ഗല്വാന് നിയന്ത്രണ രേഖയില് കൊല്ലപ്പെട്ട ചൈനീസ് സൈനികരുടെ കുടുംബം ചൈനയെ പ്രതിക്കൂട്ടിലാക്കി; ഒടുവില് നാണക്കേട് മറന്ന് മരിച്ചവര്ക്ക് അനുശോചനം രേഖപ്പെടുത്തി ചൈനീസ് പാര്ട്ടിയുടെ മുഖപത്രം
ഗല്വാന് താഴ്വരയില് അവകാശവാദം ആവര്ത്തിച്ച് ചൈന വീണ്ടും പ്രകോപനം സൃഷ്ടിക്കുകയാണ്. നിയന്ത്രണരേഖ ഗല്വാന് താഴ്വരയ്ക്കു ശേഷമെന്നാണ് ചൈനയുടെ അവകാശവാദം. ഇന്ത്യയാണ് പ്രകോപനമുണ്ടാക്കുന്നതെന്നും ഇന്ത്യയിലെ ചൈനീസ് അംബാസഡറും പറഞ്ഞു. ഈ സാഹചര്യത്തില് പിന്മാറാനുള്ള ഇന്ത്യയുടെ മുന്നറിയിപ്പും ചൈനക്ക് കൊടുത്തിട്ടുണ്ട്
എന്നാല് ഇപ്പോള് മറ്റൊരു പ്രശ്നം ചൈനയില് സൃഷ്ടിക്കപ്പെട്ടിരിക്കുകയാണ്. ഗല്വാന് താഴ്വരയില് യഥാര്ഥ നിയന്ത്രണ രേഖയില് (എല്എസി) ഇന്ത്യന് സേനയുമായുള്ള ഏറ്റുമുട്ടലില് കൊല്ലപ്പെട്ട സൈനികരുടെ കാര്യമൊന്നും പരാമര്ശിക്കാത്തപ്പെടാത്തതിനാല് പ്രതിഷേധമാണ് ജനങ്ങള്ക്ക്. അതിനാല്തന്നെ ആ കുടുംബങ്ങളെ സമാധാനിപ്പിക്കാനുള്ള ശ്രമവുമായി ചൈനരംഗത്ത്. ചൈനീസ് കമ്യൂണിസ്റ്റ് പാര്ട്ടി (സിസിപി) സര്ക്കാരിന്റെ മുഖപത്രമായ ഗ്ലോബല് ടൈംസില് എഡിറ്റര് ഹു ഷിന് എഴുതിയ ലേഖനത്തെ ആസ്പദമാക്കിയാണു വാര്ത്താ ഏജന്സി ഇക്കാര്യം റിപ്പോര്ട്ട് ചെയ്തിരിക്കുന്നത്.
'മരിച്ചവരെ ഏറ്റവും ആദരവോടെയാണു സൈന്യത്തില് പരിഗണിക്കുന്നത്. വിവരങ്ങള് ശരിയായ സമയത്ത് സമൂഹത്തില് റിപ്പോര്ട്ട് ചെയ്യപ്പെടും. നായകന്മാരെ അര്ഹിക്കുന്നതുപോലെ ബഹുമാനിക്കാനും ഓര്മിക്കാനും കഴിയും' ലേഖനത്തില് ചൂണ്ടിക്കാട്ടി. ഇന്ത്യയുടേതില്നിന്ന് വ്യത്യസ്തമായി പീപ്പിള്സ് ലിബറേഷന് ആര്മി (പിഎല്എ) അംഗങ്ങളായ രക്തസാക്ഷികള്ക്ക് ബഹുമാനവും അംഗീകാരവും ലഭിച്ചിട്ടില്ലെന്നതില് അവരുടെ കുടുംബങ്ങള് പ്രകോപിതരാണെന്നു സൂചിപ്പിക്കുന്ന വീഡിയോ പുറത്തുവന്നു രണ്ട് ദിവസത്തിന് ശേഷമാണ് എഡിറ്റോറിയല് പ്രസിദ്ധീകരിച്ചത്.
വിഡിയോ സമൂഹമാധ്യമങ്ങളില് വൈറലായിരുന്നു. ലഡാക്കില് നടന്ന സംഘര്ഷത്തില് ഇരുപതില് താഴെ പിഎല്എ സൈനികര് കൊല്ലപ്പെട്ടുവെന്ന് ഗ്ലോബല് ടൈംസ് സമ്മതിച്ചിട്ടുണ്ടെങ്കിലും ഷി ജിന്പിങ് സര്ക്കാര് ഇക്കാര്യത്തില് കടുത്ത മൗനം പാലിക്കുകയാണ്. പിഎല്എ ഉദ്യോഗസ്ഥര്ക്കും സൈനികര്ക്കും ആദരാഞ്ജലി അര്പ്പിച്ച് ഹു എഴുതി, 'ചൈനയുടെ സുരക്ഷയും അതിര്ത്തിയിലെ ശാന്തതയും അവരെ ആശ്രയിച്ചിരിക്കുന്നു. മരിച്ചയാളെക്കുറിച്ച് ഇതുവരെ ചൈനീസ് സൈന്യം ഒരു വിവരവും പുറത്തുവിട്ടിട്ടില്ല. മുന് സൈനികനും മാധ്യമ പ്രഫഷനലും എന്ന നിലയില്, ഇരു രാജ്യങ്ങളിലും പ്രത്യേകിച്ച് ഇന്ത്യയില് പൊതുജനാഭിപ്രായത്തെ പ്രകോപിപ്പിക്കരുത് എന്ന ലക്ഷ്യത്തോടെയുള്ള ഉചിതമായ നീക്കമാണിതെന്നു മനസ്സിലാക്കുന്നു.'കുറഞ്ഞത് 40 ചൈനീസ് സൈനികര് കൊല്ലപ്പെട്ടുവെന്ന് ഇന്ത്യന് മാധ്യമങ്ങള് അവകാശപ്പെട്ടതിലും 16 ചൈനീസ് സൈനികരുടെ മൃതദേഹങ്ങള് ഇന്ത്യ കൈമാറിയതിനെയും 'ചോദ്യം ചെയ്യാത്ത കിംവദന്തികള്' എന്നാണ് അദ്ദേഹം വിശേഷിപ്പിച്ചത്.
https://www.facebook.com/Malayalivartha
