മലയാളികള് ഉള്പ്പടെയുള്ള ഇന്ത്യക്കാരെ രക്ഷിക്കാനുള്ള മോഡിയുടെ പദ്ധതിയുമായി വികെ സിങ്ങ് യെമനില്, സഹായം വാഗ്ദാനം ചെയ്ത് സൗദിഅറേബ്യ
യെമനില് കുടുങ്ങിയ ഇന്ത്യക്കാരെ രക്ഷിക്കുന്നതിന് അയല്രാജ്യമായ സൗദി അറേബ്യയുടെ സഹായം ഇന്ത്യ അഭ്യര്ത്ഥിച്ചു. ഇതു സംബന്ധിച്ച് പ്രധാനമന്ത്രി നരേന്ദ്ര മോദി സൗദി രാജാവുമായി ഫോണില് ചര്ച്ച നടത്തി. ആഭ്യന്തര സംഘര്ഷം രൂക്ഷമായ യെമനിലെ ഹുതി വിമതര്ക്കെതിരെ സൗദി വ്യോമാക്രമണം നടത്തിവരികയാണ്. വ്യോമാക്രമണത്തിനിടെ രക്ഷാപ്രവര്ത്തനം ദുസഹമാകുമെന്നതിനാലാണ് ഇന്ത്യ സൗദിയുടെ സഹായം തേടിയത്. ദിവസേന മൂന്ന് മണിക്കൂര് വിമാന സര്വീസിന് യെമന് ഇന്ത്യയ്ക്ക് അനുമതി നല്കിയിട്ടുണ്ട്.
അതേസമയം, യെമനില് കുടുങ്ങിയ ഇന്ത്യക്കാരെ ആഫ്രിക്കന് രാജ്യമായ ജിബൂട്ടിയിലേക്ക് എത്തിക്കാനുള്ള ദൗത്യത്തിനു കേന്ദ്രസര്ക്കാര് പദ്ധതി തയാറാക്കി. ഇതിനായി പ്രാദേശിക കപ്പല് തയാറാക്കിയതായി കേന്ദ്രവിദേശകാര്യമന്ത്രാലയം അറിയിച്ചു. 400 പേരെ കയറ്റാവുന്ന കപ്പലാണിത്. ഏഡന് - ജിബൂട്ടി കടല്പ്പാതയില് കപ്പല് ഒന്നിലധികം തവണ സര്വീസ് നടത്തി പരമാവധി ഇന്ത്യക്കാരെ സുരക്ഷിതസ്ഥാനത്തെത്തിക്കാന് കഴിയുമോ എന്നാണു ശ്രമിക്കുന്നത്. ശ്രമങ്ങള് ഏകോപിപ്പിക്കാനായി വിദേശകാര്യസഹമന്ത്രി വി.കെ.സിങ് ഇന്നു ജിബൂട്ടിയിലെത്തും.
ഇന്ത്യക്കാരുടെ പാസ്പോര്ട്ട് സ്പോണ്സറുടെ കൈവശമാണെങ്കില് പകരം രാജ്യംവിടാനുള്ള അടിയന്തിര അനുമതിപത്രം നല്കാന് ഉടന്നടപടി സ്വീകരിക്കാന് സര്ക്കാര് യെമനിലെ ഇന്ത്യന് എംബസിക്കു നിര്ദേശം നല്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
