60,000 അടി ഉയരെ ശബ്ദത്തേക്കാള്‍ 3 മടങ്ങ് വേഗത്തില്‍ പറക്കാന്‍ മാക്-3 സൂപ്പര്‍സോണിക് .വരുന്നു. വാർത്തെടുക്കാൻ ബഹിരാകാശ ടൂറിസം കമ്പനിയായ വിര്‍ജിന്‍ ഗലാക്ടികും റോള്‍സ് റോയ്‌സും ചേര്‍ന്ന് തയാറെടുക്കുന്നു. ശബ്ദത്തേക്കാള്‍ മൂന്നു മടങ്ങ് അധികവേഗത്തില്‍ സഞ്ചരിക്കുന്ന മാക്-3 സൂപ്പര്‍സോണിക് വിമാനം നിര്‍മിക്കാന്‍ ഒരുങ്ങുന്നു. തിങ്കളാഴ്ചയാണ് ഇതു സംബന്ധിച്ചു പ്രഖ്യാപനം ഇവർ നടത്തിയത്. ശബ്ദത്തേക്കാള്‍ വേഗത്തില്‍ സഞ്ചരിക്കുന്നതാണു സൂപ്പര്‍ സോണിക് വിമാനങ്ങള്‍ . ഈ വിമാനത്തിന്റെ വേഗതയെ സൂചിപ്പിക്കാനാണ് മാക് നമ്പര്‍ ഉപയോഗിക്കുന്നത്. 1976 മുതല്‍ 2003 വരെ മാക്-2വില്‍ സഞ്ചരിച്ചിരുന്ന കോണ്‍കോഡിനേക്കാള്‍ വേഗതയിലാവും പുതിയ മാക്-3 സൂപ്പര്‍സോണിക് വിമാനം പറക്കുക. ഇന്ധനക്ഷമത അമിതശബ്ദം എന്നിവയാണ് ഈ വിമാനങ്ങള്‍ നേരിടുന്ന ഏറ്റവും വലിയ വെല്ലുവിളി. ത്രികോണാകൃതിയിലുള്ള 'ഡെല്‍റ്റ ചിറകു'മായി 9 മുതല്‍ 19 യാത്രക്കാരെ വഹിച്ച് 60,000 അടി ഉയരത്തില്‍ (18,000 മീറ്റര്‍-സാധാരണ വിമാനത്തേക്കാള്‍ രണ്ടിരട്ടി ഉയരെ) പറക്കാന്‍ കഴിയുന്ന വിമാനത്തിന്റെ രൂപകല്‍പനയാണു പുറത്തുവിട്ടിരിക്കുന്നത്.

ഇപ്പോഴത്തെ വിമാനത്താവളങ്ങളില്‍നിന്നു പറന്നുയരാനും തിരിച്ചിറങ്ങാനും ഈ വിമാനത്തിനു കഴിയും. തെര്‍മല്‍ മാനേജ്‌മെന്റ്, അറ്റകുറ്റപ്പണി, ശബ്ദം, മലനീകരണം, സാമ്പത്തിക ബാധ്യത എന്നിവയെക്കുറിച്ചുള്ള ആശങ്കകള്‍ കൃത്യമായി വിശകലനം ചെയ്തുകൊണ്ടിരിക്കുകയാണെന്ന് വിര്‍ജിന്‍ ഗലാക്ടിക് അധികൃതര്‍ പറഞ്ഞു. ശബ്ദരഹിതമായ ഒരു സൂപ്പര്‍സോണിക് പരീക്ഷണ വിമാനം - എക്‌സ്-59 വികസിപ്പിക്കാനുള്ള ഒരുക്കത്തിലാണ് നാസ. ഇതിന്റെ ചെറുമാതൃക ലൊക്കീദ് മാര്‍ട്ടിന്‍ കലിഫോര്‍ണിയയില്‍ തയാറാക്കിയിരുന്നു.