ഉത്തരാഫ്രിക്കന്‍ രാജ്യമായ ടുണീഷ്യയുടെ തലസ്ഥാനമായ ടുണിസിലെ ബാര്‍ഡോ മ്യൂസിയത്തില്‍ അക്രമികള്‍ നടത്തിയ വെടിവയ്പിനെ പ്രധാനമന്ത്രി നരേന്ദ്ര മോഡി അപലപിച്ചു. ട്വിറ്ററിലൂടെയാണു പ്രധാനമന്ത്രി അനുശോചനം രേഖപ്പെടുത്തിയത്. ടുണീഷ്യയിലെ ജനങ്ങളുടെ ദുഖത്തില്‍ ഞാന്‍ പങ്കുചേരുന്നു. എത്രയും വേഗം സാധാരണ ജീവിതത്തിലേക്കു മടങ്ങിവരാന്‍ ടുണീഷ്യക്കു കഴിയട്ടെയെന്നും മോഡി ട്വിറ്ററില്‍ കുറിച്ചു.ഭീകരാക്രമണത്തില്‍ 19 പേര്‍ മരിച്ചതായാണ് റിപ്പോര്‍ട്ട്. ആക്രമണത്തെത്തുടര്‍ന്നു പാര്‍ലമെന്റ് മന്ദിരം പൂര്‍ണമായി ഒഴിപ്പിച്ചു. ബാര്‍ഡോ മ്യൂസിയം ലക്ഷ്യംവച്ചുള്ള ഭീകരാക്രമണമാണിതെന്ന് ആഭ്യന്തര മന്ത്രാലയ വക്താവ് മുഹമ്മദ് അലി ഔറി മാധ്യമങ്ങളോടു പറഞ്ഞു. ആക്രമണം നടത്തിയവരില്‍ രണ്ടു പേരെ സൈന്യം വധിച്ചു. ജര്‍മനി, ഹോളണ്ട്, സ്‌പെയിന്‍ തുടങ്ങിയ രാജ്യങ്ങളില്‍നിന്നുള്ളവരാണു മരിച്ചവരിലേറെയും. പലരും വിനോദ സഞ്ചാരികള്‍. 22 പേര്‍ക്കു പരുക്കേറ്റതായും വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നു. മ്യൂസിയത്തില്‍നിന്നു വിനോദ സഞ്ചാരികളെ പൂര്‍ണമായി ഒഴിപ്പിച്ചു. പ്രദേശം പൂര്‍ണമായി സുരക്ഷാ ഉദ്യോഗസ്ഥരുടെ നിയന്ത്രണത്തിലാണ്. ആക്രമണം നടക്കുമ്പോള്‍ പാര്‍ലമെന്റ് സമ്മേളിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha