ആന്ഡ്രിയാസ് ലുബിട്സ് ചില സമയം പ്രേതബാധിതനെപ്പോലെയെയായിരുന്നെന്ന് കാമുകി
വിഷാദരോഗിയായിരുന്ന ജര്മന്വിങ്സ് സഹപൈലറ്റ് വിമാനം താഴ്ന്നു പറത്തി ആല്പ്സ് പര്വതത്തിലിടിച്ചു തകര്ത്തെന്ന ഞെട്ടിക്കുന്ന വാര്ത്തയറിഞ്ഞപ്പോഴാണു ലുബിട്സിന്റെ ക്രൂരപ്രവചനത്തിന്റെ പൊരുള് ആ മുന് കാമുകിക്കു ബോധ്യപ്പെട്ടത്.
സംസാരത്തിനിടെ പെട്ടെന്ന് ലുബിട്സ് അക്രമസ്വഭാവം കാട്ടും. ഒരിക്കല് ബാത്ത്റൂമില് ഏറെനേരം പൂട്ടിയിടുകപോലും ചെയ്തു. പ്രവചനാതീതമായ സ്വഭാവത്തോടു പൊരുത്തപ്പെടാനാകാതെ വന്നപ്പോഴാണു മരിയ ആ \'കൊലയാളിയില്നിന്നു രക്ഷപ്പെട്ടോടിയത്. മാനസികവിഭ്രാന്തിക്കു ചികില്സയിലാണെന്ന് അലസമായി പറഞ്ഞുപോയതല്ലാതെ രോഗവിവരങ്ങള് തന്നോടൊരിക്കലും വെളിപ്പെടുത്തിയിരുന്നില്ലെന്നാണ് ഒരു ജര്മന് പത്രത്തോടു മരിയയുടെ വെളിപ്പെടുത്തല്. ജോലിക്കു പോകരുതെന്ന് ഡോക്ടര്മാര് നിര്ദേശിച്ച കാലഘട്ടത്തില് അപകടം നടന്ന ദിവസവും ഉള്പ്പെട്ടിരുന്നെന്നു തെളിയിക്കുന്ന ആശുപത്രി രേഖകള് ലുബിട്സിന്റെ ഫലാറ്റില്നിന്നു കണ്ടെടുത്തു.
\'ഒരു ദിവസം ഞാനതു ചെയ്യും: ലോകം എന്നുമെന്നെ ഓര്മിക്കാനുള്ള ഹീനമായ കൃത്യം- മരിയയുടെ പ്രണയമിഴികളിലേക്കു നോക്കി ഇടയ്ക്കിടെ ഇങ്ങനെ പറയുമ്പോഴെല്ലാം ആന്ഡ്രിയാസ് ലുബിട്സ് പ്രേതബാധിതനെപ്പോലെയായിരുന്നു. സ്നേഹം കൊതിക്കുന്ന മൃദുസ്വഭാവിയായ കാമുകന് പൈലറ്റ് ജോലിയെക്കുറിച്ചു സംസാരിക്കുമ്പോള് രോഷാകുലനും പ്രതികാരദാഹിയുമായി മാറിയത് ജര്മന്വിങ്സില് തന്നെ വിമാനജീവനക്കാരിയായ ആ വനിതയെ വല്ലാതെ ഭയപ്പെടുത്തിയിരുന്നു.
പൈലറ്റ് ജോലി നഷ്ടമാകുമെന്ന ഭയംമൂലം ഇയാള് രോഗവിവരം സമര്ഥമായി മറച്ചുവയ്ക്കുകയായിരുന്നു. വിഷാദരോഗിയെന്നു ചൂണ്ടിക്കാട്ടി പൈലറ്റ് പരിശീലനകാലത്ത് പലതവണ തരംതാഴ്ത്തിയ ചരിത്രമുണ്ടായിട്ടു പോലും ലുഫ്താന്സയും ജര്മന്വിങ്സും ഇയാളെ വിമാനം പറത്താന് അനുവദിച്ചതില് വിമര്ശനമുയര്ന്നിട്ടുണ്ട്. ഫ്രഞ്ച് ആല്പ്സില് അപകടം നടന്ന പ്രദേശം കുട്ടിക്കാലം മുതല് ലുബിട്സിനു പരിചിതമായിരുന്നെന്ന വിവരവും പുറത്തുവന്നിട്ടുണ്ട്. ഇവിടത്തെ ഗ്ലൈഡിങ് ക്ലബ്ബില് അംഗമായിരുന്ന ഇയാള്, 1996നും 2003നുമിടയ്ക്ക് കുടുംബാംഗങ്ങള്ക്കൊപ്പം സ്ഥിരസന്ദര്ശകനുമായിരുന്നു. വിമാനജീവനക്കാരനായി ഒരു വര്ഷം ജോലി ചെയ്തതിനുശേഷമാണ് പൈലറ്റായതെന്നതു ചൂണ്ടിക്കാട്ടി സഹപ്രവര്ത്തകര് ഇയാളെ നിരന്തരം കളിയാക്കിയിരുന്നെന്നും പറയുന്നു.
ഏപ്രില് 17ന് ജര്മനിയില് ദേശീയ അനുസ്മരണച്ചടങ്ങ് സംഘടിപ്പിക്കും. പശ്ചിമ ജര്മനിയിലെ ദേവാലയത്തില് നടക്കുന്ന ചടങ്ങില് ജര്മന് ചാന്സലര് അംഗല മെര്ക്കലും പങ്കെടുക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
