മരിച്ചു മടുത്തപ്പോള്
മിക്കവര്ക്കും ജീവിതത്തില് ഒരിക്കല് മാത്രമേ മരണത്തെ നേരിടേണ്ടി വരികയുള്ളൂ. എന്നാല് ഇവിടെ വര്ഷത്തില് 36 തവണ മരണം വന്ന് വിളിച്ചിട്ടും മരണം തന്നെ നാണിച്ചുപോയ ഒരാള് അതാണ് സാറ. ഈ യുവതി ഒരു വര്ഷം 36 തവണ മരിക്കും, ഒരു മിനിറ്റ് ശ്വാസവും ഹൃദയമിടിപ്പും നിലച്ചിട്ടും ഇവള് ജീവിത്തിലേക്കു തന്നെ മടങ്ങും
ഇരുപത്തിയൊന്നുകാരിയായ സാറ ബ്രോട്ടിഗാമിന് മരണം എന്നത് പനിപോലെ വന്നു പോകുന്ന ഒരു രോഗം മാത്രമാണ് ഒരു വര്ഷത്തിനിടെ സാറ 36 തവണയാണ് മരിച്ച് വീണ്ടു ജീവിത്തിലേക്കു തന്നെ മടങ്ങിയെത്തിയിട്ടുള്ളത്. പോസ്ട്രല് ഓര്ത്തോസ്റ്റാറ്റിക് ടച്ചികാര്ഡിയ സിന്ഡ്രോം എന്ന അപൂര്വ്വ രോഗത്തിനടിമയായ സാറയുടെ ക്ലിനിക്കല് മരണം സ്ഥിരീകരിച്ച് സ്ഥിരീകരിച്ച് ഡോക്ടര്മാര് കുഴങ്ങിയിരിക്കുകയാണിപ്പോള്. ഹൃദയമിടിപ്പ് ക്രമാതീതമായി ഉയരുന്നതാണ് സാറയുടെ ഹൃദയം പണിമുടക്കാന് കാരണമാകുന്നത്. രക്തസമ്മര്ദ്ദവും കൂടുന്നതോടെ ഹൃദയവും ശ്വാസവും നിലച്ച് മരിച്ചെന്ന് ഡോക്ടര്മാരും വിധിയെഴുതും. എന്നാല് ഒരു പരിശ്രമത്തിലൂടെ ഇതേ ഡോക്ടര്മാര് തന്നെ സാറയെ ജീവിത്തിലേക്ക് വീണ്ടും എഴുന്നേല്പ്പിക്കുന്നു.
നിലച്ച ഹൃദയം വീണ്ടും പ്രവര്ത്തിക്കുന്ന വൈദ്യശാസ്ത്ര രംഗത്തെ അപൂര്വ്വ അത്ഭുതമായി ജീവിക്കുകയാണിപ്പോള് സാറ. നാലു വര്ഷം മുമ്പാണ് സാറയ്ക്ക് ഈ രോഗം സ്ഥിരീകരിച്ചത്. പലതവണയായുണ്ടായ മരണങ്ങളില് നിന്നും സാറയെ പുനരുജ്ജീവിപ്പിക്കുന്ന അപൂര്വ്വ വീഡിയോയും ഇപ്പോള് പുറത്തു വന്നിരിക്കുന്നു. മൂന്ന് വര്ഷം മുമ്പുണ്ടായ ഒരു മരണത്തില് നിന്നും സാറയെ രക്ഷിച്ചെടുക്കുന്ന വീഡിയോ ആണിത്. ഈ രോഗാവസ്ഥ സംബന്ധിച്ച കുടുതല് അവബോധമുണ്ടാക്കാനായി സാറയുടെ സമ്മതത്തോടെയാണ് വീഡിയോ ഇപ്പോള് പരസ്യപ്പെടുത്തിയിരിക്കുന്നത്.
\'ഇതൊരു ചെറിയ അറ്റാക്കായിരുന്നു. ഇവിടെ ഡോക്ടര്മാര്ക്ക് സിപിആര് ഉപയോഗിക്കാന് കഴിയില്ല. കാരണം ഹൃദയത്തില് നിറഞ്ഞ രക്തത്തെ സിരകളിലേക്ക് തിരിച്ചുവിട്ട് ഹൃദയമിടിപ്പ് തിരിച്ചുപിടിക്കുകയായണ് സിപിആര് ചെയ്യുന്നത്. എന്റെ കാര്യത്തില് രക്തം കാലുകളിലാണ് കെട്ടിക്കിനില്ക്കുന്നത്. ഇത് തിരികെ ഹൃദയത്തിലേക്ക് എത്താന് വഴിയൊരുക്കുമ്പോഴാണ് എന്റെ ഹൃദയം വീണ്ടു പ്രവര്ത്തിക്കുന്നത്,\' സാറ തന്റെ രോഗാവസ്ഥ വിശദീകരിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
