പാക് ഭീകരസംഘടനകള് ആസ്ഥാനം ഇന്ത്യയിലേക്ക് മാറ്റുമെന്ന് യുഎസ് സൈനിക വിദഗ്ധന്
ലഷ്കറെ തയിബ ഉള്പ്പെടെ പാക്കിസ്ഥാന് ആസ്ഥാനമായി പ്രവര്ത്തിക്കുന്ന ഭീകരസംഘടനകള് അവരുടെ പ്രവര്ത്തനത്തിന്റെ ഊന്നല് അഫ്ഗാനിസ്ഥാനില്നിന്ന് ഇന്ത്യയിലേക്കു മാറ്റുമെന്ന് യുഎസ് സൈനിക വിദഗ്ധന്.
യുഎസിന്റെ പസിഫിക് കമാന്ഡര് സാമുവല് ജെ. ലോക്ലിയര് യുഎസ് ജനപ്രതിനിധിസഭാംഗങ്ങളോടു ഭീകരസംഘടനകളുടെ ഭാവിപരിപാടികളെക്കുറിച്ചു വിശദീകരിക്കുന്നതിനിടെയാണ് ഇന്ത്യന് ഉപഭൂഖണ്ഡം അവരുടെ കേന്ദ്രമാകാനുള്ള സാധ്യതയിലേക്കു വിരല് ചൂണ്ടിയത്. അടുത്ത മൂന്നുവര്ഷംകൊണ്ടു പാശ്ചാത്യ സൈന്യം പൂര്ണമായും അഫ്ഗാനിസ്ഥാന് വിടും. ഇതിന് ആനുപാതികമായാണു ഭീകരരുടെ ആക്രമണത്തിന്റെ കുന്തമുന ഇന്ത്യന് ഉപഭൂഖണ്ഡത്തിലേക്കു തിരിയുകയെന്നും അദ്ദേഹം വിശദീകരിച്ചു.
ഇറാഖിലും സിറിയയിലും ഇസ്ലാമിക് സ്റ്റേറ്റിന്റെ ഭീകരപ്രവര്ത്തനങ്ങളില് പങ്കാളികളായി ഇപ്പോള് 1300 വിദേശികള് ഉണ്ട്. ഇവര് അവിടത്തെ പരിപാടികള് അവസാനിപ്പിച്ചു സ്വന്തം നാടുകളിലേക്കു മടങ്ങിയാല് പ്രാദേശികതലത്തില് ഭീകരപ്രവര്ത്തനങ്ങള് സംഘടിപ്പിച്ചു നടപ്പാക്കാന് ശ്രമിച്ചേക്കുമെന്നും ലോക്ലിയര് മുന്നറിയിപ്പു നല്കി.അടുത്ത വര്ഷത്തോടെ അഫ്ഗാനിസ്ഥാനില്നിന്നു യുഎസ് നേതൃത്വത്തിലുള്ള സൈന്യം പിന്മാറിത്തുടങ്ങുന്നതോടെയാണു ഭീകരര് ഇന്ത്യയില് കേന്ദ്രീകരിക്കുകയെന്നു യുഎസ് സൈനിക വിദഗ്ധന് വിലയിരുത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
