കൊറോണ വ്യാപനം സമൂഹത്തിലാകെ തന്നെ ഭീതി വിതയ്ക്കുകയുണ്ടായി. മാത്രമല്ല ജീവിത രീതിയാകെ താനെന്ന മാറിമറിഞ്ഞു. ഏറ്റവും പ്രാധാന്യം നൽകുന്ന മാസ്ക് പോലും ട്രെന്റിന് അനുസരിച്ച് മാറ്റുകയാണ്. അണിയുന്ന വസ്ത്രത്തിന് പുറമെ സ്വര്ണത്തിലും വെള്ളിയിലും വജ്രങ്ങൾകൊണ്ട് അലങ്കരിച്ച മാസ്കുകൾ വരെ വിപണിയിൽ ലഭ്യമാണ്. എന്നാലിതാ ലോകത്തിലെ ഏറ്റവും വില കൂടിയ മാസ്‌ക് നിര്‍മ്മാണത്തില്‍ ഇസ്രായേലിലെ ജുവലറി രംഗത്ത് എത്തിയിരിക്കുകയാണ്. മാസ്കിന്റെ വിലകെട്ടൽ ആരും ഒന്ന് ഞെട്ടും. 11 കോടി വിലവരുന്ന മാസ്‌കാണ് നിര്‍മ്മിക്കുന്നത് തന്നെ. 18 കാരറ്റ് സ്വര്‍ണ്ണത്തില്‍ വെളളയും കറുപ്പും നിറത്തിലുളള 3600 ഡയമണ്ടുകളാണ് പിടിപ്പിച്ചാണ് വ്യത്യസ്ത തരത്തിലുള്ള മാസ്‌ക് നിര്‍മ്മിക്കുന്നത്.

അതായത് ഏകദേശം 1.5 മില്യണ്‍ ഡോളര്‍ വിലവരുമെന്നാണ് കണക്കാക്കുന്നത്. എന്നാലിത് ഒരു ഉപഭോക്താവിന്റെ പ്രത്യേക നിര്‍ദേശ പ്രകാരമാണ് മാസ്‌ക് നിര്‍മിക്കുന്നത് ജുവലറി അധികൃതര്‍ അറിയിക്കുകയുണ്ടായി. ലോകത്തിലെ ഏററവും വില കൂടിയ മാസ്‌ക് ആയിരിക്കണം, ഈ വര്‍ഷം തന്നെ നിര്‍മാണം പൂര്‍ത്തിയാകണം എന്നീ രണ്ടു നിര്‍ദേശങ്ങളാണ് മാസ്‌ക് നിര്‍മാണത്തിനായി ജുവലറിയെ സമീപിച്ച ഉപഭോക്താവ് മുന്നോട്ട് വെച്ചതെന്ന് യ്വെല്‍ കമ്പനിയുടെ ഉടമസ്ഥനായ ലെവി അറിയിക്കുകയുണ്ടായി.

ഒപ്പം ഏററവും വില കൂടിയ മാസ്‌കായിരിക്കണം എന്നുളള ഉപഭോക്താവിന്റെ ആവശ്യം തങ്ങളെ സംബന്ധിച്ച് വളരെ എളുപ്പമുള്ളതാണെന്നും ലെവി കൂട്ടിച്ചേര്‍ക്കുകയുണ്ടായി. എന്നാൽ ചൈനീസ്-അമേരിക്കന്‍ ഉപഭോക്താവിനെ കുറിച്ചുളള വിവരങ്ങളും കമ്പനി പുറത്തുവിട്ടിട്ടില്ല. ‘പണം കൊണ്ട് എല്ലാം സ്വന്തമാക്കാന്‍ കഴിയണമെന്നില്ല, എന്നാല്‍ തീര്‍ച്ചയായും ഡയമണ്ട് മാസ്‌ക് സ്വന്തമാക്കാനാകുമെന്നതാണ് ഇതിലൂടെ വ്യക്തമാക്കുന്നത്. ഇതു ധരിച്ച് പുറത്തിറങ്ങുന്ന വ്യക്തിയെ ജനങ്ങള്‍ ശ്രദ്ധിക്കും. അപ്പോള്‍ ധരിക്കുന്ന ആള്‍ക്ക് ലഭിക്കുന്ന സന്തോഷമാണ് ഇതില്‍ പ്രധാനം.’ എന്നും ലെവി പറയുന്നു.