അന്താരാഷ്ട്ര മാധ്യമങ്ങൾ ഒരിക്കലും പിടികൊടുക്കാത്ത ലോകനേതാവാണ് കിം ജോങ് ഉൻ...രസകരമായ പല വാർത്തകളും കിമ്മിനെ കുറിച്ചുണ്ട് .. കിം ജോങ് ഉൻ പട്ടികൾക്ക് എതിരെ കൊണ്ടുവന്ന കടുത്ത നിയമം ആണ് ഇപ്പോൾ ചർച്ചയാകുന്നത്
.. ഉത്തരകൊറിയൻ തലസ്ഥാനമായ പ്യോങ്‌യാങിലെ എല്ലാ വളർത്തുപട്ടികളെയും കസ്റ്റഡിയിൽ എടുക്കാൻ ഉത്തരവിട്ടിരിക്കുകയാണ് കിം ജോങ് ഉൻ. ചോസൺലിബോ എന്ന പത്രമാണ് ഈ വാർത്ത റിപ്പോർട്ട് ചെയ്തിട്ടുള്ളത്. രാജ്യത്ത് കൊവിഡ് സാഹചര്യത്തിൽ ഭക്ഷ്യവസ്തുക്കൾക്ക് കടുത്ത ക്ഷാമം ഉണ്ടായിരിക്കുന്ന സവിശേഷസാഹചര്യത്തിലാണ് ഇങ്ങനെ ഒരു വിചിത്രമായ ഉത്തരവ് കിം പുറപ്പെടുവിച്ചത്

കഴിഞ്ഞ മാസം അവസാനം തൊട്ടുതന്നെ, പട്ടികളെ വളർത്തുക എന്ന 'നികൃഷ്ടമായ', 'പാശ്ചാത്യ ബൂർഷ്വാ' പ്രവണത നിരോധിക്കാൻ കിം ഒരുങ്ങുന്നുണ്ട് എന്ന തരത്തിലുള്ള വിവരങ്ങൾ അനൗദ്യോഗികമായി പുറത്തുവരുന്നുണ്ടായിരുന്നു. മുതലാളിത്തം അടിച്ചേൽപ്പിക്കുന്ന ഉപഭോഗസംസ്കാരത്തെ എന്തുവിലകൊടുത്തും താൻ രാജ്യത്ത് വേരുറപ്പിക്കുന്നതിൽ നിന്ന് തടയുമെന്നു കിം കാലങ്ങളായി പറഞ്ഞുകൊണ്ടിരിക്കുന്നുമുണ്ട്. അതിന്റെ ഭാഗമാണ് ഇപ്പോഴത്തെ പട്ടി വളർത്തൽ നിരോധനം എന്ന് പറയുന്നു

രാജ്യത്ത് ഏതൊക്കെ വീടുകളിലാണ് ഇപ്പോൾ നിലവിൽ പട്ടികളുള്ളത് എന്ന് മനസ്സിലാക്കാൻ രഹസ്യപ്പോലീസിനെ നിയോഗിച്ചിട്ടുണ്ട്. . ഇപ്പോൾ പട്ടികളെ വളർത്തുന്നവർക്ക് ഒന്നുകിൽ സ്വമേധയാ അവയെ വിട്ടുനൽകാം, അല്ലെങ്കിൽ കിംമിന്റെ പൊലീസ് ബലം പ്രയോഗിച്ച് അവയെ കൊണ്ടുപോകും. ഇങ്ങനെ പിടിച്ചെടുക്കപ്പെടുന്ന നായ്ക്കളെ ഒന്നുകിൽ ഗവണ്മെന്റ് മൃഗശാലകളിലേക്കോ അല്ലെങ്കിൽ തലസ്ഥാനത്തെ പട്ടിയിറച്ചി വിളമ്പുന്ന പ്രീമിയം റസ്റോറന്റുകളിലേക്കോ ഒക്കെയാണ് സർക്കാർ ഇപ്പോൾ പറഞ്ഞയച്ചു കൊണ്ടിരിക്കുന്നത്.

വർഷങ്ങളായി ഈ പട്ടികളെ സ്വന്തം കുടുംബത്തിലെ അംഗങ്ങളെപ്പോലെ പരിപാലിച്ചു കൊണ്ടിരിക്കുന്ന പലർക്കും അവയെ വിട്ടുകൊടുക്കേണ്ടി വരുന്ന നിസ്സഹായാവസ്ഥ വേദനാജനകമാണ്‌ . പക്ഷെ വളർത്തുപട്ടിയെ വിട്ടുകൊടുത്തില്ലെങ്കിൽ കഴുത്തിനുമേൽ തല കാണില്ല എന്ന സാഹചര്യമാണ് ഇപ്പോൾ ഉള്ളതെന്നാണ് പറയുന്നത് അതുകൊണ്ടു തന്നെ പലരും മനസ്സില്ലാ മനസ്സോടെ കിമ്മിന്റെ സാഹചര്യമാണുള്ളത്.

മനുഷ്യാവകാശങ്ങൾക്ക് പോലും വിലയില്ലാത്ത ഉത്തരകൊറിയയിൽ , മൃഗങ്ങളോടുള്ള ക്രൂരത എന്നത് പരിഗണനയിൽ വരുന്നതേ അല്ല. പട്ടികളെ വളർത്തുന്നത് പാശ്ചാത്യ സംസ്കാരത്തിന്റെ വെറുക്കപ്പെടേണ്ട ലക്ഷണങ്ങളിൽ ഒന്നായി കിം ജോങ് ഉൻ പ്രഖ്യാപിച്ചു കഴിഞ്ഞു .