അമേരിക്കയിലെ സൗത്ത് കരോളിനയില്‍ ജയിലിലെ ശുചിമുറിയില്‍ ജന്മം നല്‍കിയ ഇരട്ടക്കുട്ടികളില്‍ ഒരാള്‍ മരിക്കാനിടയായ സംഭവത്തില്‍ നഷ്ടപരിഹാരം നല്‍കുന്നതിന് ധാരണയായി.

ജയിലധികൃതരുടെ അശ്രദ്ധയും അവഗണനയും മൂലം കുഞ്ഞ് മരിക്കാനിടയായതിനാണ് 1.15 മില്യന്‍ ഡോളര്‍ നഷ്ടപരിഹാരം നല്‍കാന്‍ വിധിച്ചത്. കുഞ്ഞ് മരിച്ച് 7 വര്‍ഷത്തിനു ശേഷമാണ് വിധി വന്നത്.

2012-ല്‍ കാമില്ലി ഗ്രിഫിന്‍ ഗ്രഹാം കറക്ഷണല്‍ ഫെസിലിറ്റിയിലായിരുന്നു സംഭവം. 26 ആഴ്ച ഗര്‍ഭിണിയായിരുന്ന സിനട്ര ജോണ്‍സണ്‍ എന്ന സ്ത്രീ, പ്രസവം നടന്ന ദിവസം അസ്വസ്ഥതകളുമായി പല തവണ ജയില്‍ മെഡിക്കല്‍ ഫെസിലിറ്റിയില്‍ പരിശോധനയ്ക്കായി പോയിരുന്നുവെങ്കിലും അധികൃതര്‍ അത്ര കാര്യമാക്കിയില്ലായിരുന്നു.