വിമാനത്തില് മാസ്ക് ധരിക്കാന് തയ്യാറാകാതിരുന്ന രണ്ട് യാത്രക്കാരെ സഹയാത്രികര് മര്ദ്ദിച്ച് അവശരാക്കി
ആംസ്റ്റര്ഡാമില് നിന്ന് ഇബിസയിലേക്ക് പോയ കെഎല്എം വിമാനത്തിനുള്ളില് മാസ്ക് വയ്ക്കാന് തയ്യാറാകാത്ത രണ്ട് യാത്രക്കാരെ സഹയാത്രികര് ചേര്ന്ന് മര്ദ്ദിച്ച് അവശരാക്കി. രണ്ട് പേര് അറസ്റ്റിലായി. സംഘടനത്തിന്റെ വീഡിയോ സമൂഹ മാധ്യമങ്ങളില് വൈറലായിരിക്കുകയാണ്.
സംഘര്ഷം മുറുകിയപ്പോള് യാത്രക്കാരില് ഒരാള് മുഷ്ടി ചുരുട്ടി ഇടിച്ചു. ഇയാളെ മറ്റ് യാത്രക്കാര് ചേര്ന്ന് കീഴ്പ്പെടുത്തി.തല്ലുണ്ടാക്കിയവരില് ഒരാള് ബ്രിട്ടീഷ് പൗരനാണെന്നും അയാള് മദ്യലഹരിയിലായിരുന്നുവെന്നും ഇന്സ്റ്റഗ്രാമിലൂടെ പുറത്തുവിട്ട വീഡിയോയില് പറയുന്നു.
മദ്യലഹരിയിലാണ് ബ്രിട്ടീഷ് പൗരനും അയാളുടെ സുഹൃത്തും വിമാനത്തില് കയറിയത്. ഇരുവരും മാസ്ക് ധരിക്കാന് തയ്യാറായില്ല. ചോദ്യം ചെയ്തത് കയ്യാങ്കളിയില് എത്തി. ഇരുവരേയും ഗാര്ഡിയ സിവില് പോലീസ് അറസ്റ്റു ചെയ്തു.
കെഎല്എമ്മിന്റെ എല്ലാ വിമാനത്തിലും മാസ്ക് നിര്ബന്ധമാണ്. മാസ്ക് ധരിക്കാത്തവരെ വിമാനത്തില് നിന്ന് ഒഴിവാക്കാന് വരെ കമ്പനി തീരുമാനിച്ചിട്ടുണ്ടെന്ന് കെഎല്എം വ്യക്തമാക്കി.
https://www.facebook.com/Malayalivartha
