ഹിലരി ക്ലിന്റണ് ഡെമോക്രാറ്റിക്ക് പാര്ട്ടിയുടെ അടുത്ത പ്രസിഡന്റ് സ്ഥാനാര്ത്ഥി; ഒബാമയുടെ പിന്തുണയും ക്ലിന്റന്റെ ഭാര്യയ്ക്ക്
ലോകത്തെ ഏറ്റവും ശക്തമായ രാജ്യമായ അമേരിക്കയുടെ ഭരണ തലപ്പത്തും സ്ത്രീ സാന്നിധ്യത്തിനുള്ള വഴി തെളിയുന്നു. അടുത്തവര്ഷം നടക്കാനിരിക്കുന്ന അമേരിക്കന് പ്രസിഡന്റ് തെരഞ്ഞെടുപ്പില് ഡെമോക്രാറ്റിക് പാര്ട്ടിയുടെ സ്ഥാനാര്ത്ഥിയായി മുന് അമേരിക്കന് പ്രസിഡന്റ് ബില് ക്ലിന്റന്റെ ഭാര്യ ഹിലരി ക്ലിന്റണ് മത്സരിക്കും. ഹിലരിയുടെ സ്ഥാനാര്ത്ഥിത്വം സംബന്ധിച്ചുള്ള പ്രഖ്യാപനം ഇന്ന് നടക്കും. വിഡിയോയിലൂടെയും സോഷ്യല് മീഡിയയും വഴിയായിരിക്കും ഹിലരിയുടെ സ്ഥാനാര്ത്ഥിത്വം പ്രഖ്യാപിക്കുക. പ്രസിഡന്റ് ബരാക്ക് ഒബാമയുടെയും ലോകത്തെ വന് ധനികരുടെ മുന്പന്തിയിലുള്ള വാറന് ബഫറ്റിന്റെയുമെല്ലാം പിന്തുണയോടെയാണ് ഹിലരി മത്സരരംഗത്ത് ഇറങ്ങുക. അടുത്ത യുഎസ് പ്രസിഡന്റ് ഹിലരിയാകുമെന്നാണ് ബഫറ്റ് നേരത്തെ പ്രവചിച്ചിരുന്നു.
68 കാരിയായ ഹിലരി നേരത്തെ 2008ല് നടന്ന പ്രസിഡന്റ് തെരഞ്ഞെടുപ്പില് മത്സരിക്കുമെന്ന് പ്രഖ്യാപിച്ചിരുന്നെങ്കിലും കൂടുതല് ഡെലിഗേറ്റുകളുടെ പിന്തുണ ലഭിച്ച ബറാക്ക് ഒബാമയെ അമേരിക്കന് പ്രസിഡന്റ് തിരഞ്ഞെടുപ്പില് പിന്തുണക്കുന്നതായി ഹിലരി പ്രഖ്യാപിക്കുകയായിരുന്നു. ഇതിന് ശേഷം 2009 മുതല് ഒബാക്ക് കീഴില് അമേരിക്കയുടെ സ്റ്റേറ്റ് സെക്രട്ടറിയായി തുടര്ന്ന ഹിലരി 2013ലായിരുന്നു പദവിയില് നിന്നും മാറിയിരുന്നത്. ഏറ്റവും കൂടുതല് രാജ്യങ്ങള് സന്ദര്ശിച്ച യുഎസ് സ്റ്റേറ്റ് സെക്രട്ടറി എന്ന റെക്കോര്ഡും ഹിലരിക്കുണ്ട്.
2001 മുതല് 2009 വരെ ന്യൂയോര്ക്കില് നിന്നുള്ള സെനറ്റര്. ന്യൂയോര്ക്കിന്റെ ആദ്യവനിതാ സെനറ്റര് എന്ന റെക്കോര്ഡും സ്വന്തം. യുഎസിലെ ഏറ്റവും പ്രമുഖയായ അഭിഭാഷകരിലൊരാളായിരുന്ന ഹിലരി ഭര്ത്താവ് ബില് ക്ലിന്റണ് പ്രസിഡന്റായിരുന്ന സമയത്ത് പ്രഥമ വനിത എന്ന നിലയില് ഒട്ടെറെ നല്ല കാര്യങ്ങള് ചെയ്ത് ശ്രദ്ധനേടിയിരുന്നു. ഏറെ ജനപിന്തുണയും ഹിലരിക്കുണ്ട്. എല്ലാ മുന്കൂര് സര്വേകളിലും ഏറെ മുന്നിലാണ് ഹിലരി. ദീര്ഘകാലത്തെ ഭരണപരിചയവും ഹിലരിക്ക് തുണയാകും.
ഡെമോക്രാറ്റിക് പാര്ട്ടിയുടെ സ്ഥാനാര്ത്ഥിത്വം നേടി തെരെഞ്ഞെടുപ്പ് നേരിടുന്ന ഹിലരി തെരെഞ്ഞെടുപ്പില് വിജയിച്ചാല് അമേരിക്കയുടെ ആദ്യത്തെ വനിതാപ്രസിഡന്റ് എന്ന പദവി കൂടിയാണ് സ്വന്തമാക്കുക. ഇപ്പോഴത്തെ വൈസ് പ്രസിഡന്റ് ജോ ബൈഡനും ഡമോക്രാറ്റിക് സ്ഥാനാര്ത്ഥിയാകാന് രംഗത്തുണ്ടാകുമെന്നു പ്രഖ്യാപിച്ചിട്ടുണ്ടെങ്കിലും ജനപിന്തുണയില് ഹിലരി തന്നെയാണു മുന്നില്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
