ലോക്ഡൗണ്‍ ഇളവുകള്‍ക്കിടെ ജനങ്ങള്‍ ജാഗ്രത പാലിക്കുന്നില്ലെങ്കില്‍ സെപ്റ്റംബറിനു മുന്‍പ് ജര്‍മനിയില്‍ രണ്ടാം ഘട്ട രോഗം പടരുമെന്ന് ആരോഗ്യവിദഗ്ധര്‍ മുന്നറിയിപ്പു നല്‍കി. ജര്‍മനിയില്‍ ഇതുവരെ 1.68 ലക്ഷം പേര്‍ക്കു കോവിഡ് ബാധിച്ചു.

ബ്രസീല്‍ : സാവോ ലൂയിസ് നഗരത്തില്‍ മാത്രമാണു ലോക് ഡൗണ്‍. പ്രസിഡന്റ് ജയ്ര്‍ ബൊല്‍സൊനാരോയുടെ വക്താവിനും കോവിഡ്. ഇതിനകം ദേശീയ സുരക്ഷാ ഉപദേഷ്ടാവ് അടക്കം ബൊല്‍സൊനാരോയുടെ 20-ല്‍ ഏറെ മുതിര്‍ന്ന ഉദ്യോഗസ്ഥര്‍ക്കു രോഗം ബാധിച്ചിട്ടുണ്ട്. ആകെ രോഗികള്‍ 1.26 ലക്ഷം. 24 മണിക്കൂറിനിടെ 10,000 രോഗികള്‍. ആകെ മരണം 8,000 കവിഞ്ഞു. ആമസോണ്‍ മേഖലയിലെ 600-ല്‍ 180 ആദിവാസി വിഭാഗങ്ങള്‍ക്കിടയിലും രോഗം പടര്‍ന്നു.

യുഎസ് : വാഷിങ്ടന്‍ സംസ്ഥാനത്തു വൈറസ് പരത്തുക എന്ന ലക്ഷ്യത്തോടെ 'കോവിഡ്19 വിരുന്നുകള്‍' സംഘടിപ്പിക്കുന്നുവെന്ന റിപ്പോര്‍ട്ടുകള്‍. ഇത്തരം പാര്‍ട്ടികളില്‍ രോഗമുളളവരുമായി രോഗമില്ലാത്തവര്‍ ബോധപൂര്‍വം ഇടപഴകി രോഗം വരുത്തുന്നതിനെതിരെ അധികൃതര്‍ മുന്നറിയിപ്പു നല്‍കി.

ഏഷ്യ : ആകെ രോഗികള്‍ 6.11 ലക്ഷം. ആകെ മരണം 20,000 കവിഞ്ഞു.

യൂറോപ്പ് : ആകെ രോഗികള്‍ 15 ലക്ഷം കവിഞ്ഞു. മരണം 1.47 ലക്ഷം കവിഞ്ഞു.

ആഫ്രിക്ക: ആകെ രോഗികള്‍ 53,148. മരണം 2024. ഏറ്റവും കൂടുതല്‍ രോഗികളുള്ള രാജ്യങ്ങള്‍ ദക്ഷിണാഫ്രിക്ക (7808), ഈജിപ്ത് (7588), മൊറോക്കോ (5505).

റഷ്യ : 11,231 രോഗികള്‍ കൂടി, ആകെ 1.77 ലക്ഷം രോഗബാധിതര്‍. മരണം 1625. കൂടുതല്‍ രോഗികളുള്ള രാജ്യങ്ങളില്‍ അഞ്ചാമത്.
ചൈന : കോവിഡ് ഉറവിടം കണ്ടെത്താനുള്ള ലോകാരോഗ്യ സംഘടനയുടെ ശ്രമങ്ങള്‍ക്കു പിന്തുണ.

ഇംഗ്ലണ്ടില്‍ വെള്ളക്കാര്‍ക്കിടയില്‍ താരതമ്യേന മരണനിരക്കു കുറവാണെന്നും മരിക്കുന്നവരേറെയും കറുത്തവരും ഇന്ത്യന്‍, ബംഗ്ലദേശ്, പാക്ക് ബന്ധമുള്ളവരാണെന്നും യൂണിവേഴ്‌സിറ്റി കോളജ് ലണ്ടന്‍ (യുസിഎല്‍) പഠനം.