താലിബാന് അഫ്ഗാനില് പാക് ഭീകരരെ പരിശീലിപ്പിക്കുന്നു... ഇന്ത്യയ്ക്കെതിരെ ആക്രമണം നടത്തുക എന്ന ലക്ഷ്യവുമായി പാക് ഭീകരര് അപ്ഗാനില് പരിശീലനം നേടുന്നതായി റിപ്പോര്ട്ട്
കഴിഞ്ഞ ദിവസമാണ് പാക് ഭീകരന്മാര് നടത്തിയ രണ്ടു നുഴഞ്ഞുകയറ്റ ശ്രമം ഇന്ത്യന് സൈന്യം വിഫലമാക്കി. അതിര്ത്തിയിലെ ഭീകരത്താവളം തകര്ത്ത സൈന്യം 13 ഭീകരരെ വധിച്ചതായി സൈന്യം അറിയിച്ചു. ഇപ്പോഴിതാ ഇന്ത്യയ്ക്കെതിരെ ആക്രമണം നടത്തുക എന്ന ലക്ഷ്യവുമായി പാക് ഭീകരര് അപ്ഗാനില് പരിശീലനം നേടുന്നതായി റിപ്പോര്ട്ട്.. പാക് ഭീകര സംഘടനകളാണ് താലിബാന്റെ പിന്തുണയോടെ തീവ്രവാദികള്ക്ക് അഫ്ഗാനില് വെച്ച് പ്രത്യേക പരിശീലനം നല്കുന്നതെന്ന് യു.എന് മുന്നറിയിപ്പ് നല്കി.. യു.എന് രക്ഷാസമിതിയാണ് റിപ്പോര്ട്ട് പുറത്തുവിട്ടത്. ജയ്ഷെ മുഹമ്മദ്, ലഷ്കര് ഇ തൊയ്ബ തുടങ്ങിയ സംഘടനകളാണ് അംഗങ്ങളെ അഫ്ഗാനിസ്താനിലയച്ച് പരിശീലിപ്പിക്കുന്നത്. നിയന്ത്രണ രേഖയ്ക്കടുത്തുള്ള പൂഞ്ച് ജില്ലയിലെ മെന്ധാര് സെക്ടറിലാണ് ഇന്ത്യന് സൈന്യം ഭീകരന്മാരെ നേരിട്ടത്.
ഭീകരന്മാര്ക്ക് പിന്തുണ നല്കുന്ന പാക് സൈനികര് പലതവണ വെടിനിര്ത്തല് ലംഘനം നടത്തിയതിനെ തുടര്ന്നാണ് പ്രത്യാക്രമണം നടത്തേണ്ടിവന്നതെന്ന് ഇന്ത്യന് സൈന്യം വക്തമാക്കി. 10നും 15നും ഇടയിലുള്ള എണ്ണത്തില് ഭീകരര് നുഴഞ്ഞുകയറാന് നിന്നതാണ് ഇന്ത്യന് സേന പരാജയപ്പെടുത്തിയത്. ഐ.ഇ.ഡി ( ഇംപ്രൊവൈസ്ഡ് എക്സ്പ്ലോസീവ് ഡിവൈസ്) ഉപയോഗിച്ച് ആക്രമണം നടത്തുന്നതില് ഉള്പ്പെടെയുള്ള പരിശീലനം ഇവര്ക്ക് നല്കുന്നത്. സുരക്ഷാ ഉദ്യോഗസ്ഥര്, സര്ക്കാര് ഉദ്യോഗസ്ഥര് എന്നിവരെ ലക്ഷ്യമിട്ടുള്ള ആക്രമണങ്ങള് നടത്താനുള്ള പരിശീലനമാണ് ഇവര്ക്ക് ലഭിക്കുന്നത്.
താലിബാനാണ് ഇവര്ക്ക് പരിശീലനം നല്കുന്നതെന്നാണ് റിപ്പോര്ട്ടില് പറയുന്നത്. താലിബാന് കേന്ദ്രങ്ങളായ മോമന്ദ് ദാര, ദുര് ബാബ, ഷെര്സാദ് എന്നീ ജില്ലകളിലാണ് ഇവര്ക്ക് പരിശീലനം നല്കുന്നത്. ഏകദേശം 800 മുതല് 1000 വരെ ഭീകരര് ഇവിടെ പരിശീലനം നേടുന്നുണ്ടെന്നാണ് കരുതുന്നത്. കുനാര്, നൂരിസ്താന് എന്നീ പ്രവിശ്യകളില് . തെഹ്രിക് ഇ താലിബാന് പാകിസ്താന്, ജെയ്ഷെ മുഹമ്മദ്, ലഷ്കര് ഇ തോയ്ബ തുടങ്ങിയ സംഘടനകള്ക്കും താലിബാന് പരിശീലനം നേടുന്നതായി റിപ്പോര്ട്ടില് പറയുന്നു.
ഭീകരന്മാരെ ഇന്ത്യയിലേക്ക് കടത്തിവിടാന് പാകത്തിന് പാക് സൈന്യം നിയന്ത്രണ രേഖയ്ക്കടുത്ത് വെടിയുതിര്ത്ത് പ്രകോപനം സൃഷ്ടിക്കുന്ന രീതി മുന്നേയുള്ളതാണ്. ഇതിനിടെ ഭീകരന്മാര് ഏതു മാര്ഗ്ഗത്തിലൂടെയാണ് കടന്നുകയറുന്നത് എന്നത് കണ്ടുപിടി ക്കാനാകുമ്പോഴാണ് തിരിച്ചടിക്കേണ്ടിവരുന്നത്. ഭീകരന്മാര് ഒരുങ്ങിയിരിക്കുന്ന പ്രത്യേക കേന്ദ്രം കണ്ടു പിടിച്ച് അതിന് നേരെ ശക്തമായ ആക്രമണം നടത്തിയ പ്പോഴാണ് 13 പേരെ വധിക്കാനായതെന്ന് സൈനിക വക്താവ് അറിയിച്ചു. ഇന്നു രാവിലെ നടന്ന മറ്റൊരു ഏറ്റുമുട്ടലില് രജൗറി മേഖലയില് 3 ഭീകരന്മാരെ സൈന്യം വകവരുത്തിയിരുന്നു.
https://www.facebook.com/Malayalivartha