് കത്തില്‍ മുഖ്യമന്ത്രി ആവശ്യപ്പെട്ടിരിക്കുന്നത്.

ഇതിന് പുറമെ, തിരിച്ചെത്തുന്നവര്‍ക്ക് ചികിത്സ സൗകര്യം ആവശ്യമാണെങ്കില്‍ ഡോക്ടര്‍മാരുടെ സേവനം ലഭ്യമാക്കാന്‍ സംസ്ഥാനം തയ്യാറാണെന്നും. വുഹാനിലും യിച്ചാങിലും കുടുങ്ങിപ്പോയ മലയാളികളടക്കമുള്ള ഇന്ത്യക്കാര്‍ക്ക് ആവശ്യമായ സഹായം എത്തിക്കാന്‍ ചൈനയിലെ ഇന്ത്യന്‍ എംബസിക്ക് നിര്‍ദേശം നല്‍കണമെന്നും മുഖ്യമന്ത്രി ആവശ്യപ്പെട്ടിട്ടുണ്ട്.

ഈ വൈറസ് ഭീതിയില്‍ കഴിയുന്നവരെ സഹായിക്കണമെന്ന് ആവശ്യപ്പെട്ട് വിദേശകാര്യമന്ത്രി എസ്. ജയശങ്കറിന് 24ന് കത്തയച്ചിരുന്നുവെന്നും കുറിപ്പില്‍ മുഖ്യമന്ത്രി വ്യക്തമാക്കുന്നു. അതേസമയം, കൊറോണ വൈറസിനെ പ്രതിരോധിക്കാന്‍ സംസ്ഥാനം സജ്ജമാണെന്ന് ആരോഗ്യമന്ത്രി കെ.കെ. ശൈലജയും അറിയിച്ചു. സംസ്ഥാനത്ത് 288 പേര്‍ നിരീക്ഷണത്തിലാണുള്ളത്. എന്നാല്‍ ആര്‍ക്കും ഈ വൈറസ് ബാധ സ്ഥിരീകരിച്ചിട്ടില്ല. മുന്‍കരുതലും ജാഗ്രതയും തുടരുമെന്നും ഭയപ്പെടേണ്ട സാഹചര്യമില്ലെന്നും ആരോഗ്യമന്ത്രി വാര്‍ത്താസമ്മേളനത്തില്‍ പറഞ്ഞു.

ചൈനയില്‍ നിന്നുമത്തിയ ഇരുനൂറ്റി എണ്‍പത്തി രണ്ട് പേര്‍ വീടുകളിലും ആറുപേര്‍ ആശുപത്രികളിലും നിരീക്ഷണത്തിലാണ്. കൊച്ചിയില്‍ പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിനായി കേന്ദ്രസംഘവുമെത്തി.