ഇസ്ലാമാബാദ് പള്ളിയിലെ സ്ഫോടനിലെ മുഖ്യ സൂത്രധാരന് അറസ്റ്റില്
ഇസ്ലാമാബാദിലെ പള്ളിയില് വെള്ളിയാഴ്ച നടന്ന ചാവേര് സ്ഫോടനത്തിന് പിന്നിലെ മുഖ്യ സൂത്രധാരന് അറസ്റ്റില്. പാക് മന്ത്രി മുഹ്സിന് നഖ്വിയാണ് ഇതുസംബന്ധിച്ച വിവരങ്ങള് പുറത്തുവിട്ടത്. വെള്ളിയാഴ്ച നടന്ന ചാവേര് സ്ഫോടനത്തിന്റെ സൂത്രധാരനെയും നാല് സഹായികളെയും പാക് സൈന്യം അറസ്റ്റ് ചെയ്തതായി മുഹ്സിന് നഖ്വി അറിയിച്ചു.
31 പേരുടെ മരണത്തിനിടയാക്കിയ ആക്രമണത്തെക്കുറിച്ചുള്ള അന്വേഷണ വിശദാംശങ്ങള് നഖ്വി മാധ്യമങ്ങളുമായി പങ്കുവെച്ചതായി പാക് ദിനപത്രം ഡോണ് റിപ്പോര്ട്ട് ചെയ്തു. ഖൈബര് പഖ്തുന്ഖ്വയില് സൈന്യം നടത്തിയ റെയ്ഡിലാണ് അറസ്റ്റെന്നും ആക്രമണത്തില് ഉള്പ്പെട്ട എല്ലാവരെയും കണ്ടെത്തുന്നത് തുടരുകയാണെന്നും പാക് മന്ത്രി വ്യക്തമാക്കി.
ആക്രമണത്തിന്റെ ഉത്തരവാദിത്വം ഇസ്ലാമിക് സ്റ്റേറ്റ് (കട) ഏറ്റെടുത്തിരുന്നു. കൗണ്ടര് ടെററിസം ഡിപ്പാര്ട്ട്മെന്റും (ഇഠഉ) പോലീസും സംയുക്തമായാണ് അന്വേഷണത്തില് ഏര്പ്പെട്ടിട്ടുള്ളതെന്നും അദ്ദേഹം അറിയിച്ചു. 'സ്ഫോടനത്തിന്റെ സൂത്രധാരന് അടക്കം, ആക്രമണവുമായി ബന്ധപ്പെട്ട എല്ലാവരെയും ശനിയാഴ്ച പുലര്ച്ചെ ഏകദേശം മൂന്നുമണിയോടെ പിടികൂടി.' നഖ്വി പറഞ്ഞു.
'സ്ഫോടനത്തിന് ശേഷം, നോഷേറയിലും പെഷവാറിലും റെയ്ഡുകള് നടത്തി, അതില് നാല് സഹായികളെ പിടികൂടി. കൂടാതെ, സൂത്രധാരനനായ അഫ്ഗാന് സ്വദേശിയേയും പിടികൂടി.' അദ്ദേഹം പറഞ്ഞു. റെയ്ഡുകളില് ഒരു അസിസ്റ്റന്റ് സബ് ഇന്സ്പെക്ടര് കൊല്ലപ്പെടുകയും മറ്റുചിലര്ക്ക് പരിക്കേല്ക്കുകയും ചെയ്തു.
ആക്രമണത്തിന്റെ പ്രധാന സൂത്രധാരന് ദായിശുമായി ബന്ധമുള്ളയാളാണെന്നും എല്ലാത്തിനും പിന്നില് പ്രവര്ത്തിച്ചത് ദായിശ് അഫ്ഗാനിസ്ഥാന്' ആണെന്നും നഖ്വി ആരോപിച്ചു. 'തെഹ്രീകെ താലിബാന് പാകിസ്താന് (ഠഠജ), അഫ്ഗാന് താലിബാന്, ദായിശ്, മറ്റ് തീവ്രവാദ സംഘടനകള് എന്നിവയെല്ലാം ഒരുമിച്ച് പ്രവര്ത്തിക്കുകയാണെന്ന് മന്ത്രി പറഞ്ഞു. നിലവില്, 21 തീവ്രവാദ സംഘടനകള് അഫ്ഗാന് കേന്ദ്രമാക്കി പ്രവര്ത്തിക്കുന്നുണ്ട്. നഖ്വി പറഞ്ഞു.
അഫ്ഗാനില് അധികാരം സ്വന്തമാക്കുന്നതിന് പോരാടുന്ന, ജിഹാദി ഗ്രൂപ്പായ ഇസ്ലാമിക് സ്റ്റേറ്റ് ഖൊറാസാന് പ്രൊവിന്സ് (കടഗജ അഥവാ കടകടഗ) ആണ് അഫ്ഗാനിസ്ഥാനിലെ ദായിശ്. തീവ്രമായ ആക്രമണങ്ങള്, സാധാരണക്കാരെ ലക്ഷ്യമിടുന്നത്, പ്രതിയോഗികളായ സൈനികര് (താലിബാന് ഉള്പ്പെടെ) എന്നിവയ്ക്ക് പേരുകേട്ട ഇവര്, പ്രധാനമായും അഫ്ഗാനിസ്ഥാന്റെ കിഴക്കന്, വടക്കന് ഭാഗങ്ങളില് തീവ്രവാദ ആക്രമണങ്ങളിലൂടെ ഭരണം സ്ഥാപിക്കാന് ശ്രമിക്കുന്നു.
https://www.facebook.com/Malayalivartha
