ലഡാക്കില്‍ ഇന്ത്യയും ചൈനയും തമ്മിലുണ്ടായ സംഘര്‍ഷത്തില്‍ പ്രതികരണവുമായി യു.കെ പ്രധാനമന്ത്രി ബോറിസ്​ ജോണ്‍സണ്‍. കിഴക്കന്‍ ലഡാക്കിലുണ്ടായ സംഘര്‍ഷം ഗുരുതരവും ആശങ്കപ്പെടുത്തുന്നതുമാണെന്ന്​ ബോറിസ്​ ജോണ്‍സണ്‍ പറഞ്ഞു. ഹൗസ്​ ഓഫ്​ കോമണ്‍സില്‍ നടന്ന ചോദ്യോത്തരവേളയിലായിരുന്നു പ്രതികരണം നടത്തിയത് .

സാഹചര്യം സൂക്ഷ്​മമായി നിരീക്ഷിക്കുകയാണ്​. ഇരു രാജ്യങ്ങളും തമ്മില്‍ ചര്‍ച്ചകളിലൂടെ പ്രശ്​നം പരിഹരിക്കുകയാണ്​ വേണ്ടതെന്നും പ്രധാനമന്ത്രി പറഞ്ഞു. അതേസമയം, സംഘര്‍ഷ സ്ഥലങ്ങളില്‍ നിന്ന്​ സൈന്യത്തെ പിന്‍വലിക്കാന്‍ ഇന്ത്യയും ചൈനയും തീരുമാനിച്ചിരുന്നു. എങ്കിലും ഇന്ത്യ അതിർത്തിയിൽ വൻ സേനയെ വിന്യസിച്ചിരിക്കുകയാണ്.