വീസ കാലാവധി കഴിഞ്ഞവര്‍ ഓഗസ്റ്റ് 18-നകം യുഎഇ വിടണം
21 MAY 2020 07:20 AM IST
മലയാളി വാര്‍ത്ത
യുഎഇ-യില്‍ വീസ കാലാവധി കഴിഞ്ഞ് തങ്ങുന്ന വിദേശികള്‍ ഓഗസ്റ്റ് 18-നകം രാജ്യം വിടണമെന്ന നിയമം കഴിഞ്ഞ തിങ്കളാഴ്ച പ്രാബല്യത്തിലായി. പിഴ ഇല്ലാതെ രാജ്യം വിടാന്‍ ഡിസംബര്‍ വരെ അനുവദിച്ച സമയപരിധി വെട്ടിക്കുറച്ചാണ് തീരുമാനം.
ഈ വര്‍ഷം മാര്‍ച്ച് ഒന്നിനു മുന്‍പു സ്‌പോണ്‍സര്‍മാരില്‍ നിന്ന് ഒളിച്ചോടിയവര്‍ക്കും തൊഴില്‍ കരാര്‍, ലേബര്‍ കാര്‍ഡ് നിയമ ലംഘകര്‍ക്കും അവസരം ഉപയോഗപ്പെടുത്താം. സന്ദര്‍ശക, താമസ വീസ കാലാവധി കഴിഞ്ഞവര്‍ക്ക് ഈ കാലയളവില്‍ രാജ്യം വിടാം.
കാലാവധി കഴിഞ്ഞ തിരിച്ചറിയല്‍ കാര്‍ഡ്, വീസ എന്നിവയുടെ പിഴ ഒഴിവാക്കിയിട്ടുണ്ട്. ഇളവു പ്രയോജനപ്പെടുത്തി യുഎഇയില്‍നിന്നു മടങ്ങുന്നവര്‍ക്ക് പുതിയ വീസയില്‍ തിരിച്ചുവരാന്‍ തടസ്സമില്ലെന്നും അധികൃതര്‍ വ്യക്തമാക്കി. എന്നാല്‍, മറ്റു വീസകളിലേക്കു മാറുന്നവര്‍ നിയമലംഘന കാലയളവിലെ പിഴ അടയ്ക്കണം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
