റഷ്യയില്‍ പണമില്ലെങ്കിലും മോഹങ്ങള്‍ക്ക് കുറവൊന്നുമില്ല എന്നതാണ് യാഥാര്‍ത്ഥ്യം. കടക്കെണിയിലാണെങ്കിലും അതിമോഹവുമായാണ് പ്രസിഡന്റ് വ്‌ളാഡിമിര്‍ പുടിന്റെ ഇപ്പോഴത്തെ യാത്ര. നയപൈസ ഇല്ലെങ്കില്‍ പോലും ആഡംബര വിമാനങ്ങളും സുഖസൗകര്യങ്ങളും പുടിന് വേണമെന്നാണ് ആഗ്രഹം. കാശില്ലാതെ മുങ്ങി താഴുമ്പോള്‍ പുടിന് ആകാശസുഖവാസത്തിന് ഇപ്പോള്‍ അതിയായ ആഗ്രഹമാണുള്ളത്.

യുഎസ് പ്രസിഡന്റ് ബറാക് ഒബാമയുടെ എയര്‍ഫോഴ്‌സ് വണ്‍ എന്ന ഔദ്യോഗിക വിമാനം കിട്ടിയാല്‍ കൊള്ളമെന്നാണ് പുടിന് ഇപ്പോള്‍ അതിയായ ആഗ്രഹവും. അത് കൂടാതെ രണ്ടു സ്വകാര്യ ആഡംബര വിമാനങ്ങള്‍ സ്വന്തമാക്കാന്‍ തീരുമാനിച്ചിരിക്കുകയാണ് പുടിന്‍ ഇപ്പോള്‍. അതും വില കേട്ടാല്‍ എല്ലാവരും ഒന്ന് ഞെട്ടും . രണ്ടിനും കൂടി വില \'വെറും പത്തു കോടി പൗണ്ട് ആണ്. (920 കോടി ഇന്ത്യന്‍ രൂപ).

ഐഎല്‍-96-300 എന്ന വിമാനത്തിന് 4.4 കോടി പൗണ്ടും ഐഎല്‍-96-300-പിയു വിമാനത്തിന് 6.1 കോടി പൗണ്ടുമാണു വില എന്നാണ് സൂചന. അടുത്തിടെ ഒരു റഷ്യന്‍ ബ്ലോഗെഴുത്തുകാരന്‍ വിമാനത്തിലെ സുഖസൗകര്യങ്ങളുടെ ചിത്രങ്ങള്‍ പുറത്ത് വിട്ടതോടെയാണ് ലോകം ഈക്കാര്യം അറിയുന്നത്. യുക്രൈനുമായി സംഘര്‍ഷത്തിലായിട്ടും പുടിന് ആഗ്രഹത്തിന് കുറവൊന്നുമില്ല.

ജനത്തിന്റെ നികുതിപ്പണം കൊണ്ട് പുടിന് എങ്ങനെയെങ്കിലും സുഖയാത്ര നടത്തണമെന്നാണ് ലക്ഷ്യം. വെളുത്ത ലെതര്‍ കസേരകളും കിങ് സൈസ് കിടക്കകളും അത്യന്താധുനിക ജിംനേഷ്യവും മാത്രമല്ല ആഡംബര അടുക്കളയും കോണ്‍ഫറന്‍സ് മുറികളുമൊക്കെയാണ് ഐഎല്‍-96 വിമാനങ്ങളുടെ സവിശേഷത. ഈ വര്‍ഷം അവസാനത്തോടെ വിമാനങ്ങള്‍ സ്വന്തമാക്കാന്‍ കഴിയുമെന്നാണ് സൂചന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha