കലൂർ ജവഹർലാൽ നെഹ്‌റു സ്‌റ്റേഡിയത്തിൽ ഐഎസ്എൽ ഫുട്‌ബോൾ പോരാട്ടം നടക്കുന്നതിനാൽ നഗരത്തിൽ നാളെ ഗതാഗത നിയന്ത്രണമുണ്ടാകും.

പശ്ചിമ കൊച്ചി, വൈപ്പിൻ ഭാഗങ്ങളിൽ നിന്നു വരുന്ന വാഹനങ്ങൾ ചാത്യാത്ത് റോഡരികിലും പറവൂർ, തൃശൂർ, മലപ്പുറം എന്നിവിടങ്ങളിൽ നിന്നു വരുന്ന വാഹനങ്ങൾ ആലുവ ഭാഗത്തും കണ്ടെയ്‌നർ റോഡരികിലും ഇടുക്കി, കോട്ടയം, പെരുമ്പാവൂർ തുടങ്ങി കിഴക്കൻ മേഖലകളിൽ നിന്നു വരുന്ന വാഹനങ്ങൾ തൃപ്പൂണിത്തുറ, കാക്കനാട് ഭാഗങ്ങളിലും ആലപ്പുഴ ഭാഗത്തു നിന്നു വരുന്ന വാഹനങ്ങൾ കുണ്ടന്നൂർ, വൈറ്റില മേഖലകളിലും പാർക്ക് ചെയ്യണം.

വൈകുന്നേരം 5നു ശേഷം എറണാകുളം ഭാഗത്തു നിന്നു ഇടപ്പള്ളി, ചേരാനല്ലൂർ, ആലുവ, കാക്കനാട് ഭാഗങ്ങളിലേക്ക് പോകേണ്ട വാഹനങ്ങൾ കലൂർ ജങ്ഷനിൽ നിന്നു ഇടത്തോട്ടു തിരിഞ്ഞു പൊറ്റക്കുഴി- മാമംഗലം റോഡ്, ബിടിഎസ് റോഡ്, എളമക്കര റോഡ് എന്നിവ വഴി ഇടപ്പള്ളിയിൽ എത്തിയും വൈകുന്നേരം 5നു ശേഷം ചേരാനല്ലൂർ, ഇടപ്പള്ളി, ആലുവ, കാക്കനാട്, പാലാരിവട്ടം ഭാഗത്തു നിന്നു എറണാകുളം ഭാഗത്തേക്കു പോകേണ്ട വാഹനങ്ങൾ വൈറ്റില ജങ്ഷൻ, എസ്എ റോഡ് വഴിയും യാത്ര ചെയ്യേണ്ടതാണ്.

ഹെവി വാഹനങ്ങളെ നഗരത്തിലേക്ക് പ്രവേശിപ്പിക്കുകയില്ല. നാളെ മെട്രോ സർവീസ് രാത്രി 11.30 വരെ ഉണ്ടായിരിക്കുന്നതാണ്.