'ഹെല്‍ത്ത് ആന്‍ഡ് കെയര്‍ വിസ' പദ്ധതി: ബ്രിട്ടനില്‍ ഡോക്ടര്‍മാര്‍ക്കും നഴ്സുമാര്‍ക്കും വേഗത്തില്‍ വിസ
ആരോഗ്യമേഖലയിലെ ജീവനക്കാരുടെ കുറവ് പരിഹരിക്കാന്‍ ലക്ഷ്യമിട്ട് ബോറിസ് ജോണ്‍സണ്‍ സര്‍ക്കാര്‍ ബ്രിട്ടനില്‍ പുതിയ വിസാ പദ്ധതി അവതരിപ്പിച്ചു.
'ഹെല്‍ത്ത് ആന്‍ഡ് കെയര്‍ വിസ' എന്നു പേരിട്ടിരിക്കുന്ന പദ്ധതി അടുത്തമാസം മുതല്‍ നടപ്പാക്കുമെന്നാണു സൂചന. ഇന്ത്യ, യൂറോപ്യന്‍ യൂണിയന്‍ ഇതര രാഷ്ട്രങ്ങള്‍ എന്നിവിടങ്ങളില്‍നിന്നുള്ള ഡോക്ടര്‍മാര്‍, നഴ്സുമാര്‍, മറ്റ് ആരോഗ്യജീവനക്കാര്‍ തുടങ്ങിയവര്‍ക്ക് വേഗത്തിലും ചെലവുകുറച്ചും വിസ ലഭ്യമാക്കും. വിസ അപേക്ഷ സമര്‍പ്പിക്കുമ്പോള്‍ ഈടാക്കുന്ന ഇമിഗ്രേഷന്‍ ഹെല്‍ത്ത് സര്‍ച്ചാര്‍ജ് ഇനിമുതല്‍ ആരോഗ്യമേഖലയിലുള്ളവര്‍ക്ക് നല്‍കേണ്ടിവരില്ല.
നിലവില്‍ ബ്രിട്ടനിലുള്ള വിദേശ ആരോഗ്യജീവനക്കാര്‍ മാര്‍ച്ച് 31-നു ശേഷമാണ് ഇമിഗ്രേഷന്‍ ഹെല്‍ത്ത് സര്‍ച്ചാര്‍ജ് അടച്ചിട്ടുള്ളതെങ്കില്‍ ആ പണം തിരിച്ചു നല്‍കാനും തീരുമാനമായിട്ടുണ്ട്. ആഭ്യന്തരസെക്രട്ടറി പ്രീതി പട്ടേല്‍, ആരോഗ്യ സെക്രട്ടറി മാറ്റ് ഹാന്‍കോക്ക് എന്നിവരാണു പുതിയ വിസ പദ്ധതി അവതരിപ്പിച്ചത്.
https://www.facebook.com/Malayalivartha
