ഇറക്കുമതി തീരുവ വീണ്ടും വര്ധിപ്പിച്ച് ട്രംപ്
ഇറക്കുമതി തീരുവ 10 ശതമാനത്തില് നിന്ന് 15 ശതമാനമായി ഉയര്ത്തി ഡോണള്ഡ് ട്രംപ്. തന്റെ സമൂഹമാധ്യമമായ ട്രൂത്ത് സോഷ്യലിലൂടെയാണ് ട്രംപ് പ്രഖ്യാപനം നടത്തിയത്.
''ഇന്നലെ യുഎസ് സുപ്രീം കോടതി പുറപ്പെടുവിച്ച പരിഹാസ്യവും മോശമായി എഴുതപ്പെട്ടതും അങ്ങേയറ്റം വിരുദ്ധവുമായ വിധി വിശദമായി പരിശോധിച്ചതിന്റെ അടിസ്ഥാനത്തില് ഒരു കാര്യം അറിയിക്കുന്നു. പതിറ്റാണ്ടുകളായി അമേരിക്കയെ ചൂഷണം ചെയ്യുന്ന രാജ്യങ്ങള്ക്ക് മേല് ചുമത്തിയിരുന്ന 10 ശതമാനം തീരുവ, നിയമപരമായി അനുവദിക്കപ്പെട്ട പരമാവധി പരിധിയായ 15 ശതമാനത്തിലേക്ക് ഞാന് ഉയര്ത്തുകയാണ്. ഇത് ഉടനടി പ്രാബല്യത്തില് വരും'' – ട്രംപ് ട്രൂത്ത് സോഷ്യലില് കുറിച്ചു.
അടുത്ത ഏതാനും മാസങ്ങള്ക്കുള്ളില്, നിയമപരമായി അനുവദനീയമായ പുതിയ നികുതി നിരക്കുകള് നിശ്ചയിച്ച് പുറപ്പെടുവിക്കുമെന്നും ട്രംപ് മുന്നറിയിപ്പ് നല്കി. യുഎസ് താല്പര്യം അടിയറവ് വയ്ക്കില്ലെന്നും ട്രംപ് വ്യക്തമാക്കി.
https://www.facebook.com/Malayalivartha
